MATTHEW 18:8 - LEKHARABU INTHENG (BSI)

⁸ “Nakut a-emak leh nake khan nataksenna amanhmang sik achang inchu, tansōt inna hlonsōt roh! Kut 2 leh ke 2 pum a kumleikō hmeikhura hlon manhlut nachang sik kanek a, kut inkhat leh ke inkhat kasea kumsôt hringna nakahlut kha nang sik kaṭha jôk.

MATTHEW 18:8 ပူးပေါင်းရင်းမြစ်များ

ISAIAH 30:22

Nangni’n dangka leh sana vânga a’ntōm nanlimhei nanchoi heia akachok pōnse kapōa nanhlonsōt sik a kha, “Kanhmit hmua inphut om mak roh,” nanti sik.

ISAIAH 33:14

Ziona ka-om mikaset-hei anṭit lôt a innok jo hei. Anmani’n anti, “Pathen ṭongtan hi ahei tik a hmei kakâng kapō kae. Eini khava hmeia inphut akahringtor nâk sik me mo?”

EZEKIEL 18:31

Ṭhatmak nantatlo rakip kha bâng ruh, malung ther leh mandonna ther kha chen ruh. Heisa mo Israel nangni akathi hnōm chei?

MATTHEW 17:27

Kha’num eini’n hiva mihei hi makhe hnōm mak hei me. Nang dîra son vase inna khoi vakei roh. Hma inkeipen nga akhit kha keisōt roh, abei shunga kei leh nangnihei sik bek-inn sêrṭhei akatluk hrep sik sêr leika-om sik. Lo inna eini sêrṭhei kha pek jo hei roh,” ati.

MATTHEW 25:41

“Khana veitinga aka-om hei hneng khan ama’n ati sik, ‘Pathen hâksêr kachen hei, kahnenga inphut sesōt ruh! Seitan leh angevahei sik a mantluksa kumsôt hmeikhura sik sesōt ruh!

MATTHEW 25:46

Khan chu, anmani are-rea karâkna kachen sik a atir sik jo hei, tâk mikadik-hei khachu kumsôt hringna kase sik jo hei.”

LUKE 14:33

Jesu’n ṭong achaia, “Khava kapōa nannei rakip nandahlon mak inchu nangni tûte inkhatbek kasonle chang tor mak tin chei.

LUKE 16:24

Khava jâra ama’n ahongbek a, ‘Apa, Abraham! alungset ina Lazarus in akutpâr kha tuia heiphûm sona kamalei hi avamanchor mandai pekna sik eng ahei tir pek roh, ajârchu hiva hmei kaluma hin kei khōdeng kathei rei jo!’ ati.

ROMANHEI 13:12

Jân pha kathlengsō vet jo, khō vârna sik kahnai jo. Khō inthim ṭōnhei kha bâng jo rih; khōvâr retukna sik revon kha invon jo rih.

ṬONGPHÔNG 14:10

Pathen hnuk natna ju, hnuknat inhnaktak a asun mansip kōkleia ju kha, anbinga an-in sik! Khava katlo rakip kemōngte leh angeva intheng hei hmaikunga hmei leh kât kângna shunga khōdeng katheia ka-om sik hei.

ṬONGPHÔNG 20:15

Tu achang inum hringna lekharabu shunga arahming aka-om mak mi khachu hmei dîr shunga anhlon manhlut jo hei.

ṬONGPHÔNG 21:8

Tâk-kha ṭit kasehei, mikahōnhei, mikathat-hei, omchen kase hei, dôi kachoihei, limsyem inmuk hei, khana malei kaseihei seng omna sik a hmun kha hmei leh kât kângna dîr kha kae, khavakha vōi 2 tlukna thina kha kae.”