MATTHEW 18:10 - LEKHARABU INTHENG (BSI)

¹⁰ “Hiva naipang kasinhei inkhat hmumasi makna sik insing thei ruh. Kahri pek chei kae anngeva he’n marvâna Kapa hmaikunga ka-om ṭhak hei.

MATTHEW 18:10 ပူးပေါင်းရင်းမြစ်များ

SAMUEL INHNINA 14:28

Absolom kha Jerusalema kum 2 rengpa hmutet loa leika-om.

RENGHEI INKHATNA 22:19

Micaiah’n abân ahri nôk a, “Tûn Rōngpu’n heimo ahri rangei ruh! Ke’n Rōngpu kha angeva rakip ahnenga kangir heia, marvâna alen in-ongna a’n-ong kha kahmu.

ESTHER 1:14

Ama’n mansena sik a akahong ṭhak hei kha Karshena, Shethar, Admatha, Tarshish, Meres, Marsena, khana Memukan–Persia leh Media ṭōnpui karôn 7 hei, rengram shunga ṭōn kalenpen intu hei kha kae.

HLAHEI 15:4

Pathen tahlonsōt hei kha anmani’num anteitôm hei tâk Rōngpu ṭong kajuihei khachu ankaja hei. Heituk a’ntak achang inum, anṭong tepna kha ahei tik a antlosōt.

HLAHEI 17:15

Tâk-kha kei chu, ṭhatmak katlomak jâra nang kahmu sik che; khana kahong inṭhang pha na-ompuina eng khan inpâkna amansip phet sik eng.

HLAHEI 34:7

Rōngpu kajana kaneihei kha angeva’n ahngâk hei khana thina theia inphut ahuksōt hei.

HLAHEI 91:11

Pathen in angevahei kha naka-ensui sik anganse sik hei; khova hmun a nasena ama’n akhâr sik che.

ZECHARIAH 13:7

Akahratpen Rōngpu’n ahri, “Thōi roh, chemjâm, khana kei sik a ṭōnkatlo kemōng kakhempa so vabuhlu roh! Ama so that roh, khana kemōnghei inchai kathek sik jo hei. Ke’n kamihei kabuhlu sik jo hei

MATTHEW 1:20

Khanga amandonlai Rōngpu ngeva kha arahmanga ahnenga hong inlâra, “David sōn Joseph, nalômnu Mary na-inna na’nṭhōi sik ṭimak roh. Ajârchu amanu naivon hi Rathla Inthenga inphut kae.

MATTHEW 12:20

Mahre inkun inkhat ama’n sukthlek mak ning, khana thaihmei kathi de-de sêmthat mak ning. Dikna khan re amantor mak kârseng ama’n athōk sik,

MATTHEW 18:14

Khava ângphunga hiva naipang kasinhei inkhat a’nhmang sik hi marvâna nanpa khan madu mak a kae.

MATTHEW 18:6

“Tu inkhat in hiva naipang kasinhei taksenna eng kha manhmang sik a atlo’nchu khava mi kha arînga chakri hlung kalen inkhat khit makheia tui-ôngpui shunga hlon manhlut, ama sik a kaṭha jôk sik.

MATTHEW 2:13

Anmani ansesō kahnunga, Rōngpu ngeva inkhat Joseph rahmanga jōng inlâra ahnenga, “Herod in naite hi that sik a ajong sik. Achang jâra thōi inna naite kha anu leh Egypt ram a ṭhōi jo ruh, khana ke’n ṭong kapek nôk mak kârseng chei sōn va-om ruh,” ati.

MATTHEW 2:19

Herod thisōa, Egypt ram a Joseph rahmanga Rōngpu ngeva inkhat inlâra,

MATTHEW 24:31

Pengkun kalen kha antum sik, ama’n angeva ralei rakir manlia atir sik hei, anmani’n akadeisōt seng kekung leh kelera anchom mantûp sik hei.

LUKE 1:19

Ngeva khan amasôn, “Kei Pathen hmaikunga akangir Gabriel eng kae, hiva ṭong kaṭha hi akahri pek sik a ajōngtir eng kae.

LUKE 10:16

Jesu’n asonlehei hneng ahri, “Tu enum nanṭong inngei kha kei ṭong inngei kae; nankahlon kha kei kahlon kae; khana kei kahlon kha anijōng katirpa kahlon kha kae.”

LUKE 16:22

“Sarapa kha kathi jo khana marvân ngeva he’n Abraham hneng marvân reveina hmun a anṭhōi jo. Mikahaopa kha’m kathi joa anvûm jo.

ṬŌNTLOHEI 10:3

Ni khat khōhlei pung 3 radona hin hmangtalâr inkhat aleinei, khava hmangtalâra khan Pathen ngeva jōng kahlut a, “Cornelius” tia aleibek kha inchêntak a aleithei.

ṬŌNTLOHEI 12:15

Anmani’n, “Invet jo che!” anleiti. Tâk-kha amanu’n akadiktak kae aleiti. Khava pha anmani’n, “Ama rathla mo kachang sik,” tia anleimasôn nôk.

ṬŌNTLOHEI 12:23

Herod khan Pathen kajana leh lulenna apek mak jâra, khavatak a Rōngpu ngeva’n avōk mathlûk a khang’khan rahlung in asâk a kathi jo.

ṬŌNTLOHEI 27:23

Ajârchu tûnjân khan kakapu leh kakamuk Pathen ngeva inkhat kahnenga kajōnga,

ṬŌNTLOHEI 5:19

Tâk-kha khava jânbât a khan Rōngpu ngeva’n kur kekot kha amahlânga, sonlehei kha amasō heia, hing’hin aleihri pek hei.

ROMANHEI 14:10

Kha achang inchu anse-hleina rōk kasâk nang in heisa mo nasōpui chunga ṭong natan? Khan chu heirakip kasâk nang in heisa mo taksenna kanei alak-hei kha nahnōise hei? Eini nikhenga Pathen ṭong tanna hma a alakangir et sik me kae.

ROMANHEI 14:21

Nasōpui inpai inthlûkna sik achang inchu, hme achanga, ju-in achanga khana hei-hei achang inum sâk mak inmak hi akadikpen kae.

ROMANHEI 15:1

Taksenna tinga akangar eini’n akatlasam hei rônkahrik kha nirônpui heia nibôm sik hei kasōk. Eini’n nibing rōk hōina sik jongmak rih.

CORINTHIANHEI INKHATNA 11:22

Nansâk nan-inna sik nanbing inn et om mak mo? Pathen bekrup hnōisena sik leh mi akatlasam hei manzakna sik a mo nantatlo? Hiva chunga hin nanhnenga heimo hri rasoh nantati eng? Kamanpâk sik chei mo? Changmak, manpâk mak chei eng.

CORINTHIANHEI INKHATNA 16:11

Ama tûte’n leihnōise mak rasoh, tâk malung kamōnga kahnenga ahe’nle theina sik ase ahongna he’nthōpui ruh; ajârchu sōpuihei leh ahe’nle sik a inhōrna kanei kae.

CORINTHIANHEI INKHATNA 9:22

Taksenna akatlasam hei kha lomanhlut theina sik, akatlasam inkhat kapōa ka-om eng. Khava jâra anmani kâra mi ṭhahrepbek kahuk manhring theina sik, mi rakip hneng heirakip kachang enga kae.

CORINTHIANHEI INHNINA 10:1

Nangni leh ni-omsap pha a chu, nunkahōi leh nun-innem antatipa, tâk nangni leh inhlajap a ka-om pha a chu, hnuk kase tia antahripa Paul, ke’n, katak khet in nanhnenga kangek chei kae. Christa nun-innemna leh milungset themna vâng khan

CORINTHIANHEI INHNINA 10:10

Mi inkhat in hing’hin, “Paul chithi hichu inhnaktak a kangar hêr, tâk ami khet nihnenga a-om jo pha chu, ama innem, aṭong hri kha’m heite emak jo,” atithei sik!

GALATIANHEI 6:1

Kasōpuihei, mi inkhat in ṭhatmak atlo nanhmusōt jo’nchu, rathla mi kachang nangni’n ama kha malung kadâi nenga adik nôkna sik tlo ruh. Khana nangni’m mathlemna nantlâk makna sik, nanbinga in-en kaṭha ruh.

THESSALONIANHEI INKHATNA 4:8

Khava jâra, hiva mansena kajuimak mi khan, mihring mansena ajuimak changmak, Rathla Intheng nankapek Pathen mansena kha ajuimak kae.

TIMOTHY INKHATNA 4:12

Khangdông chang jâra mi’n hmumasi mak hei che rasoh, tâk ṭonghria, omchen a, lungsetna, taksena, khana inthenga na-omna kha akataksenhei sik a tekhing inkhat chang roh.

HEBREWHEI 1:14

Khan chu marvân ngevahei kha heijo heihmen? Anmani ankhenga Pathen inzen rathlahei kha kae, khana hukmanhringna kachen sik senghei inthōpui sik a ajōngtir hei kae.

HEBREWHEI 9:24

Ajârchu akadik inkhat lim alo, mihring kut vânga insyem Hmun Inthenga khan Christa kha akahlut changmak. Ama marvân chungkhet a Pathen hmaikunga eini kahlanga kasea tûnhin ava’nlâr jo kae.

ṬONGPHÔNG 8:2

Khana Pathen hmaikunga kangir ngeva 7 kahmu hei, anhnenga pengkun 7 anpek heia kae.