MATTHEW 13:42 - LEKHARABU INTHENG (BSI)

⁴² khana anmani’n hmeikhur shunga anhlon manhlut sik jo hei, khava hmun a ṭap leh ha karôtna annei sik jo.

MATTHEW 13:42 ပူးပေါင်းရင်းမြစ်များ

SAMUEL INHNINA 23:7

Thir hmangchâk achangmak leh kasei nahmang sik kae; ro-inthoina reng sik hei kae.

HLAHEI 21:9

Ama ajōng inlâr pha anmani kha hmeimale vâng amanhmang sik hei. Rōngpu hnuk natna khan amade sik hei, khana hmeimale khan akâng manvâm sik hei.

DANIEL 3:6

Tu inkhat a’nkunmak khana a’nmukmak kha hmeipui shunga hlon mathlâk sik kae.”

MATTHEW 13:50

khana hmeikhura anhlon sik jo hei, khana khan kaṭap sik hei khana anha ankarôt sik jo.

MATTHEW 22:13

Khava sōa rengpa khan asōk-hei hneng, ‘Akut leh ake khit una vângting inthimna hmun a hlonsōt ruh,’ ati hei. Khana khan kaṭap sik khana aha akarôt sik jo,’ ati.”

MATTHEW 25:41

“Khana veitinga aka-om hei hneng khan ama’n ati sik, ‘Pathen hâksêr kachen hei, kahnenga inphut sesōt ruh! Seitan leh angevahei sik a mantluksa kumsôt hmeikhura sik sesōt ruh!

MATTHEW 3:12

Ama’n yângjâp akut a achoi, sarahmu ajâp mantheng sik, khana sâng kha sasōr shunga akhum mantûp sik, tâk sarasi hei khachu akathi theimak hmeikhur shunga ahlon manhlut sik hei.”

MATTHEW 8:12

Tâk Rengram a aka-om sik mihei kha inthimna shunga anhlonsōt sik hei, khana khan kaṭap sik hei khana anha ankarôt sik jo,” ati.

LUKE 13:28

Nangni anhei hlonsōt jo chei pha, Pathen rengram a Abraham, Isaac, Jacob, khana sânkathem rakip nanhmu hei pha, heituk a nanha nantakarôt a akaṭap sik jo chei mo!

ṬONGPHÔNG 14:10

Pathen hnuk natna ju, hnuknat inhnaktak a asun mansip kōkleia ju kha, anbinga an-in sik! Khava katlo rakip kemōngte leh angeva intheng hei hmaikunga hmei leh kât kângna shunga khōdeng katheia ka-om sik hei.

ṬONGPHÔNG 19:20

Khava ranhring kha ahmai kunga ṭōntlo inlak katlo sânkathem inhlempa kha leh inṭhōia ansur heia kura ankhum jo hei. (Khava aṭōntlo inlak tlona vâng khan ama’n ranhring limsyem chîknabi kaneihei leh ranhring inmuk hei kha amathlem mathlâk heia kae.) Hmei kângna dîr shunga ranhring leh sânkathem inhlempa kha anhring pum a anhlon manhlut jo hei.

ṬONGPHÔNG 20:10

Khava pha mikahōn inthlapa, Diabol kha kât kakâng hmei dîr shunga anhlon manhlut jo, khava hmun a khan ranhring leh sânkathem inhlem hei khachu aleika-omsa jo hei kae; khana khan asûn-ajâna khōdengthei are-rea mande sik jo kae.

ṬONGPHÔNG 21:8

Tâk-kha ṭit kasehei, mikahōnhei, mikathat-hei, omchen kase hei, dôi kachoihei, limsyem inmuk hei, khana malei kaseihei seng omna sik a hmun kha hmei leh kât kângna dîr kha kae, khavakha vōi 2 tlukna thina kha kae.”

ṬONGPHÔNG 9:2

Khana ârsi khan dôpkhur kot kha amahlanga, hmei thlupui khu kapōa heikasōk; khava khur kōk a ahei kasōk hmeikhu khan kanivâr leh bōirōk a thli amanthim joa kae.