MATTHEW 13:21 - LEKHARABU INTHENG (BSI)

²¹ Tâk arajung inthûk a aṭhōmak jâra pha kasôt om tor mak. Khana khava ṭong jâra khan suk manrim a-emak leh khōdeng theina ahong pha, inranga anmasō loi jo.

MATTHEW 13:21 ပူးပေါင်းရင်းမြစ်များ

JOB LEKHARABU 19:28

“Eini’n heikhonga mo ama nitlo manrim tor sik?” Nangni’n kei buhluna sik a ahlam nanjonga kae.

HLAHEI 36:3

Anṭonghri kha ṭhamak khana maleisei kasip phet; akasing leh akaṭha ṭōntlo hêrmak jo hei.

ṬONGCHÎK-HEI 12:12

Mikaṭhamak-hei tamadu seng khachu ṭhatmak ṭōn tlo sik a jong lele kha kae, tâk mikadik-hei khachu kahnet a kangir hei.

ṬONGCHÎK-HEI 12:3

Ṭhatmak hin inhrungna sik pek tor mak, tâk mikadik-hei chu kahnet a kangir hei.

HOSEA 6:4

Tâk-kha Rōngpu’n ati, “Israel leh Judah, nangni hi heimo kamanlo sik chei? Nanlung setna eng kha jîngkâr sumphai kapōa inranga inhmang jo; jîngkâr hmatak a a’nhmangbât radaitui kapō kae.

MATTHEW 10:22

Kei jâra mi rakip in an-en kada sik chei. Tâk achaina katlunga akahnet kha huksōt kachang sik.

MATTHEW 11:6

Kei chunga malung inkei-chiona kaneimak mi kha heituk a vâng kaṭha mo!” ati.

MATTHEW 13:20

Hlung kâra hmuchi a’nvor khachu, aṭong kha antheilim leh inpâktak a a’nhlâng mihei kha kae.

MATTHEW 13:57

Khava jâra ama kha leirahlâng mak jo hei. Jesu’n anhnenga, “Sânkathem inkhat kha a-innshung leh aram shunga tei loa hmun rakip a chu kajana anpek,” ati.

MATTHEW 13:6

Tâk kani ahong inshâng pha kani kalum in sakung kadông kha amanvōi jo; arajung kha inthûk a aṭhōmak jâra, inranga invōia kachâr jo.

MATTHEW 24:13

Tâk achaina katlunga kahnet a ka-om mi kha hukmanhring kachang sik.

MATTHEW 26:31

Khava sōa Jesu’n anhnenga ati, “Tûnjân tak hin nankhenga kei nandahlon enga katlânsō sik chei, ajârchu ṭong intheng in ahri, ‘Pathen in kemōng kakhempa athat sik, khana kemōng rup-hei kha a’nchekdâk sik hei kae.’

MATTHEW 26:33

Peter hongkaṭonga, Jesu hneng, “Ankhenga andahlon che’num, kei chu dahlon hêrmak che ning!” ati.

MARK 4:17

Tâk khava khan anlungri shunga hlutmak, khana akasôt om mak. Khava ṭong jâra suk manrimna a-emak leh khōdeng theina ahong om pha, inrangtak a anmasō jo.

LUKE 8:13

Hlung kâra akatla hmuchihei khachu, ṭong inhri katheia inpâk a akalo hei kha kae. Tâk-kha anshunga inritak a rajung aṭhōmak jâra, anmani’n pha bongkhat chu antaksen, tâk enmansinna ahong pha leh anmani katlu ri jo hei.

JOHN 6:26

Jesu’n amasôn hei, “Akadiktak kahri pek chei kae: ṭōn-inlak katlohei ariṭong nanmanhret jâra nantajong eng changmak, buhlom kha kakhōp a nansâk jâra nantajong eng kae.

ROMANHEI 2:7

Mi ṭhahrep in ṭōn kaṭha antlo manjōm ṭhak a, lûrna, kajana khana thitik kaneimak hringkhō kha anjong; anmani hneng Pathen in kumsôt hringna apek sik hei.

GALATIANHEI 5:6

Ajârchu Christa Jesu leh ni’nchunna shunga, vuntan leh tanmak a’n-ang makna om mak jo; lungsetna vâng ṭōn katlosōt taksen rōk kha akakhôk kae.

GALATIANHEI 6:12

Rumhrat a nangni vun mantan sik anikati hei kha vângpông ṭōnna inlensak indu inkhat hei kae. Christa thingrake jâra, anmani suk manrim anchang makna sik rōk a, hivahi antatlo kae.

GALATIANHEI 6:15

Mi inkhat in avun atan inum a-emak leh atanmak inum heite khôk hêrmak; akakhôk pen khachu insyemther inkhat chang sik kha kae.

EPHESIANHEI 3:17

khan chu taksen jâra nanmalung shunga Christa’n a-inn asakna sik ke’n Pathen kader. Nangni lungsetna khan innhmun nanneia, rajung nanṭhōna sik a kader,

PHILIPPIANHEI 1:6

Ke’n inchêna kamanhret, ti chu Pathen in nanhnenga aleiphut ṭōn kaṭha hi kani a’nchaimak kârseng Christa Jesu Kani ning katlung atlo manjōm sik a kae.

TIMOTHY INHNINA 1:15

Phygelaus leh Hermogenes inveina, Asia ram a mihei seng in antadahlon jo eng kha nang in namanhret a kae.

TIMOTHY INHNINA 4:10

Demas in hiva raleichung hi khôk asak jo jâra, adahlon enga Thessalonicating kase jo. Crescens in Galatiating kase jo, khana Titus in Dalmatiating kase jo.

JAMES 3:2

Eini mi rakip in ṭhena ninei ri. Tâk-kha mi inkhat in aṭong hrina ṭhena aneihêr mak inchu, ama kha ataksa pumpui insur tor pui katluk mi inkhat kae.

PETER INKHATNA 1:5

Khahei kha, pha inchai ning malâr sik a a’ntluk hukmanhringna kha akachen sik a Pathen rathla’n nantaksenna jâra ahrunga ada jo chei nangnihei sik a kae.

ṬONGPHÔNG 2:13

Na-omna hmun kha Seitan len in-ongna hmun achang kha ke’n kamanhret. Taksen ka-om tak kasâkhi kachang Antipas kha, anleithat katlunga nataksenna eng nang in masō mak chea kei sik a akadik kachang che.