MATTHEW 18:3 - LEKHARABU INTHENG (BSI)

³ “Ka-diktak a kahri pek chei kae, nangni’n nanmalung nanthlenga naipanghei kapōa nanchangmak inchu marvân Rengram kha hlut hêrmak tin chei.

MATTHEW 18:3 ပူးပေါင်းရင်းမြစ်များ

HLAHEI 131:2

Khava kanek a, katlâi jo eng khana malung mōngna kanei jo. Naipang kha anu bânchunga kadai hngera akaje kapōa, khang’khan kashunga kamalung kadai jo.

ISAIAH 6:10

Khava sōa ama’n kahnenga ahri, “Hiva mihei hi anhmu makna sik, anthei makna sik leh anmanhret makna sik a, rathasetna pek hei roh. Kha achangmak inchu, kahnenga he’nhe sik hei khana manthengsōt kachang sik heia kae.”

MATTHEW 13:15

ajârchu hiva mihei malung hi kamoa kae, anmani’n ankōrhei ansing, anhmit hei ankathim. Kha achangmak inchu, anhmit hei in aleihmu sik, ankōrhei in aleithei sik a kha, anmalung in aleimanhret sik, khana anmani kei hneng he’nle sik hei, Pathen in ati, khana ke’n anmani kaleimandam sik jo hei.’

MATTHEW 18:2

Jesu’n naipang inkhat ahnenga abek a anhma aman ngira ahri,

MATTHEW 18:4

Marvân Rengram a akalenpen kha abinga a’nsinsak, hiva naipang kapōa aka-omchen mi kha kae.

MATTHEW 19:14

Jesu’n anhnenga, “Naipanghei kha kahnenga heimanhong hei ruh, khâm mak hei ruh, ajârchu marvân Rengram kha anmani kapō hei ta kae,” ati.

MATTHEW 19:23

Jesu’n khava sōa asonlehei hneng, “Kadiktak a kahri pek chei kae, mikahao inkhat marvân Rengram ahlut sik hi intak hranghra.

MATTHEW 5:18

Mandon sōt ruh marvân leh ralei a-omlai seng, Dân rahme khana ajâr kasinpen inkhatbek inhmang mak ning, heirakip a’nchai mak hma seng.

MATTHEW 5:20

Khan chu ke’n kahri pek chei kae, Pathen lungdo tlona chunga khan Dân ojahei leh Phariseehei kanek a nangni taksenthei nanchang rōk leh khan marvân Rengram kha akahlut tor sik chei kae.

MATTHEW 6:16

“Nangni’n bu nanhngōi pha, a’nṭhat hlemsak-hei kapōa akachâm hmaisō malârmak ruh. Bu anhngōi tia mihe’n anmanhretna sik a anhmaisō khachu donmak hei. Kahri manchên pek chei kae, anmani tloman kha inpesō jo hei.

MATTHEW 6:2

“Achang jâra akaneimak inkhat hneng nanpek pha, a’nṭhatsak he’n kamukna inna leh hlampui heia kalentak a malârna antatlo kapōa tlomak ruh. Mihei manpâkna chenna sik khanga antatlo kae. Kahri manchên pek chei kae, anmani tloman inpesō jo hei.

MATTHEW 6:5

“Nangni’n nander pha, a’nṭhatsak hei kapōa changmak ruh! Ajârchu anmani’n mihmuna sik a kamukna innheia leh hlampui rakir heia kangir heia kae. Kahri manchên pek chei kae, anmani tloman inpekdek jo hei.

MARK 4:12

hinga achangna sik a kae, khachu: “Anmani’n enchu an-en sik, tâk hmumak hei ning; anmani’n rangei chu anrangei sik, tâk manhret mak hei ning. Ajârchu anmani’n khanga anleitlo’nchu, anmani Pathen hneng he’nle sik jo hei, khana ama’n aleirangei mandam sik jo hei.’”

LUKE 13:24

Jesu’n amasôn, “Kot inchip a hlutna sik tak tlo ruh; ajârchu mi katamtak in hlutna sik tak antlo sik tâk hlut tor mak hei ning.

LUKE 22:32

Tâk-kha nataksenna atlâk makna sik ke’n kaderpek jo che, khana kei hneng naho’nle nôk pha nang in nasōpuihei naman-ngar chet sik heia kae,” ati.

JOHN 1:51

Khana ama’n anhnenga ati, “Kadiktak a kahri pek chei kae, marvân inhlânga, Pathen ngevahei khan Mihring Sapa chunga ajōng kaṭum leh akake hei nantahmu sik kae.”

JOHN 3:3

Jesu’n amasôn, “Kadiktak a kahri pek che kae; tu achang inum avea a’nte thermak inchu Pathen Rengram kha hmutor mak ning.”

JOHN 3:5

Jesu’n amasôn, “Kadiktak a kahri pek che kae, tui leh Rathla a a’ntemak tûte inkhatbek Pathen Rengram hlut tor mak ning.

ṬŌNTLOHEI 14:22

Takkasenhei kha anmanhnet hei khana kadik a an-om ṭhakna sik a mathokna anleinei hei. “Pathen Rengram hlutna sik a khōdeng theina hingja nide nger sik kasōk,” tia anleimanthei hei.

ṬŌNTLOHEI 28:27

ajârchu hiva mihei malung hi kamo jo, khana ankōrhei ansing, khana anhmit hei ankathima kae. Kha achangmak inchu, anhmit he’n anleihmu sik ankōr he’n anleithei sik, anmalung in anleimanhret sik, khana kei langting he’nhe sik hei, khana ke’n kaleimandam sik jo hei,’ Pathen in ati.”

ṬŌNTLOHEI 3:19

Nansetnahei rangei mandam achangna sik, insir una, Pathen langa he’nhe ruh. Hivahi nantlo’nchu

CORINTHIANHEI INKHATNA 14:20

Sōpuihei, mandonna ting naipang angmak ruh; akaṭhamak chunga chu naipang ang ruh, tâk nanmalung mandonna khan chu pui katluk chang ruh.

PETER INKHATNA 2:2

Ahei tik a arathla netui intheng ka-in hnōma tui kahre ṭhak, khavakha nan-inle nankhangna sik khana hukmanhring nanchenna sik, naipang a’ntether kha pō ruh.

PETER INHNINA 1:11

Khang’khan ni-Rōngpu leh ani kahuk inhring Jesu Christa kumsôt Rengram hlutna sik pui katluktak ratha kha a’npek sik chei kae.