MATTHEW 17:18 - LEKHARABU INTHENG (BSI)

¹⁸ Jesu’n ramṭai kha ṭong apek a ahnenga inphut kasesōt jo, khava phatak a khan naipang kha kadam jo.

MATTHEW 17:18 ပူးပေါင်းရင်းမြစ်များ

MATTHEW 12:22

Khava sōa mi ṭhahrep in mi inkhat ṭai arôn jâra ahmit kacho, akaṭong theimak Jesu hnenga anheiṭhōi. Aṭong theina sik leh ahmu theina sik a Jesu’n aleimandam jo.

MATTHEW 15:28

Khan chu Jesu’n amanu amasôn, “Taksenna kalen nuhmei che kae! Namadu kha tlopek sik che kae.” Khava phatak a khan asanu kha kadam jo.

MATTHEW 17:17

Jesu’n amasôn, “Heituk a taksen kaneimak leh akadik mak mi chei mo! Heitik chenmo ka-ompui sik chei? Heitik chenmo kathōkpui hi sik chei? Naipangpa kha hin kahnenga heiṭhōi ruh!”

MATTHEW 17:19

Khana sonlehei kha marûk a anbinga Jesu hneng kahong heia, “Heisa mo keini’n ṭai kha kantahnong sōt tor mak?” anhongti.

MATTHEW 9:22

Khana Jesu inhea ama kha ahmua ahnenga, “Kangama om roh, kasanu! Nataksen in amandam jo che,” ati. Khava phatak a khan ama kha kadam jo.

MARK 1:34

Jesu’n nat hlop-hlop a akana rakip mi katamtak amandam hei khana ṭai katamtak ahnong sōt hei. Ṭaihei khan heikhat anṭong sik kha phepek mak hei, ajârchu ama tu mo ti kha anmani’n anmanhret a kae.

MARK 5:8

(Ama’n hinga aleiti hi Jesu’n, “Rathla kaṭhamak, hiva mipa hnenga inphut sōksōt roh,” ati jâra kae.)

LUKE 4:41

Mi katamtak a inphut ṭai heikasōk heia, “Nang Pathen sapa che kae,” tia anlei-ôn. Jesu’n ṭaihei kha ṭong apek heia manṭong mak hei, ajârchu ama Messiah kae ti kha anmanhret a kae.

LUKE 8:29

Ama’n hinga ati hi rathla kaṭhamak kha ama inphut asesōtna sik Jesu’n ṭong aleipek jo jâra kae. Hmun katamtak a rathla kaṭhamak khan aleisur ri, khana thirhrui vâng ankhit a, rake antukkhum ravâng amaher thlek a ṭai khan nêrdiram thōia aṭhōi ria kae.

LUKE 9:42

Naipang kha ahonglai khan ṭai khan akei ra-ea raleia amathlûk jo. Tâk-kha Jesu’n rathla kaṭhamak kha araseia, pasenai kha amandam jo, khana apa hneng apek joa kae.

ṬŌNTLOHEI 16:18

Kanikhō katamtak khang’khan aleitlo, Paul in ahōtrak joa, inhea khava rathla-ravai hnenga, “Jesu Christa rahminga ṭong kapek che kae, amanua inphut sōksōt roh!” ati. Khava phatak a khan amanua inphut rathla-ravai kha leikasōk jo.