MATTHEW 13:11 - LEKHARABU INTHENG (BSI)

¹¹ Jesu’n amasôn hei, “Nangni hnenga marvân Rengram in-ip kha manhretna sik inpek jo chei; tâk anmani chu la’npek mak hei.

MATTHEW 13:11 ပူးပေါင်းရင်းမြစ်များ

HLAHEI 25:14

Rōngpu kha aṭong kajuihei sik a anṭhōn kae, khana anmani leh an-intepna kha amanhnet.

ISAIAH 29:10

Rōngpu’n amanngui jo che, akaje hnger sik a amantluk jo che. Sânkathemhei kha mipui hmit akae sik hei kae, tâk-kha Pathen in anhmit akahuksi pek jo hei.

ISAIAH 29:11

Sânkathemhei tasânsōt hmangtalâr rakip kha nang sik inthup sik jo, khavakha lekha kazesi mêrchîkna mahôr katetkhum ka-ang sik. Nang in lekha katei thei inkhat hneng atei pek roh natinum, hivahi mêrchîkna mahôr a’ntatkhum jâra teitor mak ning ati sik.

ISAIAH 35:8

Khava hmun kha hlampui hongkachang sik “Hlamlen Intheng”, anti sik. Mikaset in khava hlamlena khan hrothei hêrmak ning; mikamohei khan khava hlam a kase hei kha hōn mathla tor mak hei ning.

MATTHEW 13:10

Khava sōa sonlehei kha Jesu hneng kahong heia ahnenga ander, “Mihei hneng ṭong nahri pha heisa mo tekâk nahmang?”

MATTHEW 16:17

Jesu’n amasôn, “John sapa Simon, nang narevân kaṭha. Ajârchu hiva ṭongdik hi mihring inkhat tamanthei che changmak, tâk marvâna kapa khet tamanthei che kae.

MATTHEW 19:11

Jesu’n amasôn hei, “Hiva mantheina hichu mi rakip chunga mansethei changmak, tâk Pathen tapek rōk hei sik a kae.

MATTHEW 20:23

Ama’n anhnenga, “Kadik, nangni’n kakōklei khachu nan-in sik; tâk kachangtinga leh kaveitinga in-ongna sik kadeina ratha neimak eng. Khava hmun khachu kapa’n amantluk pek hei tachen sik kae,” ati.

MARK 10:40

Tâk kachangting leh kaveitinga a’n-ong sik kadeina ratha khachu ke’n neimak eng. Amantluk pek hei hnenga khava hmun kapek sik khachu Pathen kae.”

MARK 4:11

Jesu’n amasôn hei, “Pathen Rengram in-ip kha nangni inpek jo chei. Tâk vânga aka-om milak he’nchu heirakip hi ṭong tekâk vâng antathei sik kae,

LUKE 8:10

Jesu’n amasôn hei, “Pathen Rengram in-ip manhretna kha nangni inpek jo chei; tâk milak-hei hneng chu ṭong tekâk a a’nhri kae, khava jâra anmani’n an-en inum hmumak hei ning, anrangei inum theimak hei ning.”

JOHN 6:65

Khana ama’n ahrisa, “Hiva sik khet jâra ke’n kalei hripeksa jo chei kae, ti chu Pa khan a-etheina sik aleisyemsa achangmak inchu tûte kahnenga hongtor mak.”

JOHN 7:17

Tu achang inum Pathen lungdo tlo sik akatup mi khan kaman theina hi Pathena inphut akajōng a-emak leh kabing ratha neina vâng kahri kae ti hi amanhret sik.

ṬŌNTLOHEI 16:14

Khava kanṭong hri kathei kâra inkhat kha Thyatira a inphut vapuirei pōna inveina katlo Lidya kae. Amanu kha Pathen inmuk nuhmei inkhat kae, khana Paul ṭonghri kha kaṭhatak a arangeina sik a Rōngpu’n amalung aleimahlang pek a kae.

ROMANHEI 11:25

Kasōpuihei, nangni’n nantamanhret sik a kamadu akadik a’n-ip inkhat ka-om, ajârchu khava khan nan-insingsakna khana inphut ahrung sik chei. Khachu hi kae: Israel mihei malung kasak kha akasakthang sik changmak; tâk Pathen hneng Jât-hlop hei kakip a anhonghlut sō mak kârseng rōk sik kha kae.

ROMANHEI 16:25

Eini’n Pathen hneng lûrna kha perih! Nangni taksenna kha Jesu Christa chunga Ṭong kaṭha kahrile dungjuia leh khava kum kasôttak ale’nthup a ka-om a’n-ip ṭong kadik a’nphôngsōt dungjuia ama’n kahnet a amanngir tor cheia kae.

CORINTHIANHEI INKHATNA 13:2

Ke’n ṭonghri themna kutchoi kanei inum, themna rakip leh a’n-ip rakip manhretna kanei inum, tlângbung inkhat ahmun thontorna taksenna rakip kanei inum, lungsetna kaneimak inchu, kei heite emak eng.

CORINTHIANHEI INKHATNA 15:51

Hiva ṭong kadik in-ip hi rangei ruh: eini nikhenga thimak min, tâk a’nchaina pengkun kha ahon’hring pha, khavatak a eini nikhenga hmitkhap kâra inthleng sik me. Ajârchu pengkun kha ahon’hring pha, akathihei kha akathi nôk mak sik a hongkathōi sik hei, khana eini nikhenga nihme inthleng sik jo me.

CORINTHIANHEI INKHATNA 2:14

Tu achang inum rathla kaneimak mi’n Pathen Rathla a inphut akajōng kutchoi kha chenthei mak. Khang khava mi’n kutchoi kha inchênna manhret tor mak; anmani sik a ajâr kase kae, ajârchu khava kutchoi pek hnemna kha Rathlating rōk a manhret ṭhentor kae.

CORINTHIANHEI INKHATNA 2:7

Kei tahri singna khachu, ralei insyem mak hma inphut einihei lûrna sik a aleikadeisa, Pathen singna inthup kha kae.

CORINTHIANHEI INKHATNA 4:1

Nangni’n, keini hi, Christa sōk Pathen ṭongdik in-ip katintahei kae, tia amandon ruh.

CORINTHIANHEI INKHATNA 4:7

Milak-hei kanek a, nang tu’n mo chung katōnga asyem che? Nanei rakip kha Pathen tapek che changmak mo? Kha achang inchu kaṭha jo, naneihei kha kutchoi aka-emak kapōa heikhonga mo a’nlensak tor che?

EPHESIANHEI 1:18

Amihei hneng heituk inlak mahâmṭhatna aleitep hei kha akachen sik a, abekna chei chunga nan-inhōrna kha nanmanhret theina sik, ama vâr kha nanhmuna sik, nanmalung kot a’nhlangna sik,

EPHESIANHEI 1:9

Pathen in alungtup kha atlosōt, khana a’nthup mantlukna kha, Christa vânga pui mathluk sik a aleimandonsa kha eini amanhmu jo me.

EPHESIANHEI 5:32

Hiva Ṭong intheng shunga hin ṭong kadik ari in-ip kalentak inkhat inlâr, hivahi Christa leh bekrup ahrina kae ti ke’n kamanhret.

EPHESIANHEI 6:19

Ke’n hri sik a ka’ntluk pha, Pathen ṭong kha apekna sik eng, khana ṭong intheng in-ip kha kangamtak a kahrisōt torna sik leh mi manhretna katlo theina sik aderpek ruh.

COLOSSIANHEI 2:2

Anmani lungngamna vâng ansipna sik leh lungsetna shunga an-inchunna sik hivahi ke’n katlo kae, khava jâra akadik manhretna tahei rôn sōt manchênna langa pui katluk haona kha nei ruh. Hing’hin Pathen ta-ip Christa khet kha amanhret sik jo.

TIMOTHY INKHATNA 3:16

Eini bekṭong in-ip lenje hi tûte’n emak titheimak hei ning: Ama mihringa hong inlâr, Rathla khan kadik tia amalâr, khana ngeva he’n anleihmu. Jât-hlop hei kâra ama ṭong le’nhrile, vânhnōi pumpui in anleitaksen, khana marvâna ṭhōitoua leika-om jo.

TIMOTHY INKHATNA 3:9

anmani’n mandon ṭhen theina intheng seng vâng khan taksen jâra akadik ahon’lâr kha kahnet a antamatu sik kae.

JAMES 1:5

Tâk-kha nankâra tu achang inum singna tinga akatlasam a-om inchu anikapek sik Pathen hneng ama’n der rasoh, ajârchu Pathen in mi rakip malung kalentak a leh marittak a apek hei kae.

JOHN INKHATNA 2:20

Tâk-kha nangni’n Christa tajōng bun mathlâk Rathla Intheng kha nantaleichen jo achang jâra, akadik kha nankhenga nanmanhret a kae.

JOHN INKHATNA 2:27

Tâk-kha nangni sik a chu Christa’n arathla Intheng kha nanchunga ajōng bun mathlâk jo. Arathla khan nanmalunga a-omlai seng, nan-inthei sik tûte rangei mak. Ajârchu arathla khan heirakip amanthei sik jo chei, khana ama tamanthei chei kha akadik kae, akadik mak changmak. Rathla mantheina chei kha jui una Christa leh inchun a omṭhak ruh.