MATTHEW 1:21 - LEKHARABU INTHENG (BSI)

²¹ Amanu’n sapa inkhat anei sik, arahming Jesu napho sik kae, ajârchu amihei ansetna inphut ama’n ahuksōt sik hei,” ati.

MATTHEW 1:21 ပူးပေါင်းရင်းမြစ်များ

A’NPHUTNA 17:19

Tâk-kha Pathen in, “Changmak ning, nanuhmei Sarah in sapase inkhat alaneipek sik che, arahming Isaac nati sik kae. Ama leh atu asahei chunga ke’n kaṭong tepna kamathlung sik. Khavakha are-rea intepna inkhat kha kae.

A’NPHUTNA 17:21

Tâk-kha ka ṭongtep chu, akumtinga hiva pha Sarah tamatet sik nasapa Isaac chunga kamathlung sik kae,” ati.

A’NPHUTNA 18:10

Anmani kâra inkhat in, “Tûna inphut thlakō atluk pha kei kahong nôk sik eng, khava pha nanuhmei Sarah’n sapa inkhat anei sik kae,” ati. Ama kahnunga khan Sarah kha kot kunga kangira an-inbek aleirangei hei.

JEREMIAH 23:6

Ama rengchang pha, Judah mihei kha inhuk sik hei, Israel mihei kha kamōng tak a ka-om sik hei. Ama kha ‘Eini Huk manhringna Rōngpu’ inti sik.

JEREMIAH 33:16

Judah leh Jerusalem hei kha ahuksōt sik hei, inhuk a ka-om sik hei. Khōpui kha, ‘Eini Hukmanhringna Rōngpu,’ inti sik.

DANIEL 9:24

“Namihei leh nakhōpui intheng kha setna leh akaṭhamak inphut masōsōtna sik Pathen in kum 70 et kha vōi 7 kasôt aṭhensōt a ada jo. Ṭongsân leh hmangtalâr kha hui atlungna sik, khana a’ntheng Bek-inn avea manther sōtna sik a, setna rangei mandam sik khana kumleikōa dikna kha matungsōt sik kae.

ZECHARIAH 9:9

Inpâk ruh, hōi ruh, Zion mihei. Jerusalem mihei inpâk a ông ruh! Enruh, nanrengpa kha nanhnenga kajōng jo! Ama khan chung sōkna leh torna aneia kahong tâk-kha insinsak tak a shakōrtung aheichōng– shakōrtung tere inkhat aheichōng.

MATTHEW 1:25

Tâk amanu’n asapa kha aneimak hma seng ama’n rakhum le’nchun puimak. Khana Joseph in arahming Jesu tia aphō jo.

LUKE 1:13

Tâk-kha ngeva khan ahnenga ati, “Zechariah, ṭimak roh! Naderna kha Pathen in athei pek jo che; nalômnu Elizabeth in sapa inkhat amatet pek sik che. Nang in arahming, John nati sik kae.

LUKE 1:31

Nang nachung hong kahrik sik chea kha sapa inkhat namatet sik, khana arahming Jesu nati sik kae.

LUKE 2:11

Tuningtak hin David khōpuia nankahuk inhringpa Christa Rōngpu kha jōng inte jo.

LUKE 2:21

Kani vekhat sōa, naite kha vuntan sik ahongtluk jo pha, shunga avon mak hma ngeva’n aleihripeksa rahming, Jesu tia anphō joa kae.

JOHN 1:29

Abân kania John in Jesu ahnenga akahong kha ahmua ati, “Vânhnōi setna karôn Pathen Kemōngte kha hin ka-om.

JOHN 4:42

Anmani’n nuhmei hneng khan anti, “Keini khet in aṭong hri kanthei joa, ama hi vânhnōi kahuk inhringpa akadik khet achang kha kanmanhret a kantataksen jo kae, nang hrina jâra changmak jo.”

ṬŌNTLOHEI 13:23

David khanghruia inphut Jesu hi Pathen in aṭong intepsa dungjuia Israel mipuihei huksōtpa amanchang jo.

ṬŌNTLOHEI 3:26

Nanṭhat makna inphut nanhe’n hea, nankhenga mahâmṭhat abukna sik chei, Pathen in asōkpa hi akadeia ahma inkeipena nanhnenga ahei tir jo kae.”

ṬŌNTLOHEI 4:12

Ama inphut rōk hukmanhringna nihmu sik; ajârchu vânhnōi pumpuia ani kahuksōt tor Pathen tapek hichu ama teilo alak him-him om mak.”

ṬŌNTLOHEI 5:31

Israel mipuihei hi an-insira ansetnahei rangei mandam anchen theina sik a tûnchu hlamkakei leh huksōtpa inkhat a Pathen in akut changting a’n-ong sik a amatungsōt jo.

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

HEBREWHEI 7:25

Khana ama’n tûnum ahei tik a’m ama inphut Pathen hneng akahong hei sik a hukmanhringna atlo tor, ajârchu anmani sik Pathen hneng akader sik a ahei tik a kahring ṭhak a kae.

JOHN INKHATNA 1:7

Tâk-kha ama vâra a-om kapōa, eini vâra aka-om nichang inchu, eini inkhat leh inkhat a’nloikhôm me kae, khana asapa Jesu thisen khan setna rakip a inphut asôp mantheng jo me kae.

JOHN INKHATNA 3:5

Setnahei kalosōt sik a Christa kha jōng inlâr khana ama chu setna heite neimak ti hi nanmanhret.

ṬONGPHÔNG 7:14

“Apu, ke’n manhret mak hei eng. Nang in namanhret hei,” tia kamasôn. Khana ama’n kahnenga ati, “Hiva mihei hi suk manrimna inphut a kahringa akahong hei kha kae. Anmani’n kemōngte thisen vâng anpōnsi anta’nsôp inthenga antamanchek jo hei kae.

ṬONGKATANHEI 13:3

Amanu hneng Rōngpu ngeva inkhat jo’nlâra ahri, “Nang sa nei hêrmak jo che, tâk-kha inranga nai navon sik a kha sapa inkhat nanei sik kae.

SAMUEL INKHATNA 1:20

Khang’khan Hannah kha nai avona, sapa inkhat anei jo. Amanu’n arahming Samuel ati, ahri manchênna, “Ke’n ama hi Rōngpu hnenga inphut kadersōt kae,” ati.