MARK 9:44 - LEKHARABU INTHENG (BSI)

⁴⁴ Khana khan anmani kasâk rahlunghei kha thihêr mak hei, khana ankakâng hmei kha’m thihêr mak.

MARK 9:44 ပူးပေါင်းရင်းမြစ်များ

ISAIAH 33:14

Ziona ka-om mikaset-hei anṭit lôt a innok jo hei. Anmani’n anti, “Pathen ṭongtan hi ahei tik a hmei kakâng kapō kae. Eini khava hmeia inphut akahringtor nâk sik me mo?”

ISAIAH 66:24

“Anmani’n anhei dahlon hei pha, kei kadōihei kathi kalōng kha anhmu sik hei. Ankathi kalōng kâra rahlunghei kha thitik neimak hei ning, khan chu anmani karo hmei kha’m thitik nei hêrmak ning. Anhme hmu sik kha mihring rakip sik a mater ka-om tak kachang sik hei.”

MATTHEW 25:41

“Khana veitinga aka-om hei hneng khan ama’n ati sik, ‘Pathen hâksêr kachen hei, kahnenga inphut sesōt ruh! Seitan leh angevahei sik a mantluksa kumsôt hmeikhura sik sesōt ruh!

MATTHEW 25:46

Khan chu, anmani are-rea karâkna kachen sik a atir sik jo hei, tâk mikadik-hei khachu kumsôt hringna kase sik jo hei.”

MATTHEW 3:12

Ama’n yângjâp akut a achoi, sarahmu ajâp mantheng sik, khana sâng kha sasōr shunga akhum mantûp sik, tâk sarasi hei khachu akathi theimak hmeikhur shunga ahlon manhlut sik hei.”

MARK 9:43

Khava jâra nakut inkhat in nataksenna amanhmang inchu, tuktan roh! Nakut 2 pum a akathi hêrmak hmeikhura nahlut sik kanek a kut inkhat rōk leh kumleikōa hringna nahlut sik kha kaṭha jôk.

MARK 9:45

Khana nake inkhat in nataksenna amanhmang inchu, tuktan roh! Nake 2 pum a hmeikhura hlon manhlut nachang sik kanek a, ke inkhat kasea kumleikōa hringna nahlut sik kha kaṭha jôk.

MARK 9:48

Khana khan ankasâk rahlunghei kha thihêr mak hei, khana ankaro hmei kha’m thihêr mak ning.’

THESSALONIANHEI INHNINA 1:9

Anmani Rōngpu lûrna kalentak leh ahmai kunga inphut ṭhensōt a ka-om sik heia kha, kumleikōa suk manhmangna karâkna kha antathōk sik kae,

ṬONGPHÔNG 14:10

Pathen hnuk natna ju, hnuknat inhnaktak a asun mansip kōkleia ju kha, anbinga an-in sik! Khava katlo rakip kemōngte leh angeva intheng hei hmaikunga hmei leh kât kângna shunga khōdeng katheia ka-om sik hei.

ṬONGPHÔNG 20:10

Khava pha mikahōn inthlapa, Diabol kha kât kakâng hmei dîr shunga anhlon manhlut jo, khava hmun a khan ranhring leh sânkathem inhlem hei khachu aleika-omsa jo hei kae; khana khan asûn-ajâna khōdengthei are-rea mande sik jo kae.

ṬONGPHÔNG 20:15

Tu achang inum hringna lekharabu shunga arahming aka-om mak mi khachu hmei dîr shunga anhlon manhlut jo hei.

ṬONGPHÔNG 21:8

Tâk-kha ṭit kasehei, mikahōnhei, mikathat-hei, omchen kase hei, dôi kachoihei, limsyem inmuk hei, khana malei kaseihei seng omna sik a hmun kha hmei leh kât kângna dîr kha kae, khavakha vōi 2 tlukna thina kha kae.”