MATTHEW 19:5 - LEKHARABU INTHENG (BSI)

⁵ Khana Pathen in ati, ‘Hiva sik jâra pase inkhat in anu leh apa adahlon sik hei kae, khana anuhmei leh a’nchun sik hei kae, khana 2 hei kha inkhat rōk akachang sik hei kae.’

MATTHEW 19:5 ပူးပေါင်းရင်းမြစ်များ

A’NPHUTNA 34:3

Khana ama’n nuhngâk kha ara-ôt hêr joa aleilungset jo khana amanu lungset chenna sik a intluk jo.

SAMUEL INHNINA 1:26

“Sōpui Jonathan, nang sik a inrim eng; heituk a kalungset che mo! Nalungsetna eng kha heituk a a’nlak jo mo, nuhmeihei lungsetna kanek a inshâng jôk.

RENGHEI INKHATNA 11:2

Anmani hin Israelhei kha pathen ralak anmanjui jôk sik hei ti jâra, Rōngpu’n hiva mihei hi leh hmōi inlona mak ruh tia Israelhei hneng ṭong apek hei ravâng ama’n aleiompui jo hei.

HLAHEI 45:10

Reng sik a hmōinu, kahri hi rangei roh, na-innkōhei leh namihei mahngi jo hei roh.

HLAHEI 63:8

Nanga kakop tlit eng, khana nakut in ahuksōt eng.

MALACHI 2:15

Pathen in nang kha ama leh taksa inkhat rōk a asyem chei changmak mo? Hivahin ama lungtup kha heimo? Khava khachu nangni’n akadiktak Pathen mi akachang sik a sa leh nai nanneina sik a kae. Khava jâra hivahi manhret manchên ruh, tûte’num anuhmei hnenga ṭongtep kha makhōimak rasoh.

MATTHEW 19:6

Achang jâra anmani mi 2 changmak jo hei, inkhat rōk jo hei kae. Pathen tamanchun jo hei kha tûte’n ṭhenmak hei rasoh.”

ROMANHEI 12:9

Lungsetna kha pui katluk a malung intheng chang rasoh. Akadik mak mater ruh, akaṭha kha matutlit ruh.

CORINTHIANHEI INKHATNA 6:16

Achangmak leh notinu inkhat leh a’nchun mi kha amanu leh taksa inkhat kachang jo hei ti hi nantamanhret mak mo? Ṭong intheng in intheng senga ahri, “Inhnihei kha taksa inkhat rōk kachang sik.”

CORINTHIANHEI INKHATNA 7:2

Tâk-kha jôngna atam jâra, pase rakip in nuhmei nei et hei rasoh, nuhmei rakip in puise nei et hei rasoh.

CORINTHIANHEI INKHATNA 7:4

Nuhmei kha abing taksa chunga khan akapu changmak, apuise kha akapu kae; khava kapōa apuise kha abing taksa chunga khan akapu changmak, anuhmei kha akapu kae.

EPHESIANHEI 5:31

Ṭong intheng in, “Hiva sik jâra pase inkhat in anu leh apa adahlona anuhmei a’nchunpui sik kae, khana 2 hei kha taksa inkhat rōk akachang sik jo hei kae,” ati.

DÂNRABU INHNINA 10:20

Rōngpu nan-Pathen ṭong jui ruh khana ama rōk kha kamuk ruh. Ahnenga taksenthei chang ruh khana ama rahming rōk a intepna nei ruh.

DÂNRABU INHNINA 11:22

“Ke’n kapek chei dân rakip taksentak a jui ruh: Rōngpu nan-Pathen kha lungset ruh, aṭongpek rakip kha tlo ruh, ahnenga taksenthei chang ruh.

DÂNRABU INHNINA 4:4

tâk nangni Rōngpu nan-Pathen kajui rakip chu tuning katlung lakahring chei.

SAMUEL INKHATNA 18:1

Saul leh David inbekna inchai jo. Khava kahnunga, Saul sapa Jonathan khan David inthloppui sik a amaduhêr jo khana abinga a’nlungset kapōa aheilungset jo.

SAMUEL INKHATNA 25:43

David khan Jezreel khōa Ahinoam aleiompui dek jo, tûn Abigail hi’m anuhmei hongkachang nôk jo.