MATTHEW 12:31 - LEKHARABU INTHENG (BSI)

³¹ Achang jâra mihring in setna leh akaṭhamak antahri heirakip rangei mandam thei kae; tâk tu achang inum Rathla Intheng kadōia heikhat kahri rakip rangei mandam chenmak ning.

MATTHEW 12:31 ပူးပေါင်းရင်းမြစ်များ

ISAIAH 1:18

Rōngpu’n ahri, “Tûnchu hiva ṭong hi hri mathlâk rih. Nangni setna’n achu mansen jo chei, tâk kavur kachek kapōa kasôp mantheng sik chei. Nangni achuna chei kha asendup hêr jo’num sahme pōn kapōa kachek sik chei.

ISAIAH 55:7

Mikaṭhamak-hei kha’n anhringkhō hlam kha dahlon hei rasoh, khana anmalung mandon hei kha thlenghei sona. Anmani Rōngpu, ni-Pathen hneng inhe hei rasoh; Ama kha lungsetna pui katluk khana rangei mandamna inrang.

EZEKIEL 33:11

Manthei hei roh, kei hi Chunghnung Rōngpu kachangkhet jâra, setna karônhei thina en-hnâm sik kha kahōi sakmak eng. Ansetnahei anbâng leh akahring sik hei kha ka-enhnōm. Israel, dikmak natlona kha hai jo roh. Heisa mo akathi hnōm che?

LEVI-DÂN 24:16

khana that sik kae tia hripek hei ruh. Israel leh jât-hlop Israelhei kâra ka-om tu inkhat Rōngpu kahâksêr kha mipui in hlung vâng denghlon sik kae.

LUKE 12:10

“Tu enum Mihring Sapa dōina ṭongkahri kha inngei indam sik; tâk Rathla Intheng dōina ṭongse kahri kha inngei indam mak ning.

ṬŌNTLOHEI 7:51

“Heituk a rahe kase jo chei mo!” Stephen in abân ahri manjōm nôk. “Nanmalung hi heituk a a’nthengmak mo, nankōr hi Pathen ṭong rangeina sik a heituk-hrep akaset jo mo! Nangni nanpi leh nanpuhei kapō chei kae: Rathla Intheng hi nangni’n nanlating ṭhak a kae!

HEBREWHEI 10:26

Ajârchu eini’n akadik kha nimanhretsō jo kahnunga, setmông rong tia niset injôn inchu, set inthengna sik abân inthoina om mak jo.

HEBREWHEI 10:29

Kha achang inchu, Pathen Sapa kahnōise hei sik hei mo kachang sik? Khava anset manthengna kapek Pathen intepna thisen kha mankabeitek a akalo hei sik? maritna Rathla manzakna kapek hei sik? Khahei kha heituk-hrep akakhe karâkna mo anrahōi akachang sik mandon ruh!

HEBREWHEI 6:4

Ajârchu taksenna kadahlon jo mihei kha heikhong mo anmalung thlengna sik ahe’nṭhōi inletor nôk sik hei? Anmani vōi khat Pathen vâra leika-om jo hei; anmani’n marvân kutchoi pek Rathla Intheng kha anleichena anta leimantem jo kae.

JOHN INKHATNA 1:9

Tâk-kha eini’n nisetnahei Pathen hneng nihrisōt inchu, aṭong tepna kha ajui sik khana akadik kha atlo sik: nisetnahei kha arangei mandam sik me khana dikmak nilei tlona rakip a inphut amantheng sik me.

JOHN INKHATNA 5:16

Nang in nasōpui inkhat set-tlo nahmua, aset tlo kha thinathei katluk achangmak inchu, hringna kapek sik Pathen hneng naderpek sik kae. Hivahi thina setna akatlomak hei sik a kae. Tâk-kha thina katluk setna ka-om, khava sik a derpek ruh kati chei changmak.