MARK 9:7 - LEKHARABU INTHENG (BSI)

⁷ Khava sōa sumtuk inkhat jōngkasōk a adaihlim khan amakhusi jo hei khana sumtuk a inphut rasa inkhat kajōnga, “Ama hi ka-Sapa marittak kae, aṭong rangei ruh,” ati.

MARK 9:7 ပူးပေါင်းရင်းမြစ်များ

HLAHEI 2:7

Rengpa khan ahri, “Rōngpu tamalâr kha ke’n kahrisōt sik. Ama’n kahnenga ati: ‘Nang kasapa che kae; tuning kei napa kachang jo eng.

HLAHEI 97:2

Sumtuk leh a’nthim in ama kha akakur khum; ama’n akadik leh ṭongtak a vai arôn.

SŌKSŌT 24:16

Tlâng chunga Rōngpu omna khan vâr kadi rik-rak kha jōng kaṭum jo. Israelhei khan chu vâr kha tlâng lera hmei kasûk kapōa anleihmu. Sumtuk khan tlâng kha ni 6 katlung amakhusi, khana ni 7 ning khan Rōngpu’n Moses kha sumtuk kâra inphut aleibek jo.

SŌKSŌT 40:34

Khava sōa Pōn-inn kha sumtuk in amakhusi jo khana Rōngpu omna vâr kadi rik-rak kha kasip jo.

DANIEL 7:13

Hiva jân a hmangtalâra hin ke’n mihring kapō inkhat kaleihmu. Ama kha sumtuk in akake khuma kahnenga ajōng hnai eng, khana ama khan ahei tik a akahring ṭhak hneng kasea inpek inhlut a kae.

MATTHEW 27:43

Ama’n Pathen ataksen khana Pathen sapa eng kae atia kae. Kaṭha jo, en jo rih, Pathen in ahuk hnōm sik mo!”

MATTHEW 27:54

Rehlam kakeipa leh a-ompui sepei, Jesu kahngâk-hei khan lingnu innok leh omchen kasōk rakip kha anhmu pha kaṭihêr jo heia, “Kadiktak a hiva mipa hi Pathen Sapa kae!” anti.

MATTHEW 3:17

Khana marvâna inphut rasâ inkhat in, “Ama hi kasapa marittak kae, achunga kamalung katlai,” ajōng ti.

MARK 1:11

Khana marvâna inphut rasa inkhat in, “Nang kasapa marittak che kae, nachunga kamalung katlai,” ajōng ti.

MARK 9:6

Ama leh alak-hei kha kaṭihêr jo heia ama’n heimo ahri leimanhret mak a kae.

MARK 9:8

Anmani’n inrangtak a ankimve an-enlele tâk tûte leihmu mak jo hei; Jesu rōk kha ankâra leika-om.

LUKE 3:22

khana Rathla Intheng kha taksa kaneia vaṭhu kapōa jōng kaṭuma achunga kachu jo. Khana marvâna inphut rasa inkhat in, “Nang kasapa marittak che kae. Nachunga kamalung katlai,” ajōng tia kae.

JOHN 1:34

Khavakha ke’n ama chunga kahmu jo, khana ama hi Pathen Sapa kha kae, tia kamanthei chei kae.”

JOHN 1:49

Nathanael in ahnenga amasôn, “Rabbi, nang Pathen Sapa che kae. Israelhei Rengpa che kae.”

JOHN 12:28

Apa, narahming jōng manlûr roh!” Khava pha marvâna inphut rasa inkhat in, “Ke’n kamanlûr jo, khana ke’n khang’khan kamanlûr nôk sik,” ajōng tia kae.

JOHN 19:7

Mipui he’n anmasôn male, “Keini’n dân inkhat kannei, khava jâra ama akathi nger sik kae, ajârchu ama abinga Pathen Sapa eng kae ati.”

JOHN 20:31

Khana nangni’n Jesu hi Messiah, Pathen Sapa kae ti nantaksen theina sik, khana ama nantaksenna vâng khana hringna nanneitheina sik hivahei hi a’nzet hei kae.

JOHN 5:18

Hi ahria hin Jehudi he’n ama alerchet a anthat hnōma kae; ajârchu ama’n Châmhngat kani dân rōk kha asukkhōi changloa Pathen kha apa amanchanga, Pathen leh ama in-anga ahri jâra kae.

JOHN 5:37

Khan chu anijōng katir Pa’num kei kahlânga ṭong ahria kae. Nangni’n ama rasa lathei phungmak chei, ahme um lahmu phungmak chei;

JOHN 6:69

Khana tûn nang Pathena inphut akahong a’ntheng inkhat nachang kanmanhret a kantaksen che.”

JOHN 9:35

Jesu’n omchen kasōk kha aleithei jo pha, mipa kha aleihmua ahnenga, “Nang in Mihring Sapa kha nataksen mo?” ati.

ṬŌNTLOHEI 1:9

Hivahi ahrisō pha, khanga ama anlei enlai khan marvânting ṭhōitoua ka-om jo, khana anhmit hmua inphut sumtuk in aleimanhle jo.

ṬŌNTLOHEI 7:37

Israel mipuihei hnenga, ‘Pathen in kei ajōngtir eng kapōa, nanmikhet shunga inphut Sânkathem inkhat ajōngtir pek sik chei,’ aleikatipa kha Moses hi kae.

ṬŌNTLOHEI 8:36

Anmani khanga ansesuk pum a, tui omna hmun inkhat anphak pha, ṭōnpui karônpa khan, “Hin tui ka-om jo, tuihlut kachenthei makna sik heimo alaka-om?”

ROMANHEI 1:4

khana a’ntheng Rathla achangna dungjuia thina inphut keimathōina leh Pathen Sapa achangna kha ratha kahrattak a amalâr jo.

HEBREWHEI 2:1

Khava jâra eini aniṭhōisōt makna sik me, nileithei jo akadik kha inhnakchet a nimatutlit sik kae.

PETER INHNINA 1:17

Pa Pathen in achunga lûrna leh kajana apek lai, Akalûrpena inphut rasa kajōnga, “Hivahi ka-Sapa marit kae, achunga kamalung katlai!” atilaitak khan keini khava hmun a leika-om unga kae.

JOHN INKHATNA 5:20

Eini’n akadik Pathen kha nimanhretna sik, Pathen Sapa kha kajōnga manhret theina apek jo me ti hi eini’n nimanhret. Asapa Jesu Christa leh inchunna shunga, Pathen kadik leh inchun a eini akahring me kae. Hivahi Pathen kadik kha kae, khana kumsôt hringna kha kae.

ṬONGPHÔNG 1:7

Enruh, ama sumtuk-hei chunga kajōng! Mi rakip leh ama kasei vânga akasun he’num anhmu sik. Raleichunga mi rakip in ama ṭajai ansui sik. Khang’khan kachang sik!