MATTHEW 2:4 - LEKHARABU INTHENG (BSI)

⁴ Ama’n thempu kalenhei leh Dân ojahei ankhenga abek mantûp heia, “Messiah kha khon mo a’nte sik?” tia ader hei.

MATTHEW 2:4 ပူးပေါင်းရင်းမြစ်များ

THUHMINGHEI INHNINA 34:13

Levi ralak-hei kha neinâk rathakna leh ṭōn hlop-hlop a ṭōn katlohei mansena kaneihei kae, khana aralak-hei khan lekharabu antinta khana neinâk hrungna ṭōn antloa kae.

THUHMINGHEI INHNINA 34:15

Ama’n Shaphan hnenga ati, “Ke’n Dân Lekha kha Bek-inna hin kahmu jo.” Khana ama’n Shaphan hnenga lekha kha apek jo,

THUHMINGHEI INHNINA 36:14

Khava chunga, Judah hlamkakeihei, thempuhei, khana mipuihei khan ankimvea aka-om jât ralak-hei limsyem kamukna setna omchen kha anleijui jo hei, khana Rōngpu ama khet tamanthengsōt Bek-inn kha anmanbōk joa kae.

EZRA 10:5

Khava jâra Ezra khan Shecaniah maduna kha tlona sik a thempuhei, Levihei khana mipuihei hlamkakei akadei heia intepna amannei manphut jo hei.

EZRA 7:6

Ezra kha Israel Pathen Rōngpu’n Moses hnenga aleipek Dân ṭong kaṭha nenga inhret inkhat kae. Ajârchu Ezra’n Rōngpu apathen vângpek aleichena ama tader rakip rengkalen khan aleipek a kae. Artaxerxes vairônna kum 7 tlukna, Ezra khan thempuhei, Levihei, bek-inn hlakasak hei, bek-inn kahrunghei khana ṭōn katlohei inveina Israel rup khat leh inṭhōia Babylona inphut Jerusalema heikasōk jo hei.

HLAHEI 2:2

Anreng he’n andōi, khana anvaikarôn he’n inchun heia Rōngpu chunga leh ama takadeisōt rengpa chunga marûk a ṭōnhlam ansyem.

JEREMIAH 8:8

Heikhonga mo akasing ung khana kadânhei kanmanhret nantati thei sik? Enruh, malung intheng mak lekha inzet he’n, kadânhei kha anthleng jo hei.

MALACHI 2:7

Pathen kadik a manhretna kha mi manthei sik hi thempuhei ṭōn kae. Mipui he’n kei lungdo anmanhretna sik a anhnenga akase sik hei kae, ajârchu anmani kha Chunghnung Rōngpu ṭongkarônhei kae.

MATTHEW 13:52

Khava jâra amasôn hei, “Hiva tina hichu marvân Rengram a sonle inkhat kachang Dân Oja rakip hei khachu, akarōi manbukna inphut neinâk marō leh neinâk ther aheikakeisōt inn kapu kapō kha kae.”

MATTHEW 2:3

Hiva ṭong hi Reng Herod in athei pha amalung inrim jo, khana Jerusalema mi rakip um anmalung inrim jo hei.

MATTHEW 2:5

Anmani’n anleimasôn, “Judea ram a Bethlehema kae. Ajârchu sânkathem talei mazet kha hi kae:

MATTHEW 21:15

Jesu ṭōntlo inlak-hei leh naipang he’n Bek-inna, “David Sapa manpâk a om rasoh!” tia anta-ôn kha thempu kalenhei leh dân oja he’n anthei pha, anhnuk kana jo.

MATTHEW 21:23

Jesu Bek-inna kahong nôk a; ama’n mi amanthei lai hei thempu kalenhei leh upahe’n ahnenga kahong heia anleider, “Hihei tlosōtna sik a heiratha mo nanei? Tu’n mo hiva ratha hi apek che?”

MATTHEW 26:3

Khava pha Thempu Kalen Caiaphas innpuia, thempu kalenhei leh Jehudi upahei intûp jo hei,

MATTHEW 26:47

Jesu’n khanga ahrilai, 12 hei kâra Judas kha heikatlung jo. Ama leh mi katamtak in chemjâm leh sung anheichoia thempu leh upahei mansena thōia kahong jo hei.

MATTHEW 27:1

Jîngkâr hmatak thempu kalen rakip leh upahei seng in Jesu thatna sik lungthim antlo jo.

MATTHEW 7:29

Ama chu Dân ojahei kapōa leichang mak; khava kanek a ratha kaneitak a aleimanthei hei.

MARK 8:31

Khava sōa Jesu’n asonlehei hneng manthei aphut a, “Mihring Sapa kha khōdeng athei hêr sik kae khana upahe’n, thempu kalen he’n, khana Dân oja he’n hnōm mak hei ning. Khana ama anthat sik, ni 3 sō leh kahringa akathōisōt sik kae,” ati.

LUKE 20:19

Dân ojahei leh thempu kalen he’n khava laitak a khan Jesu surna sik anmandona kae, ajârchu anmani dōina tekâk kha ahri kae ti anmanhret jo; tâk mipuihei kha anleiṭit heia kae.

LUKE 23:10

Thempu kalenhei leh dân ojahei hmating hong inhnengsōt heia inhnaktak a Jesu anmaher maset a kae.

JOHN 18:3

Khava jâra Judas in Rome sepei rup khat, thempu kalenhei, Phariseehei tahei tir Bek-inn kahngâk-hei kha khava rahōna khan aheiṭhōi hei; khana re hmangchâk, thaihmei leh hmeiser invonna kahong hei.

JOHN 3:10

Jesu’n amasôn, “Nang Israelhei Oja kalen inkhat kachang chea hivahi namanhret tor mak mo?

JOHN 7:32

Pharisee he’n mipuihei kâra hiva Jesu chungchâng ṭong inhri hi anthei jâra anmani leh thempu kalen he’n Jesu kasur sik a mi antir jo hei.

JOHN 8:3

Dân kathemhei leh Pharisee he’n nuhmei inkhat mi leh ajông laitak antasur anjōng ṭhōia ankhenga hmaikunga anman ngir jo.

ṬŌNTLOHEI 23:9

Anrasa inshâng det-det joa Pharisee rup kâra ka-om dân oja ṭhahrep kangirsōt heia anhnōm makna hing’hin rahnak a anleiphông: “Hiva mipa chunga ṭhena heite hmutor mak ung! Rathla a-emak leh ngeva inkhat in amanṭong khet um kachang thei!”

ṬŌNTLOHEI 4:5

Ajîng kania Jehudi hlamkakeihei, upahei khana Dân ojahei kha Jerusalema le’ntûp hei.

ṬŌNTLOHEI 6:12

Khang’khan mipui, upahei, khana Dân ojahei kha akadik mak sâkhi ṭong vâng anleimathok jo hei. Stephen kha ansura Sehmang-pachong ângkunga anheiṭhōia kae.