MATTHEW 17:5 - LEKHARABU INTHENG (BSI)

⁵ Khang’khan ama aṭonglai khan sumtuk kabang hlom inkhat in amakhusi heia khana sumtuk kâra rasa inkhat in, “Ama hi Kasapa marit kae, achunga kamalung katlai, aṭong hri rangei ruh,” ajōng tia kae.

MATTHEW 17:5 ပူးပေါင်းရင်းမြစ်များ

JOB LEKHARABU 38:1

Hivasōa thlipui kâra inphut Rōngpu’n Job hneng ṭong ahei hri.

HLAHEI 81:7

Nankhōdeng thei lai khan nanbek eng, ke’n kahuk chei. Thlipui thlihrem kâra ka’nthupna inphut kahei masôn chei. Meriba tuiri pûtna khan ka-enmansin chei.

SŌKSŌT 19:19

Pengkun mahring kha inhnak chet-chet hnâm jo. Moses’n ṭong ahri, Pathen in khō inri vâng ahei masônna kae.

ISAIAH 42:1

Rōngpu’n ati, “Ke’n kamanhrat kasōkpa kha hin ka-om– achunga malung tlaina kanei, ke’n kakadei jo inkhat kha kae. Ama kha karathla vânga kamansip, khana ama’n jât rakip hnenga akadik kha arôn sōt sik.

ISAIAH 42:21

Rōngpu kha mi kahuk a ratha kahroktak Pathen inkhat kae. khava jâra adânhei leh ami mansena kha achoi manshâng, khana amipui he’n ama antakaja sik kha amadu.

MATTHEW 12:18

“Ke’n kakadei kasōk kha hin ka-om, kalungsetpa, khana achunga kamalung tlainapa kae. Achunga ke’n Ka-Rathla kajōngtir sik, khana ama’n jât-hei hneng kaṭong tanna kha ahrisōt sik.

MATTHEW 17:6

Sonlehei khan kha anthei pha, kaṭihêr jo heia anhmai raleia andima katlu jo hei.

MATTHEW 3:17

Khana marvâna inphut rasâ inkhat in, “Ama hi kasapa marittak kae, achunga kamalung katlai,” ajōng ti.

MARK 1:11

Khana marvâna inphut rasa inkhat in, “Nang kasapa marittak che kae, nachunga kamalung katlai,” ajōng ti.

MARK 9:7

Khava sōa sumtuk inkhat jōngkasōk a adaihlim khan amakhusi jo hei khana sumtuk a inphut rasa inkhat kajōnga, “Ama hi ka-Sapa marittak kae, aṭong rangei ruh,” ati.

LUKE 3:22

khana Rathla Intheng kha taksa kaneia vaṭhu kapōa jōng kaṭuma achunga kachu jo. Khana marvâna inphut rasa inkhat in, “Nang kasapa marittak che kae. Nachunga kamalung katlai,” ajōng tia kae.

JOHN 3:16

Ajârchu Pathen in vânhnōi ralei hi hingtuk hrep alungset jâra Asapa inkhat rōk kha apek jo, tu achang inum ama kataksen kha thimak ning, tâk kumleikōa hringna anei sik kae.

JOHN 3:35

Pa khan asapa kha alungset, khana aratha neina thōia heirakip apek jo.

JOHN 5:37

Khan chu anijōng katir Pa’num kei kahlânga ṭong ahria kae. Nangni’n ama rasa lathei phungmak chei, ahme um lahmu phungmak chei;

ṬŌNTLOHEI 1:9

Hivahi ahrisō pha, khanga ama anlei enlai khan marvânting ṭhōitoua ka-om jo, khana anhmit hmua inphut sumtuk in aleimanhle jo.

ṬŌNTLOHEI 7:37

Israel mipuihei hnenga, ‘Pathen in kei ajōngtir eng kapōa, nanmikhet shunga inphut Sânkathem inkhat ajōngtir pek sik chei,’ aleikatipa kha Moses hi kae.

EPHESIANHEI 1:6

Pathen in kalûra amarit me jâra Asapa marittak a inphut kutchoi apek jo me jâra Pathen kha manpâk rih!

DÂNRABU INHNINA 18:15

Khava kanek a, nanmihei kâra inphut kei kapō sânkathem ahei tir pek sik chei, ama ṭong kha nantajui sik kae.

DÂNRABU INHNINA 18:19

Kei rahminga ṭong ahri sik, khana aṭong kajuimak kha ke’n karâkna kapek sik.

DÂNRABU INHNINA 5:22

“Nangni tlâng chunga nanlei intûp pha, Rōngpu’n nankhenga hnenga aleipek chei kha hiva ṭongpek-hei hi kae. Ama’n hmei leh sumtuk insâtak kâra inphut rasa inhnaktak a aṭonglai khan hiva ṭongpek hi aleipek chei kae, aralak om mak. Khava sōa hlungpek 2 chunga amazet a apek enga kae.

COLOSSIANHEI 1:13

Ama’n eini khō inthim ratha hratna inphut ahuksōt jo me, khana asapa marit rengram shunga kahringa aṭhōi manhlut jo mea kae,

HEBREWHEI 5:9

Ama pui katluk achang sō pha, ama kataksen rakip sik kumleikō hukmanhringna kung kha kachang jo,

ṬONGPHÔNG 1:7

Enruh, ama sumtuk-hei chunga kajōng! Mi rakip leh ama kasei vânga akasun he’num anhmu sik. Raleichunga mi rakip in ama ṭajai ansui sik. Khang’khan kachang sik!

ṬONGPHÔNG 14:14

Khava sōa ke’n ka-ena, sumtuk kabang inkhat chunga mi inkhat kapōa in-onga, alu chunga lenlukhu inkhua, khana kôite kangeijap inkhat akachoi ka-om.