MARK 9:25 - LEKHARABU INTHENG (BSI)

²⁵ Mipuihei khan anmani anta honghnai hei kha Jesu’n ahmu pha, ama’n rathla kaṭhamak hneng khan ṭong apek, “Akaṭong theimak leh kōr kaset rathla nang naipangpa a inphut nahei sōkna sik khana ashunga nahlut nôk hêrmakna sik ke’n ṭong kapek che kae!”

MARK 9:25 ပူးပေါင်းရင်းမြစ်များ

ZECHARIAH 3:2

Rōngpu ngeva khan Seitan hneng, “Rōngpu’n nang maset peche rasoh, Seitan! Jerusalem inlungset Rōngpu’n maset peche rasoh. Hiva mipa hi hmeishunga a’nkeisōt sungtlōn kapō kae,” ati.

MATTHEW 12:22

Khava sōa mi ṭhahrep in mi inkhat ṭai arôn jâra ahmit kacho, akaṭong theimak Jesu hnenga anheiṭhōi. Aṭong theina sik leh ahmu theina sik a Jesu’n aleimandam jo.

MATTHEW 17:18

Jesu’n ramṭai kha ṭong apek a ahnenga inphut kasesōt jo, khava phatak a khan naipang kha kadam jo.

MARK 9:15

Mipui he’n Jesu anhmu pha, inlak ansak hêr, khana ahnenga katlân heia chibei anvapek a kae.

MARK 9:24

Apa khan inrangtak a hong ka-ônga, “Taksenna ke’n kanei, tâk pui tlukmak. Akatamdet kanei theina sik a’nthōpui roh!” ati.

MARK 9:26

Rathla kha inhnaktak a kapenga naipangpa kha hme kasetak a akei ra-êa, kasōksōt jo. Naipang kha akathi kalōng ka-ang jo, khana mi rakip in, “Ama kathi jo!” anleiti.

LUKE 11:14

Jesu’n akaṭong theimak ṭai inkhat aleihnongsōt; ṭai kha asesōt pha, mipa kha kaṭong inphut jo. Mipui he’n andet-hla hêr jo.

LUKE 4:35

Jesu’n ṭai hneng ṭong apek a, “Sip ti roh, mipa khana inphut heisōk roh!” ati. Ṭai khan anhmai kunga ahlon mathlûk a khana heite suksetna neilo jena ama inphut leikasōk jo.

LUKE 4:41

Mi katamtak a inphut ṭai heikasōk heia, “Nang Pathen sapa che kae,” tia anlei-ôn. Jesu’n ṭaihei kha ṭong apek heia manṭong mak hei, ajârchu ama Messiah kae ti kha anmanhret a kae.

LUKE 8:29

Ama’n hinga ati hi rathla kaṭhamak kha ama inphut asesōtna sik Jesu’n ṭong aleipek jo jâra kae. Hmun katamtak a rathla kaṭhamak khan aleisur ri, khana thirhrui vâng ankhit a, rake antukkhum ravâng amaher thlek a ṭai khan nêrdiram thōia aṭhōi ria kae.

LUKE 9:42

Naipang kha ahonglai khan ṭai khan akei ra-ea raleia amathlûk jo. Tâk-kha Jesu’n rathla kaṭhamak kha araseia, pasenai kha amandam jo, khana apa hneng apek joa kae.

ṬŌNTLOHEI 16:18

Kanikhō katamtak khang’khan aleitlo, Paul in ahōtrak joa, inhea khava rathla-ravai hnenga, “Jesu Christa rahminga ṭong kapek che kae, amanua inphut sōksōt roh!” ati. Khava phatak a khan amanua inphut rathla-ravai kha leikasōk jo.

JUDE 1:9

Ngeva kalenpen Michael kapha khan hmen hinga tlomak. Moses taksa kalōng chenna sik Diabol leh an-inchu pha khan hnōisena ṭong vâng raseiloa, “Rōngpu khan rasei che rasoh!” atihrep kae.