MATTHEW 16:17 - LEKHARABU INTHENG (BSI)

¹⁷ Jesu’n amasôn, “John sapa Simon, nang narevân kaṭha. Ajârchu hiva ṭongdik hi mihring inkhat tamanthei che changmak, tâk marvâna kapa khet tamanthei che kae.

MATTHEW 16:17 ပူးပေါင်းရင်းမြစ်များ

ISAIAH 54:13

“Kei khet in namihei kamanthei sik hei, khana neina leh lung mōngna kapek sik hei.

LUKE 22:32

Tâk-kha nataksenna atlâk makna sik ke’n kaderpek jo che, khana kei hneng naho’nle nôk pha nang in nasōpuihei naman-ngar chet sik heia kae,” ati.

JOHN 1:42

Ama’n Simon kha Jesu hneng aheiṭhōi. Jesu’n ama a-enna, “Nang rahming hi John sapa Simon che kae, tâk Cephas a’nti sik jo che kae,” ati. (Hivahi Peter tina leh in-angtling hlungpui inkhat tina kae.)

JOHN 6:45

Sânkathem he’n hing’hin anleimazet, ‘Pathen in mi rakip amanthei sik.’ Tu achang inum Pa hnenga inphut aṭong kathei leh a’nchû mi kha kahnenga kahong.

CORINTHIANHEI INKHATNA 15:50

Sōpuihei, hiva kahri hi taksa leh thisena a’nsyem khan Pathen Rengram a chen neimak, khana akathithei khan akathi theimak kha chenthei mak ti hi katina kae.

GALATIANHEI 1:16

Jât-hlop hei hneng ama chungchânga, Ṭong kaṭha kavahrile theina sik ke’n, ani’nse sik a, tûte hneng leise mak eng,

EPHESIANHEI 2:8

Ajârchu hivahi taksen jâra Pathen maritna khan ahuk manhring jo chei kae. Hivahi nanṭōn tlo jâra changmak, tâk Pathen kutchoi pek kae, hiva chunga tûte’n a’nlensak makna sik a kae.

EPHESIANHEI 3:5

Hmalai chu hiva ṭong in-ip hi mihei hneng leiman theimak, tâk tûnchu Pathen in Rathla vâng khan sânkathemhei leh asonle intheng hei hneng aphôngpek jo hei.

EPHESIANHEI 6:12

Heijâra mo niti’nchu eini ralei taksa leh thisen kanei mihringhei leh re a’ntuk me changmak, tâk ṭhatmak rumhrat kahmang vaikarônhei, ṭong kaneihei, leh khang inthim thōia ratha kahrat bōirōk a ka-om hei kadōia eini’n re nituk kae.

HEBREWHEI 2:14

Ama’n naipanghei ati kha, taksa leh thisen mihei anchang jâra, Jesu amatak kha’m anmani kapō inkhat hong kachanga, anmihring ngai ahongchenpui hei. Khana ama thi jâra Diabol, thina chunga ṭong kaneipa, kha asuk manhmang theina sik ama’n hivahi aleitlo jo,

PETER INKHATNA 5:1

Upa inkhat kachang ke’n nangni bekrup upahei hneng kahei ngek chei kae. Christa khōdeng theina inchênna akahmu kha kei eng kae, ahong inlâr sik lûrna kha ke’n chen kanei sik jo. Nanhnenga kangek chei,

JOHN INKHATNA 4:15

Tu achang inum Jesu Christa kha Pathen Sapa kae tia akaphôngsōt kha Pathen leh inchun a aka-om kae; khana Pathen kha ama leh inchun a aka-om kae.

JOHN INKHATNA 5:20

Eini’n akadik Pathen kha nimanhretna sik, Pathen Sapa kha kajōnga manhret theina apek jo me ti hi eini’n nimanhret. Asapa Jesu Christa leh inchunna shunga, Pathen kadik leh inchun a eini akahring me kae. Hivahi Pathen kadik kha kae, khana kumsôt hringna kha kae.