MATTHEW 20:2 - LEKHARABU INTHENG (BSI)

² Ni khat a kanihlō cheng khat sâm pek sik heia leikahnōma avomhrui thei rahōna ṭōn katlo sik atir jo hei.

MATTHEW 20:2 ပူးပေါင်းရင်းမြစ်များ

RENGHEI INKHATNA 18:12

Kei kasesōt lim leh Rōngpu rathla’n manhret theiloa ram inkhat a aṭhōisōt che’nchu heikhong sik? Khana, ke’n Ahab hnenga nang hin ka-om che tia kahri pek pha, ahmutor mak che’nchu, ama’n athat sik jo eng. Kei naipang kachang laia inphut Rōngpu kaṭittak a a’nmuk eng kae mandon roh.

THUHMINGHEI INHNINA 34:3

Josiah reng changna kum 8 atluk jo pha, anaipang changlai khan, apusōn Reng David Pathen kamukna kha aleiphut jo. Kum 4 kahnunga khōvel kamukna hei, Asherah Pathennu limsyem, khana limsyem ralak-hei suk manhmangna kha aleiphut jo.

MI INTHEIPA 12:1

Khava jâra nangni’n, “Hringkhō hi kahōia hmangmak ung,” nantina sik pha, inrengna kum leh kanihei kha ahong tlung mak hma, nankhangdông changlai hin nan-Pathen kha mandonsōt ruh.

MATTHEW 18:28

“Khava sōa sōk kha kasesōt a asōk changpui inkhat asêr ajing kabatpa kha ahmua asura ahrak akarâk pek a, “Nabat eng kha eipe jo roh,” ati.

MATTHEW 20:1

“Marvân Rengram khachu hiva kapō kae. Pha khat a mi inkhat in avomhrui rahōna ṭōn katlo sik a mi, nek sik kajonga jîngkâr hmatak a kasōksōt a kae.

MATTHEW 20:13

“Akapupa khan ankâra inkhat hneng amasôna, ‘Rangei roh, kaṭhōn, ke’n nangni kahōn chei changmak. Ni khat a dangka cheng khat kahlō sik a akahnōmsa chei kae.

MATTHEW 20:3

Khava sōa pungkō radona ama keithea kasōk nôk a heite tlo loa akangirlele mi ṭhahrep avahmu jo hei,

MATTHEW 20:9

Pung 5 radona ṭōntlo kaphut hei kha dangka cheng khat et apek hei.

MATTHEW 22:19

Ramsêrṭhei pek sik sêr kha eiman hmu ruh!” ati hei. Anmani’n dangka cheng khat anheichoi,

MATTHEW 9:37

Khava jâra asonlehei hneng, “Sâng ât sik chu katam, tâk aka-ât sik mi chu katlôm hei.

MARK 12:15

Tâk Jesu’n anmani inhlemsak kha amanhret a amasôn hei, “Heisa mo nanta-enmansin eng? dangka sêr inkhat kha heichoi ruh, enrong.”

LUKE 1:15

Ama kha Rōngpu hmit-hmua akalen inkhat akachang sik kae. Ama’n vomhrui ju leh kahu inhnak inmak ning. Ama anu shunga ajōng intet sōlima inphut Rathla Intheng akasip sik kae.

LUKE 10:35

Jîngkâra ama’n dangka 2 alosōt a hmetlung inn katintapa kha apek a, ‘Ama hi kaṭha leirajen roh. Kei kaho’nle pha leh, achunga namanhlut seng kha ke’n kamale sik che,’ ati.

LUKE 20:24

“Sêr inkhat amanhmu ruh, hiva chunga hin tu lim mo khana tu rahming mo a’nzet?” ati hei. Anmani’n, “Rengkalen Caesar ta kae,” tia anmasôn.

TIMOTHY INHNINA 3:15

khana nasinlaia inphut a, singna nakapektor Jesu Christa taksen jâra hukmanhringna ting ani kaṭhōi Ṭong intheng namanhret jo kha mandonsōt roh.

ṬONGPHÔNG 6:6

Ranhring 4 hei kâra inphut rasa khan, “Gehu saida khat ni khat ratha hlō sik, khan chu satun saida thum ni khat ratha hlō sik kae. Tâk-kha olive theikung leh vomhrui rahōn kha manset mak hei roh” ati.

SAMUEL INKHATNA 2:18

Khava lai khan Samuel naipang khan a’ntheng hruipōn zakkō kasei akeia, Rōngpu razenna aleitlo manjôn.

SAMUEL INKHATNA 2:26

Naipang Samuel kha hong kakhang jo khana mihring leh Rōngpu lungsetna achen jo.

SAMUEL INKHATNA 3:1

Khava lai khan, Eli hlamkeina thōia naipang Samuel in Rōngpu ṭōn atloa a-omlai, Rōngpua inphut ṭong hongrei mak, khana ama a inphut hmangtalâr inhmurei mak a kae.

SAMUEL INKHATNA 3:21

Rōngpu’n Shiloa Samuel hneng ale’nlâra ṭong aleihri pekna hmun a khan Rōngpu kha inlâr ṭhak jo. Khana Samuel in ṭong ahri pha Israel mi rakip in anrangeia kae.