MATTHEW 15:1 - LEKHARABU INTHENG (BSI)

¹ Khava sōa Jerusalema inphut Phariseehei leh Dân ojahei Jesu hneng kahong heia,

MATTHEW 15:1 ပူးပေါင်းရင်းမြစ်များ

MATTHEW 23:2

“Dân ojahei leh Phariseehei Moses Dân kha a’nlesōt sik a manṭhat hei kae.

MATTHEW 5:20

Khan chu ke’n kahri pek chei kae, Pathen lungdo tlona chunga khan Dân ojahei leh Phariseehei kanek a nangni taksenthei nanchang rōk leh khan marvân Rengram kha akahlut tor sik chei kae.

MARK 3:22

Jerusalema inphut Dân oja ṭhahrep akahong he’n, “Ashunga Beelzebul aka-om kae! Anmani hnongsōtna sik ahnenga ratha akapek kha ṭaihei rengpa kae,” anti.

LUKE 5:17

Ni khat ama’n mi amanthei lai hei, Jerusalema inphut leh Judea ram a inphut khana Galilee ram a inphut Phariseehei leh dân oja ṭhahrep khava hmun a khan le’n ong heia kae. Khana mi kanahei kha amandamna sik Rōngpu ratha hratna khan Jesu aleiompuia kae.

LUKE 5:21

Khava pha Pharisee leh dân ojahei khan anbing kâra anhri manphut a, “Pathen teilo tûte’n setna rangei mandam tor mak! Hinga Pathen dōina ṭongkahri ama hi tu mo kae?” inti hei.

LUKE 5:30

Khana Phariseehei leh dân oja he’n sonlehei hneng ander hei “Heisa mo ramsêr kaṭhei leh mikase ralak-hei leh thlai nantasâk sap?”

JOHN 1:19

Jerusalema ka-om Jehudi vaikarôn he’n, “Nang tu che mo?” tia ṭong akader sik a Thempuhei leh Levihei anleitir hei.

ṬŌNTLOHEI 23:9

Anrasa inshâng det-det joa Pharisee rup kâra ka-om dân oja ṭhahrep kangirsōt heia anhnōm makna hing’hin rahnak a anleiphông: “Hiva mipa chunga ṭhena heite hmutor mak ung! Rathla a-emak leh ngeva inkhat in amanṭong khet um kachang thei!”

ṬŌNTLOHEI 25:7

Paul kha aheitlung pha Jerusalema inphut a akava Jehudihei kha akimvea kangir heia, manchênna antamalâr tor mak ṭong kakhôk hingja vâng maherna anleiphut jo.