MATTHEW 10:14 - LEKHARABU INTHENG (BSI)

¹⁴ Khana innshung leh khōpui ṭhahrep in anrahlâng mak cheia, khana nanṭong anrangei mak inchu, khava hmun kha dahlon ruh khana nankepha a vaiphin kha kathing mathla ruh.

MATTHEW 10:14 ပူးပေါင်းရင်းမြစ်များ

NEHEMIAH 5:13

Khava sōa kakhōna kaleikhit katingsoi kha kalosōt a, kakathingsōt jo. Ke’n kati, “Hing’hin tu nanchang inum nan-intepna kajuimak kha Pathen in akathingsōt sik chei. Pathen in nan-innhei leh nantanei rakip alosōt sik khana heite inkhatbek dahlon mak ning.” Khana aka-om rakip in anhri, “Amen!” antia Rōngpu kha anleimanpâk a kae. Khana hlamkakeihei khan anṭong intepna kha anjui jo.

MATTHEW 10:13

Khava innshung mihei khan anrahlâng chei inchu, nanlung mōngna chibei kha anchunga om rasoh; khana anrahlâng mak chei inchu, nanchibei kha losōt male ruh.

MATTHEW 18:5

Khana tu achang inum kei rahminga hinghiva naipang kapō inkhat inhlâng mi khan kei arahlâng eng kae.

MARK 6:11

Khōpui inkhat a nanhonghlut pha khana khan mihe’n anrahlâng mak cheia nanṭong anrangei mak inchu, khava hmun kha dahlon ruh khana nankebōk vaiphin kathing mathla ruh. Khavakha anmani sik ṭong-gîkna kachang sik!”

MARK 9:37

“Tu achang inum kei rahminga hinghiva naipang inkhat inhlâng mi khan kei arahlâng eng kae, khana tu achang inum kei inhlâng mi khan, kei rōk arahlâng eng changloa, anijōng katirpa kha’m arahlâng kae.”

LUKE 9:48

khana anhnenga ati, “Tu enum karahminga hiva naipang inhlâng mi khan kei arahlâng eng kae; tu enum kei inhlâng mi khan ani heikatirpa kha arahlâng kae. Ajârchu nangni kâra akasinpen kha akalenpen kae.”

LUKE 9:5

Khova hmun achang inum anratō makna cheia, mihe’n anleirahlâng makna chei khōpuia khan, sâkhi sik a nankebōk kha kathing mathlapek hei una dahlon hei ruh.”

JOHN 13:20

Akadiktak kamanthei chei kae; tu achang inum kei mitir inhlâng mi khan kei um arahlâng eng kae, tu achang inum kei inhlâng mi khan anijōng katirpa kha arahlâng kae.”

ṬŌNTLOHEI 13:51

Anchunga malung tlaimak jâra sonlehei khan ankea vaiphin kha ankathing mathlâk khum heia Iconiumting kase jo hei.

ṬŌNTLOHEI 18:6

Anmani’n achunga dōina leh ṭongse anhri pha ama’n atheikada a apōna vaiphin kha akathing thlōn heia hing’hin ahri pek hei, “Nangni nan-inhmang inchu, nanbinga maset nanta’nrôn sik kae! Ke’n mô kha rônmak ning. Tûna inphut chu Jât-hlop hei hneng kase sik jo eng.”

THESSALONIANHEI INKHATNA 4:8

Khava jâra, hiva mansena kajuimak mi khan, mihring mansena ajuimak changmak, Rathla Intheng nankapek Pathen mansena kha ajuimak kae.