MATTHEW 16:28 - LEKHARABU INTHENG (BSI)

²⁸ Kadiktak a kahri pek chei kae Mihring Sapa kha Reng inkhat a ajōng ṭum anhmumak kârseng akathimak sik ṭhahrep hinahin ka-om hei.”

MATTHEW 16:28 ပူးပေါင်းရင်းမြစ်များ

MATTHEW 10:23

Khōpui inkhat a ansuk manrim chei inchu, abâna khōa tlân ruh. Ajârchu Mihring Sapa ajōngmak kâra Israel khōpui rakip a nanṭōn chaitor mak tin chei ti ke’n kahri manchên kae.

MATTHEW 16:13

Jesu Caesarea Philippia ramṭhenting kase jo, khana khan asonlehei hneng ader hei, “Mihring Sapa kha mihe’n tu mo kae anti?”

MATTHEW 24:3

Olive Tlâng chunga Ama a’n-onglai sonlehei kha anhlop a ahnenga kahong heia, “Khahei kha heitik mo ajōng kasōk sik khana najōngna sik leh pha inchaina mêrchîkna kha heimo akasōk sik amanthei roh,” anti.

MATTHEW 24:34

Omchen rakip hei hi tuna akahring mihei hi anthisō mak hma akasōksō sik hei kae ti hi mandonsōt ruh.

MATTHEW 24:42

“Khava jâra inrin ruh, ajârchu heikania nan-Rōngpu akajōng sik manhret mak chei.

MATTHEW 26:64

Jesu’n amasôn, “Nang in khanga nahri jo. Khana nankhenga kahri pek chei kae: tuna inphut Mihring Sapa kha Akahratpen ama changting a’n-ong leh marvâna sumtuk chunga ajōng ṭum kha nanhmu sik!”

MATTHEW 8:20

Jesu’n amasôn, “Ram-ui he’n khurhei annei, khana vahe’n rabuhei annei, tâk Mihring Sapa khan lu manhngatna leh châmhngatna hmun neimak,” atipek.

MARK 13:26

Khava sōa Mihring Sapa kha jōng inlâr sik, alûrna aratha hratna leh inṭhōia sumtuk chunga kajōng sik.

MARK 8:38

Mi inkhat in hiva bekṭong kase leh ṭhatmak pha shunga hin kei leh kaṭong mantheina chungchânga a’nzak inchu, Mihring Sapa khan Apa lûrna shunga ngeva intheng hei leh anjōng pha achungchânga a’nzak sik kae.

MARK 9:1

Khana Jesu’n anhnenga aleihrisa, “Ke’n kahri pek chei kae, Pathen Rengram kha ratha kaneitak a ajōng ṭum anhmumak kârseng alakathi mak sik mi ṭhahrep hinahin ka-om heia kae.”

LUKE 18:8

Ke’n kahri pek chei kae, ama’n anmani hukna sik ṭong atan sik khana inrangtak a atlo sik. Tâk-kha, Mihring Sapa kha ajōng pha leh raleichunga akataksen mi ahmu sik hei nâk mo?”

LUKE 2:26

khana Rōngpu ṭongtep Messiah kha ahmu mak kârseng akathimak sik a aleihri manchên pek.

LUKE 9:27

Kahri manchên pek chei kae, Pathen Rengram kha anhmu mak hma seng thina intō mak sik mi ṭhahrep hin ka-om hei.”

JOHN 21:22

Jesu’n amasôna, “Kajōng mak kârseng ama aleikahring sik a kamadu’n chu, khavakha nang hnenga heimo akhôkna ka-om? Kei ajui roh!” ati.

JOHN 8:51

Akadik kha kahri pek chei kae. Tu achang inum kei mantheina kajui mi kha thihêr mak ning.”

JOHN 8:52

Anmani’n ahnenga anti, “Nang ṭai karôn che kae ti hi tûn keini’n inchêna kanmanhret jo che. Abraham kathi jo, Sânkathemhei kathi jo hei, kha’num nang in, ‘Tu achang inum kei ṭong kajui mi kha ahei tik a thimak ning,’ natia kae.

ṬŌNTLOHEI 1:11

khana anleihri, “Eh Galilee mihei, heisik a mo khangkhana akangir cheia thangvânlang nanta-entou? Nangnia inphut marvâna a’nṭhōitou, hiva Jesu hi, marvâna ase nantahmu kapōa ajōng inle nôk sik kae.” anti.

CORINTHIANHEI INKHATNA 15:23

Kha achang inum, adânhrep a inkha-khat a akathōi sik hei kae: ti chu hma inkeipena Christa, khava sōa ama ajōng pha leh ami kachang hei seng kha kathōisōt sik hei.

THESSALONIANHEI INKHATNA 1:10

khan chu Pathen hnuk natna ajōng katlung sik a inphut, ani kahuk inhringpa, Pathen khan thina inphut akei mathōi Asapa Jesu kha marvâna inphut ajōng sik nantahngâk hi mi rakip in anhri joa kae.

HEBREWHEI 2:9

Tâk-kha Pathen maritna jâra mi rakip sik a athi theina sik a pha bongkhat ngevahei kanek a thōi katla det a aleisyem Jesu khachu nihmu. Ama’n khava thina intak kha aleide jâra kajana leh lûrna khana lenlukhu a’nkhu kha eini’n tûnchu nihmu joa kae.

JAMES 5:7

Khava jâra kasōpuihei, Rōngpu ajōngmak kârseng dehrat ruh. Hlei kathlō mipa’n ahleia mankatam sâng akasōk sik kha dehrattak a ahngâk kha enruh. Ama’n ṭhekhō leh zerkhō inchoi sik kha dehrattak a ahngâk a kae.

PETER INHNINA 1:16

Ni-Rōngpu Jesu Christa ratha kaneitak a ajōng sik ṭong kanhrina chunga hin syemsōt thuhming chunga keini in-ngai mak ung, kanhmit khet in alenna kha kantahmu kae.

JOHN INKHATNA 2:28

Kadik, kasahei, ama leh inchun a omṭhak ruh, kha achang inchu, ama ahon’lâr ajōng ning Kani khan pui katluk inngamna kha ninei sik khana ahmai kunga inphut inzak a inthup sik kha rangei mak ning.