MATTHEW 11:5 - LEKHARABU INTHENG (BSI)

⁵ hmitkacho’n khō ahmu, ke inkhōi ke achoi, kaphâr karôn intheng, kōr kaset athei, akathi kathōi khana sara inrenghei hneng Ṭong kaṭha inhrile.

MATTHEW 11:5 ပူးပေါင်းရင်းမြစ်များ

RENGHEI INHNINA 5:14

Khan chu Elisha mansena kapōa, Naaman in Jordana vakaṭuma vōi 7 vakahlut a kae, khana ama kha kadampet jo. Atak vun kha naite vun kapōa angaia hong kaṭha jo.

RENGHEI INHNINA 5:7

Israel Rengpa’n chithi kha atei pha, apōn akei hlera amalung inhmakban joa kaṭongsōt jo, “Syria rengpa’n heikhong inmo ke’n hiva mipa mandamna sik a angeitō eng? Hringna leh thina ratha kanei Pathen inkhat a mo amandon jo eng? Hivahi ama’n kei leh innâk phutna sik a atlo jo kae, inhret jo!”

HLAHEI 146:8

khana hmit kachô hei kha khō amanhmu hei. Akatlu jo hei kha akei mathōihei, ami kadik-hei kha alungset hei.

HLAHEI 22:26

Sara he’n anmadu chen a ansâk sik; Rōngpu hneng akahong hei khan ama anchoi ka-ân sik; Anmani are-rea akahao chang hei rasoh!

SŌKSŌT 4:11

Rōngpu’n ahnenga, “Mihring bei kasyem kha tu mo? Tu mo kōr kaset leh ṭong kasōkmak kasyem kha? Tu mo khō hmuna leh hmit chona kapek kha? Khavakha Rōngpu kei eng kae.

ISAIAH 29:18

Khava kani ajōng tlung pha, kōr kaset khan lekharabu inhnaktak a’ntei kha athei sik, khana hmitkacho khō inthimpak a aleikahring khan, ahmit amahlânga khō ahmu sik jo.

ISAIAH 29:19

Sara leh a’nsinsak he’n a’ntheng Israel Pathen, Rōngpu’n apek hei hōina kha anlahmu nôk sik a kae.

ISAIAH 43:8

Pathen in ati, “Kamihei kha ṭong tanna behei ruh. Anmani hmit annei, tâk anhmit kacho; anmani kōr annei, tâk ankōr kaset!

ISAIAH 66:2

Ke’n vânhnōi ralei pumpui hi kasyem kae! A’nsinsak a malung insir hei khana ani kaṭit leh kaṭong kajuihei chunga kei kamalung katlai.

ZECHARIAH 11:7

That sik akemōng heikakeia akajōrhei khan kei hi kemōng kakhem sik a anmanchang jo eng. Ke’n khōnghre 2 kachoi, inkhat kha, “lungset” tia kaphō, khana ahlop inkhat nôk kha “Pum khat” tia kaphō. Kemōnghei kha kakhem jo hei.

MATTHEW 10:8

Akana mandam ruh, akathi manhring ruh, akaphâr mantheng ruh, ṭaihei hnongsōt hei ruh. Mankasea nanrahlâng jo, khava jâra mankasea pek hei ruh.

MATTHEW 11:4

Jesu’n amasôn hei, “Se una nantahmu leh nantathei hei hi John hneng vahri ruh:

MATTHEW 12:13

Khava sōa ama’n kut kangōi mipa hneng, “Nakut razit roh,” ati. Arazit a akut inkhat tinga leh in-anga kadam jo.

MATTHEW 21:14

Bek-inn shunga khan hmitkachohei leh ke-inkhôihei ahnenga kahong hei, khana amandam hei.

MATTHEW 5:3

“Rathla a antlâksamna inhret hei anmahâm kaṭha; marvân rengram kha antâ kae!

MATTHEW 9:30

khana anhmit kha khō ahmu jo. Jesu’n anhnenga, “Hivahi tûte hneng hrimak ruh!” tia inhnaktak a ahri pek hei.

MARK 7:37

Khana akathei rakip in andet-hla hêr jo. “Heirakip hi heituk injentak a atlo jo mo!” anti. “Kōr kaset kapha amanvâr, akaṭong theimak amanṭong thei,” antia kae.

MARK 9:25

Mipuihei khan anmani anta honghnai hei kha Jesu’n ahmu pha, ama’n rathla kaṭhamak hneng khan ṭong apek, “Akaṭong theimak leh kōr kaset rathla nang naipangpa a inphut nahei sōkna sik khana ashunga nahlut nôk hêrmakna sik ke’n ṭong kapek che kae!”

LUKE 4:18

“Rōngpu Rathla kha kachunga ka-om, ajârchu sara khōdeng katheihei hneng ṭong kaṭha kahri sik a akadei jo eng. Sura ka-om hei hneng masōna ṭong avakahri inthangle sik leh hmitkachohei khō hmuna sik atir jo eng; suk manrima ka-om hei masōna sik,

JOHN 10:25

Jesu’n amasôn hei, “Ke’n kahri pek dek jo chei, tâk nangni’n ataksen mak chei. Ke’n kapa ratha neina vâng ṭōn katlohei khan kei kahlanga ṭong ahri jo;

JOHN 10:38

Ke’n aṭōn kha katloa nantaksen mak enga achang inum, Pa kha keia ka-om, kei hi Pa a ka-om eng ti hi nanmanhret thangna sik kaṭōntlo bek khachu taksen ruh.”

JOHN 2:23

Rakan Kût reveilai Jesu Jerusalema a-om shunga ṭōn-inlak katamtak atlosōt anhmu jâra mi katamtak in antaksen jo.

JOHN 3:2

Ama jân khat Jesu hneng kahonga, “Rabbi, nang Pathena inphut akajōng Oja che ti keini’n kanmanhret; ajârchu Pathen inthōpui tei loa tûte’n natlo ṭōn inlak-hei hi tlotor mak,” ati.

JOHN 5:36

Tâk-kha John sâkhi tlo kanek a akalen chet kachungchânga sâkhi inkhat ke’n kanei; Kapa khan katlo sik ṭōn apek eng, kaṭōn tlohei khan kei kahlânga ṭong anhria, kapa tahei tirna eng kha’m amalâra kae.

JOHN 9:7

khana ahnenga, “Se ina Siloam tuikhura vasôp mathla roh,” ati. (Siloam tina chu, “Tirsōt,” tina kae.) Khava jâra ama kasea ahmai avaphet a, khō ahmua he’nle jo.

ṬŌNTLOHEI 2:22

“Ka-Israel changpui hei, hiva ṭong hi rangei ruh! Pathen in ama a inphut nankâra a’nlak ka-om leh ṭōn-inlak aleitlo rakip khana inphut Nazareth Jesu kha ratha neina inpek ti kha inchên jo. Hivahi nantak khet a nanmanhret, ajârchu hinahin nankâra akasōk kae.

JAMES 2:5

Kasōpui marit hei, rangei ruh! Hiva raleichunga sarahei kha taksenna langa akahao sik a, khana ama inlungset hei sik a, aṭongteppek Rengram kha akachen sik a, Pathen in akadei hei kae.