MATTHEW 15:31 - LEKHARABU INTHENG (BSI)

³¹ Mipuihei khan, akaṭong theimak akaṭongthei, lang kangōi akadam, ke inkhôi akalôn, khana hmitkacho’n khō ahmu hei kha anhmu pha andet-hla jo; anmani’n Israel Pathen kha anleichoi manshâng jo.

MATTHEW 15:31 ပူးပေါင်းရင်းမြစ်များ

A’NPHUTNA 32:28

Pase khan, “Narahming Jacob inti mak jo ning. Israel inti sik jo, ajârchu nang in mihring leh Pathen na’nrepui jo hei, khana nang in nator jo hei; khava jâra narahming hi Israel a’nti sik jo kae,” ati.

A’NPHUTNA 33:20

Khana khan ama’n kamukna maichâm inkhat amatunga ahmun kha El tia aleiphō, Israelhei Pathen rahming kae.

HLAHEI 50:15

Nan-inreng pha leh kei eibe ruh; kahuk sik chei, khana nantamanpâk sik eng kae.”

HLAHEI 50:23

Kei ani inja he’n manpâkna antapek eng kha, inthoina kha kae; khana kaṭong kajui rakip kha kahuk nger sik hei.”

SŌKSŌT 24:10

khana Israelhei Pathen kha anvahmu jo. Akepha kha sapphir hlung kechōnna ka-ang, bōirōk vapuirei kapōhrep kae.

MATTHEW 15:30

Mipui katamtak ahnenga kahong hei, kut kangōi, hmitkacho, ke inkhôi, akaṭong theimak khana akadam mak ralak katamtak, akekunga anhong da hei; khana ama’n amandam hei.

MATTHEW 18:8

“Nakut a-emak leh nake khan nataksenna amanhmang sik achang inchu, tansōt inna hlonsōt roh! Kut 2 leh ke 2 pum a kumleikō hmeikhura hlon manhlut nachang sik kanek a, kut inkhat leh ke inkhat kasea kumsôt hringna nakahlut kha nang sik kaṭha jôk.

MATTHEW 21:14

Bek-inn shunga khan hmitkachohei leh ke-inkhôihei ahnenga kahong hei, khana amandam hei.

MATTHEW 8:10

Jesu’n athei pha inlak asak joa akahnung kajui mipuihei hneng, “Kahri pek chei kae, hinghrep a taksenna kanei Israel kâra inkhatbek um lahmu mak eng.

MATTHEW 9:32

Anmani ansesōt pha, ṭai arôn jâra akaṭong theimak mi inkhat Jesu hneng anheiṭhōi.

MATTHEW 9:33

Tâk ṭai kha ama’n ahnong sōt lim leh, mipa kha kaṭongthei jo, khana mipuihei khan inlak ansak jo. “Israel shunga hiva kapō inkhatbek lahmu phung hêrmak ung!” antia an-ôn.

MATTHEW 9:8

Mipuihei khan kha anhmu pha kaṭi jo hei, khana mihei hnenga hiva kapō torna ratha kha apek jâra Pathen kha anmanpâk jo.

MARK 2:12

Khanga ankhenga anlei enlai, mipa kha kathōia, akapher akadoma, inrangtak a kase jo. Anmani ankhenga andet-hla hêr jo khana Pathen anchoi ka-ânna anti, “Eini’n hinghiva kapō hi lahmu phung hêrmak me!”

MARK 7:37

Khana akathei rakip in andet-hla hêr jo. “Heirakip hi heituk injentak a atlo jo mo!” anti. “Kōr kaset kapha amanvâr, akaṭong theimak amanṭong thei,” antia kae.

MARK 9:43

Khava jâra nakut inkhat in nataksenna amanhmang inchu, tuktan roh! Nakut 2 pum a akathi hêrmak hmeikhura nahlut sik kanek a kut inkhat rōk leh kumleikōa hringna nahlut sik kha kaṭha jôk.

LUKE 14:13

Nang in sâktlânga mi navei pha leh, sarahei, akalôn theimak hei, ke inkhōi hei, hmitkachohei, bek hei roh;

LUKE 14:21

“Sōkpa kha inlea akapupa hneng hihei rakip hi ava manthei jo. Khava inn kapupa kha ahnuk kana joa asōk hneng ahri, ‘Hlampuia leh khōpui hlamsōa vase ina sara khōdeng kathei inreng invai hei, a’nhling theimak, kut leh ke katlek khana hmitkachohei inranga vaṭhōi hei roh.’

LUKE 18:43

Khavatak a khō ahmutor jo khana ama’n Pathen amanpâk a, Jesu kahnung ajui jo. Mipui he’n kha anhmu pha, ankhenga Pathen anchoi ka-ân jo.

LUKE 7:16

Mi rakip ankhenga ṭitna kasip sō jo hei, khana anmani’n Pathen anmanpâk a, “Sânkathem kalentak inkhat nihnenga jōng inlâr jo, amihei kahuk sik a Pathen akajōng jo kae,” anti.

JOHN 9:24

Ahmit aleikachoa akavâr jo mipa kha vōi 2 tlukna anbek male nôk a, ahnenga, “Pathen hmaikunga intep ina akadik kha hri roh! Khava mipa kha mikase ti keini’n kanmanhret,” anti.