MATTHEW 19:17 - LEKHARABU INTHENG (BSI)

¹⁷ Jesu’n ahnenga, “Akaṭha chungchânga heisa mo nahongder eng? Akaṭha Inkhat rōk ka-om. Kumsôt hringna khan nahlut-hnōm inchu ṭongpek-hei kha jui roh,” atipek.

MATTHEW 19:17 ပူးပေါင်းရင်းမြစ်များ

NEHEMIAH 9:29

Nang mantheina hei kha anjuina sik a gîkna napek hei, nadân jui sik kha hringna hlam achangjen ravâng, inlensaktak a nadânhei kha anhlonsōt hei. Anrahê kasea naṭong rangei mak hei.

HLAHEI 119:68

Heituk a akaṭha chea, heituk a lungset inhret che mo! Naṭongpek hei kha eimanthei roh.

HLAHEI 52:1

Mikalen nang, heisa mo naṭhatmakna kha na’nlensak pui? Pathen taksenthei changna hichu kumleikō sik a kae.

EZEKIEL 20:21

“Tâk-kha khava khangther he’num kei andōi jo eng. Akajui rakip hnenga hringna kapek sik kei dân kha anvōkkhōi khana kaṭong pek nitmak hei. Anmani’n Châmhngat kani anmanbōk. Khava nêrdiram a kei hnuknat inhnak kha anmanhretna sik leh thatpetna sik heia ṭōn tlo sik a kei le’ntluk eng.

LEVI-DÂN 18:5

Ke’n kapek chei ṭōn tlo sik leh dânhei kha jui ruh; khanga nantlo’nchu inhuk inhring sik chei. Kei Rōngpu eng kha kae.”

ROMANHEI 10:5

Dân juia inphut Pathen leh kadik a omsapna sik Moses’n hivahi amazet kae: “Tu achang inum Dân ṭongpek-hei kajui kha kahring sik.”

JAMES 1:17

Kutchoi kaṭha rakip leh kutchoi pui katluk rakip marvâna inphut kae; khavakha marvâna vârhei kasyem, inthlengtik kaneimak khana ahmai amahea inthim insōmak, Pathena inphut kae.

JOHN INKHATNA 4:16

Khana Pathen in nichunga lungsetna anei kha eini’n nimanhret khana nitaksen. Pathen kha lungset kae, lungsetna shunga akahring hei kha Pathen leh inchun a kahring hei, khana Pathen kha anmani leh inchun a ka-om.

SAMUEL INKHATNA 2:2

“Rōngpu kapōa a’ntheng inkhatbek om mak; ama kapō om hêrmak; Ni-Pathen kapōa ani kahrung alak om mak.