MATTHEW 11:21 - LEKHARABU INTHENG (BSI)

²¹ “Eh Chorazin! Heituk ṭitpek aka-om che mo! Eh Bethsaida! Nang sik um heituk ṭitpek aka-om che mo! Nangnihei hneng ṭōn-inlak ale’ntlo hei kha Tyre leh Sidona ale’ntlo achang inchu, anmalung thleng malârna borapōn ansi sik, khana ravut ale’nno sik jo hei kae.

MATTHEW 11:21 ပူးပေါင်းရင်းမြစ်များ

JOB LEKHARABU 42:6

Khava jâra kaṭong leihri hei seng chunga inzak jo eng ravut leh vaiphin shunga kamalung kathleng jo.

JEREMIAH 13:27

Ama’n amater ṭōn nantlona kha ahmu jo chei. Khōvelhei pathen chingbunga leh phaichama, pase inkhat in a-inn sirpa nuhmei amadu achangmak leh shakor chere kahur in arala atajui kapōa nansena hei kha ama’n ahmu sō cheia kae. Jerusalem mihei, nangni inhmang jo chei! Heitiktâk leh mo nangni a’ntheng sik chei?

JOEL 3:4

“Tyre, Sidon leh Philisti ramkeia mi seng nangni’n kei hneng heimo tlo sik a nanti? Heikhat sik a kahnenga pek male sik tia nanmandon mo? Nangni’n nanmandon inchu, inrangtak a ke’n kapek male bât sik chei!

AMOS 1:9

Rōngpu’n ahri, “Tyre mihe’n ave-avea setna antlo jo, khava jâra karâkna kapek nger sik hei kae. Anmani’n jât inkhat ankhenga Edom ram a rehring sura ankei heia khana ṭhōn changna ṭongkam antanei kha anvōkkhōia kae.

MATTHEW 11:22

Kahri manchên pek chei kae Ṭongtan Ning Pathen in nangnihei kanek a Tyre leh Sidon mipuihei chunga lungsetna aneichet sik!

MATTHEW 15:21

Jesu’n khava hmun kha adahlona Tyre leh Sidon ramṭhenting kase jo.

MATTHEW 18:7

Mihei taksenna inhmangna sik katlo neinâk-hei, a-om jâra raleichung hi heituk a ṭitpek ka-om jo mo! Khang khavakha kasōk ṭhak sik, tâk mi tlûkna katlo inkhat sik a heituk a ṭitpek ka-om jo mo!

MATTHEW 26:24

Mihring Sapa kha ṭong intheng tahri kapōa akathi sik kae, tâk Mihring Sapa kha mikut chunga akapek sōt sikpa kha heituk a ṭitpek aka-om jo mo! Ama ale’ntet hêrmak achang inchu ama sik a akaṭha jôk sik kae!” ati.

MARK 3:8

Jerusalema, Indumea ramṭhen leh Jordan nisōtinga ramṭhen a, khana Tyre leh Sidon khōpui ramṭhen vena inphut hei kae. Hiva mi rakip hei hi Jesu hneng kahong hei ajârchu aṭōn tlohei kha anleitheia kae.

MARK 6:45

Ama’n mipuihei kha amansesōt lai hei khan, inranga Jesu’n asonlehei kha rakōng inkhat a amanhlut heia dîr rekhat a, Bethsaida a ama hmadet a amanse jo hei.

MARK 7:24

Khava sōa Jesu’n khava hmun kha adahlona Tyre hnenga ramṭhen inkhat a kase jo. Ama inn inkhat shunga leikahlut khana khava hmun a a-om kha tûte inkhat tamanhret sik a leimadu mak, tâk inthup a leiomsôt tor mak jo.

MARK 7:31

Khava sōa Jesu’n Tyre ven kha adahlon jo khana Sidon apetana Galilee dîra leikase, Khōpui Sôm khat tlungna hlamdung kha aleijui.

MARK 8:22

Anmani Bethsaida a kahong jo hei khana khan mi ṭhahrep in hmitkacho inkhat Jesu hneng anheiṭhōia, asit sik a anleingek.

LUKE 4:26

Kha achang inum Elijah kha Sidon ram a Zarephath a renghmeinu inkhat hneng tei loa Israel shunga tûte hneng leitir mak a kae.

LUKE 6:17

Tlânga inphut anmani leh jōng inṭhōisuk heia, hmun incham inkhat a asonle katamtak hei leh Jesu kangirsap heia kae. Khava hmun a khan Judea ram pumpuia mi katamtak, ti chu Jerusalema inphut Tyre leh Sidon tuipang kimvea, khōpui heia inphut mipui katamtak,

LUKE 9:10

Sonlehei kha hong inle jo heia Jesu hneng antatlo heirakip anmanthei jo. Ama’n anmani aṭhōi heia Bethsaida inti khōpui inkhat a asepui jo hei.

JOHN 1:44

(Philip kha Peter leh Andrew omna Bethsaida khōpuia mi kae.)

JOHN 12:21

Philip (Galilee ram a Bethsaida inphut akahong) hneng anmani kahong heia, “Oja, keini’n Jesu kanhmu hnōm,” anhongti.

ṬŌNTLOHEI 12:20

Herod kha Tyre leh Sidona ka-om mipuihei chunga ahnuk leikana hêr, khava jâra ama inhmupui sik kha arup a leikase hei. Ahma inkeitak a, reng khōpui kahngâk a nganse, Blasta intipa khan abômna sik heia anleijôr manhnōma kae. Khava sōa Herod hneng kahlut heia intōk inchamna sik ngekna anleinei, ajârchu anrama sâk leh in hi rengpa ram a inphut antahmu kae.

ṬŌNTLOHEI 27:3

Ajîng kania Sidon leikatlung ung. Julius khan Paul kha aleilungset a, amadu arangei anpek theina sik, aṭhōn-arehei a’nhmu puina sik aleihnōm pek.

JUDE 1:11

Anmani sik a heituk-hrep a ṭit aka-om jo mo! Anmani’n Cain kahnung kha antajui kae. Sêr maduna jâra Balaam taleihro setna hlam kha anjui jo. Korah redōi kapōa andōi jâra suk manhmang kachang jo hei.

ṬONGPHÔNG 11:3

Khana khava kani 1,260 shunga Pathen ṭong thangkōi kahri inthangle sik, bora pōnse kasi sâkhi 2 ke’n kahei tir sik hei.”

ṬONGPHÔNG 6:12

Khana Kemōngte khan 6 tlukna achîkna intat kha asuk khōia amahlâng ke’n kaleihmu. Khana lingnu inhnaktak innok, khana kani kha sahme pōn kaphok akadup kapōa kadup jo, khan chu thla kha thisen kapōa kasen jo.