MATTHEW 12:41 - LEKHARABU INTHENG (BSI)

⁴¹ Ṭongtan ning Nineveh mihe’n nanchungchânga kangirsōt sik hei khana anmaset sik chei; ajârchu anmani’n Jonah ṭonghri kha anthei pha anmalung anleithleng; khana kahri pek chei kae Jonah kanek a akalen jôk kha hin ka-om!

MATTHEW 12:41 ပူးပေါင်းရင်းမြစ်များ

ISAIAH 54:17

Tâk-kha hmangchâk inkhatbek in nang atôn tor mak tin; nang maherna kaneihei seng kha anmasôna inkhat naleinei sik a kae. Ke’n kasōk-hei kha kahrung sik hei, khana retorna kapek sik hei.” Rōngpu’n ahri jo.

JEREMIAH 3:11

Khava sōa Rōngpu’n kahnenga ahri, ama inphut Israel in a’nhesōt inum, taksenthei kachangmak Judah kanek a chu kaṭhachet ti hi amalâr.

JONAH 1:2

Ama’n ati, “Khōpui kalentak Nineveh a son vase roh, anmani chunga ṭong vaphôngsōt roh; anmihei heituk a akaṭhamak hei mo ti ke’n kamanhret jo.”

JONAH 3:4

Jonah’n khōpui shung kha se aphut jo, ni khat katlung bit a ase pha, ahri manthang jo, “Ni 40 shunga Nineveh suk manhmang sik kae.”

MATTHEW 12:39

Jesu’n inhnak a ahri “Tûnlaia mihei hi heituk a akaṭhamak leh Pathen kadonmak jo hei mo! Ṭōn-inlak katlo sik a nantader eng mo? Changthei mak! Nanhnenga a’npek sik ṭōn-inlak inkhat rōk khachu sânkathem Jonah ṭōn-inlak kha kae.

MATTHEW 12:42

Ṭongtan ning thlang tinga Sheba rengnu kha kangirsōt sik khana amaset sik chei; ajârchu aram a inphut hlamdung aheihroa Solomon singna mantheina ahong rangeia kae; khana kahri manchên kae, Solomon kanek a akalen jôk kha hin ka-om!

MATTHEW 12:45

Khana ama vakasesōt a ama kanek a akaṭhamak chet rathla 7 ahongṭhōi heia ka-om jo hei. Khana achai-chaina chu mipa kha hma kanek a ahringkhō kha kakhôk chet joa kae. Hivahi tûnlaia mikaṭhamak-hei chunga akasōk sik kha kae.”

MATTHEW 12:6

Bek-inn kanek a akalen jôk inkhat hin ka-om ti hi ke’n kahri pek chei kae.

MATTHEW 16:4

Tûnlaia mihei hi heituk a akaṭhamak leh Pathen kadonmak jo hei mo! Nangni’n mêrchîkna ṭōn-inlak inkhat malâr sik a nantader eng mo? Changthei mak! Nangni hnenga mêrchîkna ṭōn-inlak inkhat rōk a’npe sik chei khachu Jonah ṭōn-inlak kha kae.” Khan chu ama’n adahlon heia kase jo.

MATTHEW 17:17

Jesu’n amasôn, “Heituk a taksen kaneimak leh akadik mak mi chei mo! Heitik chenmo ka-ompui sik chei? Heitik chenmo kathōkpui hi sik chei? Naipangpa kha hin kahnenga heiṭhōi ruh!”

MATTHEW 23:36

Kadiktak a kahri pek chei kae: hiva mithatna rakip jâra karâkna kha tûnlai khang phat shunga mihei chunga ajōng katlung sik kae!

LUKE 11:32

Ṭongtan Ning Nineveh mihei ahong kangirsōt heia antamaset sik chei kae, ajârchu Jonah ṭong kha anthei pha anmalung anleithleng; khana kaman chênpek chei kae, Jonah kanek a akalen chet kha hin ka-om.

JOHN 3:31

Marvâna inphut akajōng ama kha heirakip chunga akalenpen kae. Raleichung mi kha ralei ta kae, khana raleichung sik a ṭong kha ama’n ahri, marvân chunga akajōng ama kha heirakip chungpen kae.

JOHN 4:12

Kanpa-kanpu Jacob in hiva tuikhur hi apek ung kae, ama leh asa he’n khan chu aran he’n hinna inphut anta lei-in kae. Ama kanek a nang akalen che mo?”

ROMANHEI 2:27

Khang’khan nangni’n Dân inzet kha nanneia vun nantan jo ravâng Dân kha nanvōk khōi jâra Jât-hlop he’n nangni Jehudi chunga maset antapek sik chei kae; anmani chu taksa a vun antan makjen ravâng Dân kha anjuia kae.

HEBREWHEI 11:7

Taksen jâra Noah’n aleihmu phâkmak hnunga omchen sik a Pathen gîkna aleitheia kae. Khana ama’n aṭong ajuia rakōng inkhat asuia khava shunga ama leh a-innshung le’nhuk hei. Khava jâra, vânhnōi hi themmô manchen jo kae, khana taksen jâra mandikna kha Pathena inphut Noah’n aleichen jo.