MATTHEW 15:14 - LEKHARABU INTHENG (BSI)

¹⁴ Anmani chunga nanmalung manrim mak ruh! Anmani hmitkachohei hi hmitkachohei hlamkakeihei kae; hmitkacho inkhat in hmitkacho inkhat hlam akei inchu, an-inhnibât a khur kōk a akatla sik hei kae.”

MATTHEW 15:14 ပူးပေါင်းရင်းမြစ်များ

ISAIAH 31:3

Egypt hei kha Pathen changmak hei, anmani mihring hrep hei kae. Anshakorhei kha akahrat inlak changmak hei. Rōngpu’n ṭōn atlo pha, ratha kahrat jât kha kakōi inthek sik, khana ratha katlôm jât a’nṭangpui kha’m katlu sik. An-inhnia suk manhmang kachang sik heia kae.

ISAIAH 42:19

Kasōkpa kanek a hmitkacho tu mo aka-om, ṭong kasem a katirpa kakhea tu mo kōr kaset aka-om?

ISAIAH 56:10

Ama’n ati, “Hlamkakei seng, kamihei gîkna kapek sik a rahōi kasōk hei kha anhmit kacho jo! Anmani’n heite manhret mak hei. Anmani kha ui, mi kahnuk mak, a’nbok hnâma rahmang kasân ka-ang jo hei. Heituk-hrep a akaje hnōm hei mo!

ISAIAH 9:16

Hiva mi hlamkakei he’n mihei kha hlam kalet a anṭhōi hei khana pum manhmak a anmanhmak hei.

JEREMIAH 5:31

Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

JEREMIAH 6:15

Anmani’n hiva mater ka-om omchen antlo pha hin inzak hei mo? Inzak mak hei, inzak hêrmak hei; anhmu kapha anhmai senmak. Khava jâra anmani milak-hei tlûna kapōa katlu sik hei; ke’n karâkna kapek hei pha, khavakha an-inchaina kachang sik jo. Rōngpu ke’n kahri jo kae.”

JEREMIAH 8:12

Kamihei, hinghiva mater ka-om tak ṭōn hi nantlo jâra inzak chei mo? Changmak, inzak hêrmak chei; nanhmai sennabek kha’m manhret mak chei.! Khava jâra mihlop-hei katlu kapōa nangni akatlu sik chei kae; ke’n karâkna kapek chei pha khan chu, khavakha nan-inchaina kachang sik jo. Rōngpu ke’n kahri jo kae.

HOSEA 4:17

Israel mihei hi limhei kamukna ṭong rōk a kase jo hei. Anbing racham et a sehei rasoh.

MALACHI 2:8

“Tâk-kha tûnchu thempu nangni he’n akadik hlam a inphut inhesōt jo chei. Nanṭong mantheina khan mi katamtak akaletting aṭhōisōt jo hei, nangni leh ni’ntepna ṭong nanmakhōi jo.

LUKE 6:39

Khana Jesu’n hiva tekâk hi aleihri pek hei, “Hmitkacho inkhat in hmitkacho inkhat hlam keithei mak; akei inchu, an-inhnia khur kōk a katla inhlut sik hei.

JOHN 9:39

Jesu’n ahri, “Hmitkachohei khō hmuna sik, khō kahmuhei hmit chona sik, hiva raleichunga ṭong katan sik a kei akajōng eng kae.”

TIMOTHY INKHATNA 6:5

khana a’ndon theimak hei leh dikna kaneimak hei leh bânglo jena inkhena amannei ṭhak a kae. Anmani’n bekṭong hi haona sik hlam inkhat a anmandona kae.

PETER INHNINA 2:1

Hmalai mihei kâra sânkathem kadikmak le’nlâr hei, khava leh in-anghrep a mi’nthei kadikmak hei nankâra ahong inlâr sik hei kae. Anmani’n ankahuk ankapu kha hnōm mak heia, khana insena kadikmak insuk-inpaina anheirônsōt sik, khana manhret manloa anbinga insuk inhmangna antamasō sik kae.

PETER INHNINA 2:17

Hinghiva mihei hi tuihnâr kachâr kapō, thlipui tatlen sumtuk kapō hei kae; anmani sik Pathen in khō inthimna hmun inkhat adapek hei.

ṬONGPHÔNG 19:20

Khava ranhring kha ahmai kunga ṭōntlo inlak katlo sânkathem inhlempa kha leh inṭhōia ansur heia kura ankhum jo hei. (Khava aṭōntlo inlak tlona vâng khan ama’n ranhring limsyem chîknabi kaneihei leh ranhring inmuk hei kha amathlem mathlâk heia kae.) Hmei kângna dîr shunga ranhring leh sânkathem inhlempa kha anhring pum a anhlon manhlut jo hei.

ṬONGPHÔNG 22:15

Achang ravâng khōpui vângting khan chu, mikahōn inthla, mikaṭhamak, dôi kachoi, mikajông, mikathat, limsyem inmuk, ṭōntlo leh ṭonghria malei kasei ka-om hei.