MATTHEW 20:28 - LEKHARABU INTHENG (BSI)

²⁸ Mihring Sapa kapōa, mi tarazen sik a changloa, mi inzen sik jôk leh mi katamtak intlensōt sik a ahringkhō kapea akajōng kapōa khan atlo sik kae.”

MATTHEW 20:28 ပူးပေါင်းရင်းမြစ်များ

JOB LEKHARABU 33:24

Ngeva khan marittak a ajōng ti sik, “Anmani masō hei roh! Anmani kha kathirama akase sik changmak hei. Anmani masōna sik a ankatlenna kha hin ka-om jo.”

HLAHEI 49:7

Mi inkhat in abinga intlensōt tor mak; ama’n ahringkhō man Pathen hneng pek tor mak,

ISAIAH 53:5

Tâk-kha eini setnahei jâra ama’n sungbi arôn jo, eini’n ṭhatmak nitlo jâra ama anvōk jo. Ama inrengtak a ankarâkna khan eini amandam jo me, ama antakabenna khan amantheng seng jo me.

ISAIAH 53:8

Ama kha anleisur khana ṭong mathlâkna anneia that sik a anleikei, khana achungchânga tûte inkhatbek in leidon mak hei. Ama kha nimipuihei setna jâra anleithat jo.

MATTHEW 20:27

khana nangni kâra inkhat in achungpen achanghnōm inchu ama khan nansōk akachang sik kae,

MATTHEW 26:28

hivahi Pathena intepna chunga mêrchîkna a’ntat, mi katamtak set rangei mandamna sik a akalōng kathisen kha kae.

MATTHEW 8:20

Jesu’n amasôn, “Ram-ui he’n khurhei annei, khana vahe’n rabuhei annei, tâk Mihring Sapa khan lu manhngatna leh châmhngatna hmun neimak,” atipek.

MARK 10:45

Ajârchu Mihring Sapa kha hmen razen sik a akajōng changmak; a’njen sik leh mi katamtak hei katlensōtna sik ahringkhō kapek a akajōng kae.”

MARK 14:24

Jesu’n ati, “Hivahi mi katamtak sik a akalōng kathisen, Pathen intepna chunga mêrchîkna katatna thisen kha kae.

LUKE 22:27

Ajârchu bu ka-ôa akasâk sik a a’n-ongpa leh a-inzenpa kha tu mo akalen jôk? Kadik, dokhâng chunga bu ka-ôa a’n-ongpa kha kae. Tâk-kha kei chu nankâra nan-inzen kapōa aka-om eng kae.

ROMANHEI 4:25

Eini setna jâra ama akathi sik a pek sōt jo kae, khan chu eini Pathen leh akadiksap nichang theina sik, ama akahring sik a keimathōi jo kae.

CORINTHIANHEI INHNINA 8:9

Ni-Rōngpu Jesu Christa maritna me kha nangni’n nanmanhret; ama sara changna vâng nangni mikahao nanchangna sik a, mikahao ama kha nangni sik a abinga sara inchang joa kae.

GALATIANHEI 3:13

Tâk-kha Dân tarôn sōt hâksêrna kachen kha Christa kachang joa, eini hâksêrna inphut ning leh hnōma Christa khan amasō jo me; ṭong intheng in hinga, “Tu achang inum thinglera a’nkheihlon kha hâksêr kachen kae,” ati.

EPHESIANHEI 1:7

Heijâra mo niti’nchu Christa thisen vânga niset arangei mandam jo, khana ning leh hnōma amasō jo me. Khangtuk hrep a apek me Pathen maritna kha heituk a akalen jo mo,

EPHESIANHEI 5:2

Christa khan eini alungset mea, Pathen malung tlaina marim katui tōkna leh inthoina inkhat kachanga ama abinga eini sik jâra anpek sōt kapōa nangni um lungset in ching chei rasoh.

TIMOTHY INKHATNA 2:6

mi rakip intlensōt sik a abinga a’npek sōt kha kae. Pathen in mi rakip hukmanhring sik hi amadu ti hi aphahrep a manchênna kha kae,

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

HEBREWHEI 2:10

Hivahi akadik kae khachu sa katamtak he’n alûrna kha anchen theina sik heirakip kasyem Pathen khan Jesu kha inrengna dena vânga pui katluk inkhat a asyem sik kha kae.

HEBREWHEI 5:8

Ama Pathen Sapa achang inum, akhōdeng theina vâng ṭongjui kha a’nthemchûk kae.

HEBREWHEI 9:28

Khava kapōa Christa kha’m mi katamtak setna kalosōt sik a vōi khat inthoina le’ntōksōt jo. Ama vōi 2 changna, setna chunga ensuina sik changloa, ama kahngâk ṭhak hei kahuk inhring sik a, alajōng inlâr nôk sik kae.

PETER INKHATNA 2:24

Eini hi setna shunga nithi theina sik khana akadik a nihring theina sik Christa amatak in nisetnahei kha ataksa chunga thingrakea arôn pek me kae. Asungbi rôn vâng khan nangni amandam jo chei kae.

PETER INKHATNA 3:18

Ajârchu, nangni Pathen hneng aṭhōi theina sik chei, mikaṭha inkhat kha mikaṭhamak-hei sik, Christa kha setna jâra aheitik a sik vōi khat kathi jo. Ama taksa a anleithat jo, tâk rathla a manhring jo kae.

JOHN INKHATNA 2:2

Khana niset inthengna kha Christa ama khet kha kachang jo, einihei setna rōk changmak, tâk mi rakip setna kha’m kae.

ṬONGPHÔNG 1:5

khana taksen ka-om sâkhi kapek akathia inphut ahma inkeipena keimathōi sik khana ralei renghei vaikarôn Jesu Christa a inphut maritna leh lung mōngna nanta chang rasoh. Ama’n alungset me, khana ama a’ntōksōt a athia khan eini nisetna heia inphut ning leh hnōma amasō jo me,