MATTHEW 11:11 - LEKHARABU INTHENG (BSI)

¹¹ Kaman chênpek chei kae ti chu mihring rakip hei kanek a Tui Inhlutpa John hi akalenpen kae. Tâk marvân rengram a akasinpen kha John kanek a kalen jôk a kae.

MATTHEW 11:11 ပူးပေါင်းရင်းမြစ်များ

JOB LEKHARABU 14:1

Eini nikhenga akatlasama leh inthōpui kasea jōng injōr me. Mi rakip akatoi leh inrengna hringkhō kha nisor et.

JOB LEKHARABU 14:4

Mihring a’nthengmak kapōa heite inkhat a inphut a’ntheng kha heisōk tor mak.

JOB LEKHARABU 15:14

Mihring inkhat hi a’nthengtak aka-om tor mo? Mi inkhat hi Pathen hmaikunga akadik aka-om tor mo?

JOB LEKHARABU 25:4

Pathen hmaikunga mi inkhat in a’ntheng leh akadiktor aka-om mo?

HLAHEI 51:5

Kajō’ntet ninga inphut akaṭhamaksa eng kae; kanu’n aleivonlai enga inphut setkarôn sa eng kae.

ISAIAH 30:26

Thla kha kani kapōa kavâr sik jo, khana kani kha angaia avâr kanek a vârsari kakhea kavârsa sik jo, ni 7 shunga vâr kha ni khat rōk a akavâr kapōa. Hihei rakip hi Rōngpu’n amihei rachâkna antak kôkbi kha akatōmpek heia amandam pek hei ning kani kha hongkachang sik.

ZECHARIAH 12:8

Khava pha Rōngpu’n Jerusalema ka-om mihei kha ahuk sik jo hei, ankâra akatlasam pen kha’m David kapōa kahrat sik jo. David sōn leh pârhei khan Rōngpu ngevahei kapōa, Pathen kapōhrep a hlam ankei sik jo hei.

MATTHEW 11:10

Ajârchu ṭong intheng in hinga ahri kha John chungchânga kae: ‘Pathen in ati, kaṭong karôn nahma katir sik, ama’n nahma hlam amahlang sik.’

MATTHEW 11:12

Tui Inhlutpa John in aṭong ahrilea inphut tuning katlung marvân Rengram kha rumhrat a buhluna aratō ṭhak a kae. khana rumhrat mihe’n sur sik a anrei.

MATTHEW 3:1

Khava lai khan Judea ram a Tui Inhlutpa John nêrdiram a kahonga ṭonghrile aleiphut joa kae.

MATTHEW 3:11

Nanmalung thleng malârtheina sik tui vânga ke’n tui hlutna katlo chei; tâk kei kanek a akalen, ratha kaneitak inkhat kakahnunga kahong, akekōk heikachoi sik bek a’m kei rahōi changmak eng; ama’n nangni Rathla Intheng leh hmei vâng tui amanhlut sik chei.

MATTHEW 5:19

Kha achang jâra tu achang inum hiva ṭongpek kasinpen hei-inkhat ajuimak inchu, khana mihe’m khanga tlo sik a amanthei he’nchu marvân rengram a akasinpen akachang sik kae. Inkhat ting chu, tu achang inum dân kajui khana mihe’m khanga a’nthei khan marvân Rengram a akalen kachang sik.

LUKE 1:15

Ama kha Rōngpu hmit-hmua akalen inkhat akachang sik kae. Ama’n vomhrui ju leh kahu inhnak inmak ning. Ama anu shunga ajōng intet sōlima inphut Rathla Intheng akasip sik kae.

LUKE 7:28

Jesu’n ahrisa, “Kahri pek chei kae, mihring rakip kâra John hi akalenpen kae. Tâk-kha Pathen Rengram a akasinpen khan John kanek a kalen jôk sik a kae.”

LUKE 9:48

khana anhnenga ati, “Tu enum karahminga hiva naipang inhlâng mi khan kei arahlâng eng kae; tu enum kei inhlâng mi khan ani heikatirpa kha arahlâng kae. Ajârchu nangni kâra akasinpen kha akalenpen kae.”

JOHN 1:15

John in ama chungchânga aleihri. Ama kapenga, “‘Ama chu kei kahnunga kajōng, tâk ama kha kei kanek a kalen jôk, ajârchu kei intet mak hma ama chu aleika-omsa kae,’ tia kaleihri kha ama hi kae.”

JOHN 1:27

Ama kei kahnunga kajōng; kei chu akekōk hrui kasōt bek sik um karahōi changmak.”

JOHN 10:41

Mi katamtak ahnenga kahong heia, “John in ṭōn-inlak akalen chu leitlo mak, tâk hiva mipa chungchânga atahri rakip chu kadiksōa kae,” anti.

JOHN 3:30

Ama chu akakhang chet-chet sik kae, kei chu akatlasuk chet-chet sik eng kae.”

JOHN 5:35

John in thaihmei inkhat kapōa leikavâr, khana nangni’n ama vâr kha pha bongkhat rōk nanhōi puia kae.

JOHN 7:39

Jesu’n hiva ahri hi ama kataksen he’n hnunga Rathla antachen sik kha atina kae. Khava pha khan chu Rathla kha la’npek mak hi ajârchu ama kha kalûrtak a keimanke lachang mak a kae.

CORINTHIANHEI INKHATNA 15:9

Kei sonlehei kâra mathlum pen eng kae, sonle inkhat inti sik hi’m karahōi changmak ajârchu ke’n Pathen bekrup kaleisuk manrima kae.

CORINTHIANHEI INKHATNA 6:4

Khang khava ṭong kasōk hei kha bekrup mi kachangmak hei hneng ṭong vatan sik a akase chei mo?

EPHESIANHEI 2:3

Kadik khet a eini nikhenga vânhnōi mihei kapōa nimalung leh nitaksa tamaduhrep kha nitloa kahring me. Ni-om ngaia chu, mi rakip in-ang me, eini Pathen hnuknat akade sik kha leikachang me.

EPHESIANHEI 3:8

Kei Pathen mihei seng kâra, akasin kâra akasinpen eng kae; kha’num Christa ṭhatna bângtik kaneimak chungchânga ṭong kaṭha kha Jât-hlop hei hneng akarôn sōt sik ṭōn

TIMOTHY INHNINA 1:10

tâk-kha tûnchu nikahuk inhring Jesu Christa ajōng jâra eini hneng amalârpek jo me. Ama’n thina ratha neina kha amanchai jo khana ṭong intheng vânga akathimak sik hringkhō kha amalâr jo.

HEBREWHEI 11:40

ajârchu Pathen in eini sik a akaṭhachet mantlukna alaneipek mea kae. Eini leh ni’nthlop leh rōk anmani pui tlukna akae sik kha ama ṭōn mantlukna kha kae.

PETER INKHATNA 1:10

Hiva hukmanhring chungchânga hin sânkathem he’n insing theitak a anta leijonga anta lei-ensui kae, khana hiva Pathen tapek sik chei mahâmṭhatna hi anmani’n anta leisânsōt kae.

SAMUEL INKHATNA 2:30

Rōngpu Israel Pathen ke’n nang innshung leh nang phungṭhen he’n kumkhōa thempu akachang cheia kei nanta razen sik eng kae tia le’ntep eng. Tâk tûnchu kahri hi kae, khavakha nei hêrmak jo ning. Khava kanek a, kei kajana anikapek hei kha kakaja sik hei, anikahnōise hei kha kahnōise sik hei.