MATTHEW 10:26 - LEKHARABU INTHENG (BSI)

²⁶ “Khava jâra mihei ṭitmak hei ruh. Tûna makhu sia aka-om hei kha ala’nhlângpet sik kae, khana a’nthup rakip hei kha’m ala’nphông sōt pet sik kae.

MATTHEW 10:26 ပူးပေါင်းရင်းမြစ်များ

ṬONGCHÎK-HEI 10:9

Malung intheng mihei chu kamōnga kadam senga ka-om hei, tâk malung intheng mak hei chu ansur sik hei.

ṬONGCHÎK-HEI 28:1

Mikadik mak chu tûte’n anhnongmak inum katlânsōt a kae, tâk malung intheng mi chu shabakkai kapōa kahrânga kangam sik.

ṬONGCHÎK-HEI 29:25

Mihe’n nang chunga heimo antamandon tia ensui ṭhak sik hi insuk-inpaina kae, tâk Rōngpu nataksen inchu, inhuk sik che.

MI INTHEIPA 12:14

Eini’n akaṭha leh akase achanga, marûk a tlona hei kapha’m akhenga Pathen in ṭong alatan sik kae.

ISAIAH 41:10

Nangni ṭimak ruh – ke’n ka-ompui chei! Kei nan-Pathen eng kae — heite inkhatbek in maṭhitmak chei rasoh! Ke’n ka’nṭangpui sik chei khana kamanhrat sik chei; Ke’n kahrung sik chei khana kahuk sik chei.

ISAIAH 41:14

Rōngpu’n ati, “Akatlômtek leh ratha katlasam, Israel, nangni ṭimak ruh; ke’n ka’nṭangpui sik chei. Israelhei a’ntheng Pathen kei hi, nankahuk inhring eng kha kae.

JEREMIAH 1:8

Anmani kha ṭitmak hei roh, ajârchu nakahrung sik a ke’n ka-ompui che. Rōngpu ke’n kahri jo hi kae!”

EZEKIEL 2:6

“Tâk-kha akathithei mihring, anmani leh anmani’n heikhat antahri kha naṭitmak sik kae. Anmani’n nang hnōm mak hei tin khana anhnōise sik che; aipui tûr kaneihei kâra aka-om ka-ang sik che. Kha’num, sova rahe kasehei leh heikhat antahrina chunga ṭitna neimak roh.

MATTHEW 10:28

Taksa kathat tor tâk rathla kathat tor mak hei kha ṭitmak hei ruh khava kanek a taksa leh rathla akoptōa hmeikhura kathat inhmangtor kha ṭit jôk ruh.

MARK 4:22

A’nthup rakip inlârtak a keisō sik kae, khana makhu sia aleika-om rakip mahlâng sik kae.

LUKE 24:47

khana Jerusalema inphut a jât rakip hneng malung thlengna leh set rangei mandamna sik ama rahminga ṭong inhri inthang sik kae.

LUKE 8:17

Hei-achang inum a’nthup kha vânga malârsōt sik kae, khana hei-achang inum makhu khuma aka-om kha a’nhmusōt ngerna sik khōvâra malârsōt sik kae.

ṬŌNTLOHEI 1:8

Tâk-kha Rathla Intheng kha nanchunga ajōng pha leh, ratha hratna kasip a nannei sik, khana nangni Jerusalem, Judea leh Samaria ram pumpuia khan chu raleichung achaina katlunga kasâkhi akachang sik chei kae,” ati.

ṬŌNTLOHEI 4:13

Themna-singna kaneimak anchang ravâng Peter leh John in khang hrep a inngamna antanei kha Sehmang-pachong he’n anmanhret pha anlei mandonhla hêr hei. Khantō khan Jesu leh ale’nloisōm anchang kha anhei mandonsōt jo.

ṬŌNTLOHEI 4:19

Tâk-kha Peter leh John in anmasôn hei, “Nangni ṭong kantajui sik a-emak leh Pathen ṭong kantajui sik khahei kâra khō jôk mo Pathen hmit-hmua akadik nanbinga ṭong intan ruh.

CORINTHIANHEI INKHATNA 4:5

Khava jâra pha atluk hma nangni’n tu inkhat chunga ṭong tanloimak ruh. Achaina ṭongtan khan Rōngpu ajōngmak kârseng ahngâk nger sik kae; ama’n mihring malung shunga a’n-ip ṭōnmantluk, khō inthim thōia ṭōn marûk-hei kha khōvâra amalârsōt sik hei. Khana mi rakip anrahōi kasōk choi ka-ânna kha Pathena inphut antarahlâng et sik kae.

PETER INKHATNA 3:14

Tâk-kha nangni’n akadik ṭōn nantlo jâra khōdeng nantathei achang inchu, heituk mikahōi chei mo! Tûte ṭitmak hei ruh, nanmalung um manrim mak ruh.