MATTHEW 13:22 - LEKHARABU INTHENG (BSI)

²² Rahling chap kâra hmuchi invor khachu, aṭong kathei mi, tâk hiva ralei hringkhō malung châmna, nei leh haona khan akabuksia kara nei tor mak.

MATTHEW 13:22 ပူးပေါင်းရင်းမြစ်များ

HLAHEI 52:7

“Enroh, tu mo inkhat chu a’nhuksōtna sik a Pathen hneng in-ngai loa ka-om, tâk akarōi katamtak chunga khan in-ngai jôk. Aṭhat makna vânga inhukna sik ajong.”

HLAHEI 62:10

Rumhrat chunga hlamrinna kha damak roh; marûk neinâk vânga hnemna chen sik inhōr mak roh, nanei kha ahong pung jo’num khahei chunga inngammak roh.

ṬONGCHÎK-HEI 11:28

Annei anhaona chunga a’nngam hei kha ṭhelaia thingbō kaṭi kapōa kaṭi sik hei, tâk mikadik-hei chu sûr laia thingbō kapōa kakhang sik hei.

ṬONGCHÎK-HEI 23:5

Nasêr nei kha hmitkhap khat a kasethei, mathla kanei mârhmu jōng kapōa kajōngthei.

MI INTHEIPA 4:8

Hinahin mi inkhat abing rōk a ka-om. Ama’n sapa’m, u leh nai um neimak, tâk-kha pha rakip a ṭōn atlo ṭhak, anei ahao khan amalung tlai tor mak. Tu sik a mo ama’n rahnak a ṭōn atlo, khana abinga hōina heikhat chen hnōmloa aka-om? Hivahi’m hnemna kase kae, khana hringkhōa châmna hlamjui kae.

JEREMIAH 4:3

Rōngpu’n Judah leh Jerusalem mipuihei hnenga ahri, “Nanta thlō mak nanhlei hei kha thlō hei ruh; nanhmuchi hei kha rahling kâr heia vormak ruh.

MATTHEW 12:32

Tu inkhat in Sapa dōina heikhat ahri kha inngei indam sik; tâk tu achang inum Rathla Intheng dōina heikhat kahri kha tûnum ahei tik a’m inngei indam mak jo ning.

MATTHEW 13:39

khana aka-en kada kahar kavor kha Diabol kha kae. Sa-ât pha khan kum inchai sik kha kae, saka-ât sik hei kha marvân ngevahei kha kae.

MATTHEW 13:40

Kahar kakek hei kha chom mantûp a hmeikhura ro sik kapōa, kum a’nchai pha Khang’khan kati sik a kae.

MATTHEW 13:7

Hmuchi ṭhahrep rahling chap kâra katla hei, rahling kha ahongkek inshâng pha akabuksi jo.

LUKE 12:15

Khana ama’n anmani hei seng hneng ahri manjôna, “Phâmrai setna rakip a inphut insing thei una inhrung kaṭha ruh; ajârchu heituk anei inum khahei khan mi inkhat hringkhō kadiktak kha antasyemsōt tor changmak,” ati.

LUKE 12:21

Khana Jesu’n achaina ahri, “Anbinga sik a karōi inbuk hei, tâk Pathen hmit-hmua chu akahao mak hei kha hing’hin kachang sik hei.”

LUKE 21:34

“Insing thei ruh! Revei katamtak tlona sik rōk leh ju inruina sik khana hiva hringkhō sik a malung dongna khan nanbinga inpek inhlutmak ruh, akinchu khava Kani khan manhret manloa

LUKE 8:14

Rahling kâra katla hmuchihei khachu aṭong katheihei kae; tâk raleichung hringkhō inrengna, haona leh hōina’n akatōm heia akabuksi hei, khana ankara kha ahei tik a hmintor mak hei.

ṬŌNTLOHEI 8:18

Takkasenhei chunga sonle he’n ankut anda pha Rathla Intheng ajōng inpek hei kha Simon in ahmu pha, Peter leh John kha sêr aleipek heia,

ROMANHEI 12:2

Hiva raleichung chônngaia om mak ruh, tâk pui katluk malung inthenga khan Pathen in nanshunga thleng chei rasoh. Khava sōa heimo akaṭha, malung tlaina khana pui katluk, Pathen lungdo hei kha nanmanhret tor sik.

CORINTHIANHEI INKHATNA 1:20

Chu achang inchu akasinghei, akathemhei, hiva raleichunga mi makhena kathemhei kha khon mo adahlon jo hei? Pathen in hiva raleichung singna hi akamo amanchang jo!

CORINTHIANHEI INKHATNA 2:6

Achang ravâng ke’n rathlatinga pui katluk hei hneng singna ṭong kha kahri kae. Tâk-kha hivahi raleichung singna ṭong kha changmak, khan chu raleichung vaikarôn ratha hratna kha’m changmak, ratha kahrat hei anratha hrat ahong katlang jo kha’m changmak.

CORINTHIANHEI INKHATNA 2:8

Hiva raleichung vaikarônhei, inkhat rōk inum hiva singna hi leimanhret mak hei, anmani’n anleimanhret inchu, lûrna Rōngpu kha thingrake chunga anta leimakhei hlon mak sik kae.

CORINTHIANHEI INKHATNA 3:18

Tûte inkhat ama abinga inhōn inthla mak rasoh. Nankâra mi inkhat in hiva raleichung singna langa akasing eng tia amandon inchu, ama kadik a akasing ahong changna sik akamo inkhat kapōa om rasoh.

CORINTHIANHEI INHNINA 4:4

Anmani kha hiva raleichung pathen kadikmak in, anmalung kha amanjing pek hei jâra anmani’n antataksen mak kae. Pathen kapōhrep kachang Christa lûrna ṭong kaṭha a inphut, anchunga ajōng kavâr vâr kha anmani’n anhmu makna sik, raleichung pathen khan ada heia kae.

GALATIANHEI 1:4

Tûnlai pha kaṭhamak a inphut eini ning leh hnōma masōna sik, ni-Pa, Pathen lungdo kajuia Christa kha abinga nisetnahei jâra inpek sōt jo.

EPHESIANHEI 2:2

Vânhnōi ṭhatmakna hlam kha nanleijui; nangni’n khava lai khan tuna Pathen ṭong kajuimak mihei kathlimpa, bōirōk a ratha kanei, rathla vaikarônpa nanleijuia kae.

TIMOTHY INKHATNA 6:17

Hiva hringkhō neinâk a akahaohei kha an-inlensak makna sik, tâk an-inhōrna kha akahnetmak nei leh hao chunga changloa, eini hōina sik a heirakip pek hnōmtak a anikapek Pathen chung jôk a anneina sik ṭong kha pek hei roh.

TIMOTHY INHNINA 4:10

Demas in hiva raleichung hi khôk asak jo jâra, adahlon enga Thessalonicating kase jo. Crescens in Galatiating kase jo, khana Titus in Dalmatiating kase jo.