MATTHEW 12:34 - LEKHARABU INTHENG (BSI)

³⁴ Nangni marihei–akaṭhamak nangni’n heikhong mo akaṭha nanta hri tor sik? Ajârchu malunga kasip a aka-om kha beia a’nhrisōt.

MATTHEW 12:34 ပူးပေါင်းရင်းမြစ်များ

HLAHEI 53:1

Mikamo he’n anbinga “Pathen om mak” anti, ankhenga ṭhamak hei, khana ṭōnse ṭit ka-om tak hei antloa kae; akaṭha katlo inkhatbek um om mak hei.

HLAHEI 64:3

Anmaleihei kha chemjâm kapōa anmanngei, khana thepui hei kapōa ṭong-êng vâng anradina kae.

HLAHEI 64:5

Ṭhatmak mantlukna khan khat leh khat mathokna innei hei; khana anchâng hei kha khon mo antakam sik ti kha intluk hei, “Tûte’n eihmu mak hei ning,” anti.

ṬONGCHÎK-HEI 16:23

Manhret theina kanei he’n anhri mak hma anmandon dek; khana antahri hei kha lothei kachangdet a kae.

ṬONGCHÎK-HEI 4:23

Heikhong mo namandon kha insing thei roh; ajârchu namalung mandonna khan nahringkhō kha asyem kae.

ISAIAH 32:6

Mikamo khan invet ṭong ahrisōt khana ṭōnse tlo sik amandon. Atlosōt leh ahrisōt hei khan Rōngpu inzakna apek, khana ama’n von kaṭâm hei veiphung mak, tui kahre hei heikhat in sik pekphung hêrmak.

ISAIAH 59:14

Ṭongtan kadik kha kanhnongsōt jo, ratha neina kha kanhnenga hongtor mak jo. Akadik kha khōtlânga inpai inthlûk jo, khana malung intheng kha khana khan hmun chenmak jo.

ISAIAH 59:4

Nangni ṭongtan hmun a kase chei, tâk nanlangting ṭongdik chenmak chei. Nanṭong kha atorna sik a maleiseia in-ngai chei. Milak mantônna sik a nanṭōn mantluk kha nantlosōt a kae.

ISAIAH 9:17

Khava jâra Rōngpu’n retherhei kha mantlânsōt mak hei ning, khana renghmei leh nu leh pa kase inkhatbek chunga lungsetna malârmak ning, ajârchu mi rakip Pathen neimak hei, ṭhamak hei, khana antahri rakip akaṭhamak rōk kae. Kha achang inum Rōngpu hnuk natna kha la’nchai mak ning, tâk karâkna pekna sik a abân alakalâng ṭhak sik.

MATTHEW 12:35

Mikaṭha inkhat in anei kaṭha manbukna inphut neinâk kaṭha kha ahei choisōt; khana mikaṭhamak khan anei kaṭhamak manbukna inphut neinâk kaṭhamak kha ahei choisōt a kae.

MATTHEW 15:18

Tâk beia inphut ahong kasōk khachu lungria inphut ahong kasōk kae, khahei khan mi inkhat beklanga amantheng mak kae.

MATTHEW 23:33

Nangni hrisehei hrise sōnhei! Hmeikhur chen sik a inphut heikhong mo tlânsōt sik a a’nngam chei?

MATTHEW 3:7

Phariseehei leh Sadduceehei ama’n tui amanhlut sik a akahong hei kha ahmu pha anhnenga, “Eh marihei, Pathen hnuk natna ajōng katlung sik a inphut tlânsōtna sik tu’n mo amanthei chei?

LUKE 3:7

John hneng tuimanhlut kachang sik a mi katamtak heikasōk jo hei. Ama’n anhnenga ati, “Eh marihei, Pathen hnuk natna ajōng katlung sik a inphut nantlânsōtna sik tu’n mo amanthei chei?

LUKE 6:45

Mikaṭha khan akaṭha manbukna malunga inphut akaṭha amasō; mikaṭhamak khan akaṭhamak manbukna malunga inphut akaṭhamak amasō. Ajârchu malunga akasip phet kha bei in ahrisōt kae.

JOHN 8:44

Nangni chu nanpa Rathla Kadikmak sa chei kae, khana nanpa kachang lungdo kha nantajui kae. Ama chu anphutbia inphut mikathat kae, ṭongdik langa khan omphung mak ajârchu ashunga ṭongdik kha om mak. Maleisei ahri kha ama ngaihrep ahri kae ajârchu ama chu malei kasei khana malei kaseihei pa kha kae.

EPHESIANHEI 4:29

Nanbeia ṭongse hmangmak ruh, nanṭong hri katheihei sik akaṭha achangna sik a insyemsōtna leh pekna langa inthōpuina ṭong rōk kha hmang ruh.

EPHESIANHEI 5:4

Achangmak leh khōza inhret mak, bekṭong kajuimak, omchen kase ṭonghei hi nantahmang sik a rahōi changmak. Khava kanek a Pathen nantachoi ka-ân jôk sik kae.

JAMES 3:2

Eini mi rakip in ṭhena ninei ri. Tâk-kha mi inkhat in aṭong hrina ṭhena aneihêr mak inchu, ama kha ataksa pumpui insur tor pui katluk mi inkhat kae.

JOHN INKHATNA 3:10

Hivahi Pathen sa leh Diabol sa inkârna inchêntak a inlârna kha kae; tu achang inum ṭōndik katlomak leh mihlop inlungset mak mi kha Pathen sa changmak hei.

SAMUEL INKHATNA 24:13

Ṭong marōa a’nhri kha namanhret, ‘Ṭhatmak hi mikaṭhamak rōk in atlo.’ Khava jâra ke’n sukset mak che ning.