MATTHEW 23:13 - LEKHARABU INTHENG (BSI)

¹³ “Nangni Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Marvân Rengram kot kha mihei hmaikunga nankhârpek hei; nangni nanbinga’m hlutmak chei, akahlut sik a a’ntluk hei um nangni’n nankhâr hei.

MATTHEW 23:13 ပူးပေါင်းရင်းမြစ်များ

ISAIAH 33:14

Ziona ka-om mikaset-hei anṭit lôt a innok jo hei. Anmani’n anti, “Pathen ṭongtan hi ahei tik a hmei kakâng kapō kae. Eini khava hmeia inphut akahringtor nâk sik me mo?”

ZECHARIAH 11:17

Khava kemōng kakhem kahnem makpa kha inhmangreng jo! Ama’n akemōng rup kha adahlon jo. Re shunga ama ratha neina kha suk manhmang sik kae. Akut kangōi sik jo, ahmit changting kacho sik a kae.”

MATTHEW 23:16

“Hmitkacho hlamkakeihei, nangni sik heituk a ṭitpek ka-om chei mo! Nangni’n mi nanmanthei hei, ‘Mi inkhat in Bek-inn kapan a ṭong sekamna anei inchu khava khan ama khitmak nanti; tâk ama’n Bek-inn shunga aka-om sana kapan a ṭong asekam inchu akhit a kae,’ nanti.

MATTHEW 23:23

“Dân ojahei leh Phariseehei, heituk a ṭitpek ka-om chei mo! Nangni a’nṭhat hlemsak-hei! Nangni’n reihing, patikhôm, khana maru-marâng sem sôm chu nanpek, tâk nangni’n akakhôk pen Dânhei khachu heitea sakmak chei, khahei khachu akadik, lungset leh malung intheng hei hi kae. Alakseng um heisakmak tlo loa hivahei hi nantatlosōt sik kae.

MATTHEW 23:25

“Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Nangni’n kōklei leh thleng avângting chu nansôp mantheng, tâk ashungting chu inphâmna leh rumhrat a mi chomna kasiptak a ka-om.

MATTHEW 23:27

“Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Nangni akachek inno thlân kapō chei kae, avângting chu en kaṭha, tâk ashungting chu mi kaṭop, kathi ru kasip phet a kae.

MATTHEW 23:29

“Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Nangni’n sânkathemhei thlân kaṭhatak a nansyem, khana hringkhō kaṭha aleikahmang hei thlân nanmanret pek hei;

MATTHEW 3:7

Phariseehei leh Sadduceehei ama’n tui amanhlut sik a akahong hei kha ahmu pha anhnenga, “Eh marihei, Pathen hnuk natna ajōng katlung sik a inphut tlânsōtna sik tu’n mo amanthei chei?

LUKE 11:52

“Nangni Dân ojahei sik, heituk a ṭitpek aka-om chei mo! Nangni’n manhret theina kot mahlângna chabi kha nanchoi: khana nangni nanbinga’m hlutmak chei, khana hlut rung kati hei kha’m nankhâr heia kae.”

JOHN 9:22

Anu leh apa’n hinga antati hi Jehudihei anṭit jâra kae; ajârchu Jesu hi Messiah kae kati mi kha an-intûpna inna inphut hnongsōt sik a Jehudi he’n inhnōmtōna anta leinei dek jo kae.

JOHN 9:24

Ahmit aleikachoa akavâr jo mipa kha vōi 2 tlukna anbek male nôk a, ahnenga, “Pathen hmaikunga intep ina akadik kha hri roh! Khava mipa kha mikase ti keini’n kanmanhret,” anti.

JOHN 9:34

Anmani’n anmasôn, “Nang setna chunga a’nte hrep che’n, keini manthei sik nalarei ung mo?” antia, intûpna inna inphut anhei namsōt jo.

ṬŌNTLOHEI 13:8

Tâk-kha Elimas (Greek ṭonga Bar-Jesu intipa rahming) inti dôi kachoipa khan aleihōt a khava ram a vaikarôn in taksen hnōmna malung aheineina inphut keisōt sik aleirei.

ṬŌNTLOHEI 5:28

“Hiva mipa rahminga mihei mantheina nannei makna sik a ṭong inhnaktak kanpek jo chei, tâk enruh heimo nantatlo! Nanṭong hri hi Jerusalem pumpuia nanmanthanga, ama leithina rahno hi kanchunga mathlung sik nanrei jo” aleiti.

ṬŌNTLOHEI 5:40

Sonlehei kha anbek manhlut heia anleivōk hei, khana Jesu rahming him-hima ṭong anhrimakna sik a ṭong pekna annei heia anmasō jo hei.

ṬŌNTLOHEI 8:1

Khana Saul um antathat kha leikahnōm. Khava ning tak a inphut Jerusalema ka-om Bekrup-hei chunga êngset a tlo manrimna inphut jo. Sonlehei teilo takkasen rakip kha Judea leh Samaria pumpuia inthekchek jo hei.

TIMOTHY INHNINA 3:8

Janne leh Jambre in Moses antadōi kapōa, hiva mihei hinum akadik kha andōia kae, anmani kha mandonna kaneimak leh taksenna katlâksam hei kae.

TIMOTHY INHNINA 4:15

Ama hnenga nang nabinga insing thei roh, ajârchu ama’n hnuk kana tak a niṭonghri kha ahōt a kae.