MATTHEW 14:6 - LEKHARABU INTHENG (BSI)

⁶ Herod inte ninga rehōia Herodias sanu kha mipui hma hong kalâm. Herod kha katlai hranghra,

MATTHEW 14:6 ပူးပေါင်းရင်းမြစ်များ

A’NPHUTNA 40:20

Ni 3 sōa rengpa intet ning kachanga, aṭōn katlo rakip sik a revei sâktlâng aleitloa kae; aju katintapa leh abuhlom kasyempa kha akeisōt heia ṭōn katlohei hmaikunga anheiṭhōi hei.

ESTHER 2:18

Khava sōa Esther kajana rengpa khan sâklôm kalentak aleitlo khana avaikarônhei leh aṭōn karônhei seng aleibek hei. Ama’n rengram pumpuia inhngana kani inkhat a aphôngsōt a rahōi kasōk reng kutchoi kha aleisempek hei.

MATTHEW 14:3

Ajârchu Herod in John kha hiva mak hma khan aleisura thirhrui vâng akhit a aleikhum kae. Hivahi asōpuipa Philip lômnu, Herodias jâra kae.

MATTHEW 14:7

khana amanu hneng le’ntep a, “Nang in nader eng rakip kha kapek sik che, kei intep eng,” aleiti.

MATTHEW 22:24

“Oja, Moses’n mi inkhat sa neiloa athi jo’nchu, asōpuipa khan anuhmei kha inlo rasoh, khana akathi jo sōpuipa sa kae tia a’nlo sik nai nei hei rasoh ati.

MARK 6:14

Tûnchu Reng Herod in hihei rakip chungchânga athei jo, ajârchu Jesu rahming ṭhatna hmuntina le’nthang jo. Mi ṭhahrep in, “Tui Inhlutpa John hongkahring nôk jo! Khava jâra hinghiva ṭōn-inlak tlona ratha hi anei kae,” anti.

MARK 6:17

Herod khet in John surna sik ṭong aleimasōa, khana thîrhrui vâng aleikhit a kurkhum shunga aleida kae. Herod in hinga aleitlo hi anaipa Philip nuhmei ama’n aleikasut a aleiompui jo, Herodias jâra kae.

MARK 6:19

Khava jâra Herodias khan John kha aleihōt khana that sik a amadu, tâk Herod a-om jâra leitlotor mak.

MARK 8:15

Jesu’n amanse hei, “Phariseehei leh Herod chea inphut insing thei una inrin ruh.”

LUKE 13:31

Khava laitak khan Pharisee ṭhahrep kahong heia Jesu hneng anleihri, “Nang hinna inphut hmunhlop a sesōt jo roh, Herod in athat hnōm che.”

LUKE 23:11

Herod leh asepei he’n anmanuisōa semtlo hōina anleinei. Anmani’n pōn innem anmansia Pilate hneng anleitir male jo.

LUKE 23:7

Khana ama’n Jesu hi Herod vairônna ramṭhen a mi achang amanhret pha, Herod hneng Jesu kha atir jo, khava laitak khan Herod Jerusalema leika-om.

LUKE 3:1

Tiberius Rengkalen vairônna kum 15 atluk pha, Judea ramṭhen a vaikarôn kha Pontius Pilate leikachang, Herod in Galilee ramtlâk vai aleirôn, khana anaipa Philip in Iturea ramṭhen leh Trachonitis vai aleirôn; Lysanias in Abilene vai aleirôn,

LUKE 3:19

Tâk-kha John in Herod, vaikarôn kha hrimanṭhat mak a kae, ajârchu anaipa nuhmei Herodias kha aleiompui jo khana ṭōn kaṭhamak katamtak aleitloa kae.

LUKE 8:3

Herod ṭongtana hmun a ṭōnkatlo Khuza nuhmei Joanna, khana Susanna leh nuhmei ralak katamtak hei, Jesu leh sonlehei chunga inthōpuina aleikapek hei seng kha kae.

ṬŌNTLOHEI 12:1

Khava lai khan Reng Herod inum Bekrup mi ṭhahrep chunga suk manrimna ṭōn kha aleitlo manphut a kae.

ṬŌNTLOHEI 4:27

Atakbak a nang in Messiah namatungsōt, Nasōk intheng, Jesu kadōia Herod leh Pontius Pilate in Jât-hlop hei leh Israel mipuihei kha hiva khōpuia anle’ntûp pui hei.