MATTHEW 12:30 - LEKHARABU INTHENG (BSI)

³⁰ “Tu achang inum kei mi aka-emak kha kakadōi intheng kae, khana tu achang inum ani kakhôm intûp puimak mi khan avor kathek a kae.

MATTHEW 12:30 ပူးပေါင်းရင်းမြစ်များ

A’NPHUTNA 49:10

Judah’n reng tîngpum amatu sik, Khana asōn apâr he’n ahei tik a vai anrôn sik. Jât-hlop he’n kajana anhongpek sik Khana aṭong juina a-âng kunga inkun sik hei.

HLAHEI 94:16

Mikaṭhamak-hei kadōia kei anikangirpui kha tu mo? akaṭhamak katlohei indōipuina khan tu mo kei langting akangir?

ṬONGCHÎK-HEI 11:24

Mi ṭhahrep in ansêr kha anhmang hnōmna anhmang inum anneisa chet-chet. Ṭhahrep in kachîptak a anhmang, tâk sara kachang chet-chet hei.

HOSEA 1:11

Judah mi leh Israel mi lahong inchun sik hei. Anmani’n anhlam kakei sik inkhat anla kadei sik, khana vōi khat anmani’n anram shunga lahong kakhang sik hei khana lakahao sik heia kae. Kadik, Jezreel kani kha kani kalentak lahong kachang sik!

MATTHEW 12:29

“Tûte inkhat in mikahrat inkhat kha ahma inkeia khit loa a-inna hlut tor mak khana anei chom tor mak; akhitsō leh rōk a-innshung kha achom tor sik.

MATTHEW 6:24

“Tûte inkhat in akapu 2 sōk chang tor mak; inkhat a-enkada sik a kha inkhat alungset sik; inkhat arazen sik a kha inkhat donmak ning. Nangni’n Pathen leh karōi kha razensap tor mak chei.

MARK 9:40

Ajârchu tu achang inum ani kadōimak mi kha eini sik a a’nṭang kae.

LUKE 11:23

“Tu enum kami aka-emak kha anikadōi khet kae; akakhôm intûp a ani kabôm mak kha akachai inchek kae.

LUKE 9:50

Jesu’n ama hneng, “Khâm mak ruh, ajârchu tu enum nankadōimak mi kha nangni sik a a’nṭang kae,” ati.

JOHN 11:52

Khana anmani sik rōk changloa, Pathen sahei seng inthek inchaia ka-om hei kha taksa pumkhat a ṭhōi manchuna sik um kae. 3

JOSHUA 24:15

Ama nanrazen hnōm mak inchu, tu mo nanta razen sik kadei ruh, Tuning hin Mesopotamia nanpu sōnhei taleikamuk pathen mo a-emak leh tuna nan-omna Amorhei pathen mo? Kei innshung leh kei sik a chu, Rōngpu kha kanrazen sik.”

JOSHUA 5:13

Joshua kha Jericho hnenga aleiomlai, manhret manloa mi inkhat ahmai kunga chemjâm amatua akangir aleihmu. Joshua’n ahnenga kasea aleider, “Nang kanremihei kâra inkhat che mo a-emak leh kankadōi che mo?”

JOHN INKHATNA 2:19

Hiva mihei hi eini inloikhômna mi changmak hei, khava jâra andahlon jo me; eini rup-mi anleichang inchu nihnenga aleika-om sik hei kae. Tâk-kha anmani inkhatbek eini rup-mi changmak hei ti hi a’nchên theina sik a anmani kasesōt jo hei.