MATTHEW 22:16 - LEKHARABU INTHENG (BSI)

¹⁶ Anmani’n ansonlehei leh Herod mihei ahnenga antir hei. Anmani’n, “Oja, nang in akadik nahri kanmanhret che. Nang in, tûte lûrna leh lenna chunga kajana neiloa, mihei sik a Pathen lungdo kha kadik a namanthei hei, ajârchu nang in tûte inkhat lulenna kha donmak che.

MATTHEW 22:16 ပူးပေါင်းရင်းမြစ်များ

RENGHEI INKHATNA 22:14

Tâk-kha Micaiah’n amasôn, “Akahring Rōngpu kapan a intep eng ama tahri rōk kha ke’n kahrisōt sik!”

HLAHEI 12:2

Ankhenga inkhat leh inkhat maleisei inhrina hei; khana hmûrthem vâng khat leh khat inhōn hei.

HLAHEI 5:9

Ka’nrepuihei tahri kha taksenthei chang hêrmak: anmani’n suk manhmang sik rōk anmadu. Anbeisō kha kahōia inne, tâk thitheina mihōnna kasiptak.

HLAHEI 55:21

Aṭong hri hei kha sene thai kanek a inne, tâk alungri chu mi enkadana rōk kha kae; aṭonghei kha thai kapōa inne, tâk chem kangei hei kapōa atuktana kae.

ṬONGCHÎK-HEI 29:5

Naṭhōnhei nahōn he’nchu, nabinga na’n-ôkna sik châng na’nkam kae.

MALACHI 2:6

Anmani’n akadik kha anmanthei hei, akadik mak kha manthei mak hei. Anmani kei leh malung khat a ka-om ung; anmani’n akadik antatlo rōk kha changmak, tâk alak-hei dikmak tlona bângna sik a’m an-inthōpui heia kae.

MALACHI 2:9

Achang jâra, khava tloman a, Israel mihei kaman hmumasi sik chei, ajârchu kalungdo kha juimak chei, khana nangni’n kamihei nanmanthei hei pha, mi rakip in-anga razen mak hei chei.”

MATTHEW 22:24

“Oja, Moses’n mi inkhat sa neiloa athi jo’nchu, asōpuipa khan anuhmei kha inlo rasoh, khana akathi jo sōpuipa sa kae tia a’nlo sik nai nei hei rasoh ati.

MATTHEW 22:26

A’n-anghrep omchen kha 2 tlukna hnenga, 3 tlukna hnenga, khana achaina unai 7 ankhenga hnenga leikasōk jo.

MATTHEW 26:18

Ama’n anhnenga ati, “Khōpuia son mi inkhat hneng se ruh, hinga vahri ruh: ‘Oja khan, kapha hong katlung jo; kei leh kasonlehei na-inna Rakan Kût kantahmang sik kae ati,’ vati ruh.”

MATTHEW 26:49

Judas kha Jesu hneng intlunhrek a kahonga, “Mōngna’n ompui che rasoh, Oja,” atia avamajôp jo.

MARK 10:17

Jesu’n ahlam hro aphut nôk pha, mi inkhat hong katlâna ahmai kunga hong-inkuna, ahnenga ader, “Akaṭha Oja, kumsôt hringna kachen theina sik ke’n heimo katlo nger sik?”

MARK 12:13

Ṭongderna vânga ama surtheina sik, Pharisee ṭhahrep leh Herod mi ṭhahrep Jesu hnenga anleitir hei.

MARK 12:14

Anmani ahnenga kahong heia ander, “Oja, nang in mihei mandonna heite khôk sakloa akadik nahri ti hi kanmanhret. Nang in tûte hmai enmak che, tâk mihei sik a Pathen lungdo kha kadik a namanthei hei. Khana Roman Rengkalen Caesar hnenga ramsêrṭhei pek sik hi nidân kadōi mo kae? Nipek sik mo? Nipek mak sik mo?”

MARK 3:6

Khava jâra Phariseehei kha intûpna innpui kha andahlon jo, inrangtak a Herod mi ṭhahrep leh inhmutō jo hei, khana anmani’n Jesu thatna sik a ṭōn anmantluk jo.

MARK 8:15

Jesu’n amanse hei, “Phariseehei leh Herod chea inphut insing thei una inrin ruh.”

LUKE 20:21

Anmitir hei khan ahnenga ander, “Oja, nang in nahri leh namanthei hei hi akadik kae. Khana mi hmai kajalo jen a, ôtum kasea Pathen lungdo chunga akadik kha namanthei hei ti keini’n kanmanhret.

LUKE 7:40

Jesu ama hneng kaṭonga, “Simon, heikhat kahri pek sik che ka-om,” ati. Ama’n, “Ôk, oja amanthei roh,” ati.

JOHN 14:6

Jesu’n amasôn, “Kei hlam leh akadik khana hringna eng kha kae; keia tei loa tûte Pa hneng semak.

JOHN 18:37

Khava jâra Pilate in ama ader, “Khan chu nang reng inkhat che mo?” Jesu’n amasôn, “Nang in kei reng inkhat che nati eng. Hiva akadik inkhat akahri sik jâra kei ajōng inte enga raleichunga akajōng eng kae. Akadik a ka-om seng khan kaṭong anrangei.”

JOHN 7:18

Mi inkhat abing ratha neina vâng akaṭong khan abing lûrna sik ajong kae. Achang ravâng ajōng katirpa lûrna sik kajōng ama khachu amalung intheng, khana akadik mak heite neimak.

CORINTHIANHEI INHNINA 2:17

Mi katamtak in Pathen ṭong kha sêr jongnating inveina ângphunga anhmang, anmani kapō keini chu changmak ung; tâk Pathen in keini aṭong kahri sik a atir ung jâra, Christa sōk kapōa malung inthengtak a, ama ângshunga aṭong kha kantahri kae.

CORINTHIANHEI INHNINA 4:2

Keini’n ṭōn marûk leh inzakna ṭōn rakip kahlonsōt; keini’n mihōnna ṭōn tlomak ung, Pathen ṭonga maleisei um hrimak ung. Pathen hmit-hmua vâr kadiktak thōia kahring ung khana mi rakip malunga akadik kha anhmu theina sik tak kantloa kae.

CORINTHIANHEI INHNINA 5:16

Kha achang jâra keini’n tûte inkhat mihring taksa lang tinga mandon mak jo ung. Pha khat a Christa kapha kha’m taksa ralei ngaia kanleimandon, tâk tûnchu mandon mak jo ung.

GALATIANHEI 1:10

Hivahi mihring hnōm pekna jongna kahri mo? Kha changkhet mak! Kamadu khachu Pathen mandikna kae! Kei mipuihei manhretna sik kajong mo? Ke’n tûn katlung hin mipuihei manhretna sik eng kalajong achang inchu, kei Christa sōk inkhat changmak ning.

GALATIANHEI 2:6

Kha’num hlamkakei inhlem hei kha tu-anchang inum kei sik a chu an-in angmakna omdek mak; ajârchu mihei kha Pathen in avângting enmak, khava hlamkakeihei chungchânga, kei sik a chu athera hrina sik om mak.

DÂNRABU INHNINA 33:9

Annu anpa, ansōpui leh ansahei chunga kanek a, Anhnōmna che kha kalentak a anmalâr. Naṭongpek anjui Khana nang intepna kha anjui mathlung.

THESSALONIANHEI INKHATNA 2:4

Khava kanek a, Pathen in amaduna ung dungjuia Ṭong kaṭha kha ahei tik a kanhri, ajârchu ama’n keini hneng hiva Ṭong kaṭha amanngan sik hi rahōi kasōk inkhat a alo ung. Keini’n mihring malung tlaina sik jongmak ung, tâk kanmalung ka-ensui Pathen malung tlaina sik kantajong jôk kae.

JAMES 3:17

Tâk-kha chunga inphut a singna khachu, hma inkeipena a’ntheng kae; khan chu mōngna kasip, nunkahōi, ṭhōn changtheina kha kae; hivahin lum lona kasip khana ṭōn kaṭha kara khômna kha amannei; hivahi inṭhat hlemsakna leh ôtum aka-om hêrmak kha kae.

JOHN INKHATNA 5:20

Eini’n akadik Pathen kha nimanhretna sik, Pathen Sapa kha kajōnga manhret theina apek jo me ti hi eini’n nimanhret. Asapa Jesu Christa leh inchunna shunga, Pathen kadik leh inchun a eini akahring me kae. Hivahi Pathen kadik kha kae, khana kumsôt hringna kha kae.