MARK 8:38 - LEKHARABU INTHENG (BSI)

³⁸ Mi inkhat in hiva bekṭong kase leh ṭhatmak pha shunga hin kei leh kaṭong mantheina chungchânga a’nzak inchu, Mihring Sapa khan Apa lûrna shunga ngeva intheng hei leh anjōng pha achungchânga a’nzak sik kae.

MARK 8:38 ပူးပေါင်းရင်းမြစ်များ

DANIEL 7:10

Khana inphut hmeimale ahei kâpsōt a kae. Khava hmun a khan ama inzen sik mi lishing lishing ka-om hei, khana tei torlo katamtak ahmating kangir hei. Ṭong tanna sik in-ong anphut jo, khana lekharabu hei kha anmahlang jo.

DANIEL 7:13

Hiva jân a hmangtalâra hin ke’n mihring kapō inkhat kaleihmu. Ama kha sumtuk in akake khuma kahnenga ajōng hnai eng, khana ama khan ahei tik a akahring ṭhak hneng kasea inpek inhlut a kae.

ZECHARIAH 14:5

Hiva tlânga her hnia akaṭhensōt phaicham shunga hin nangni akatlânsōt sik chei kae. Judah Reng Uzziah phalaia lingnu innoklai nanpu sōnhei leitlânsōt kapōa nangni akatlânsōt sik chei kae. Rōngpu ka-Pathen kha, ngeva rakip aheiṭhōi heia kajōng sik.

MATTHEW 12:39

Jesu’n inhnak a ahri “Tûnlaia mihei hi heituk a akaṭhamak leh Pathen kadonmak jo hei mo! Ṭōn-inlak katlo sik a nantader eng mo? Changthei mak! Nanhnenga a’npek sik ṭōn-inlak inkhat rōk khachu sânkathem Jonah ṭōn-inlak kha kae.

MATTHEW 13:41

Mihring Sapa khan marvân ngevahei ajōngtir sik hei, khana anmani’n a-Rengram shunga mikasu inpaihei leh ṭhatmak katlo rakip ankhôm mantûp sik hei,

MATTHEW 16:27

Ajârchu Mihring Sapa kha Apa lûrna leh inṭhōia marvân ngevahei leh akajōng sik kae, khava pha mi rakip anṭōntlo dungjui et a tloman apek sik hei.

MATTHEW 16:28

Kadiktak a kahri pek chei kae Mihring Sapa kha Reng inkhat a ajōng ṭum anhmumak kârseng akathimak sik ṭhahrep hinahin ka-om hei.”

MATTHEW 16:4

Tûnlaia mihei hi heituk a akaṭhamak leh Pathen kadonmak jo hei mo! Nangni’n mêrchîkna ṭōn-inlak inkhat malâr sik a nantader eng mo? Changthei mak! Nangni hnenga mêrchîkna ṭōn-inlak inkhat rōk a’npe sik chei khachu Jonah ṭōn-inlak kha kae.” Khan chu ama’n adahlon heia kase jo.

MATTHEW 24:30

Khava pha Mihring Sapa jōngna sik mêrchîkna kha bōirōk a inhmu sik jo; khana Mihring Sapa kha marvân sumtuk chunga aratha neina leh alûrna leh inṭhōia ajōng kha anhmu pha raleichung jât rakip in kaṭap sik hei.

MATTHEW 25:31

“Mihring Sapa kha Reng kapōa marvân ngevahei leh inṭhōia ajōng pha, alen in-ongna chunga in-ong sik,

MATTHEW 26:64

Jesu’n amasôn, “Nang in khanga nahri jo. Khana nankhenga kahri pek chei kae: tuna inphut Mihring Sapa kha Akahratpen ama changting a’n-ong leh marvâna sumtuk chunga ajōng ṭum kha nanhmu sik!”

MATTHEW 8:20

Jesu’n amasôn, “Ram-ui he’n khurhei annei, khana vahe’n rabuhei annei, tâk Mihring Sapa khan lu manhngatna leh châmhngatna hmun neimak,” atipek.

MARK 13:26

Khava sōa Mihring Sapa kha jōng inlâr sik, alûrna aratha hratna leh inṭhōia sumtuk chunga kajōng sik.

MARK 14:62

Jesu’n amasôn, “Kae eng, khana Mihring Sapa kha Akahratpen changting in-onga khana marvân sumtuk leh inṭhōia ajōng ṭum kha nankhenga nanhmu sik.”

MARK 8:37

Anrathla chen malena sik a anmani’n antapektor heite om mak.

LUKE 19:26

Ama’n amasôn hei, ‘Ke’n kahri pek chei kae tu achang inum akanei mi kha a’npesa sik kae, tâk akaneimak mi kha ajingte anei kapha kha’m a’nlosōt pek sik kae.

LUKE 9:26

Mihe’n kei leh kaṭong manthei hei hi an-inzakpui achang inchu, Mihring Sapa khan alûrna leh apa lûrna khana angeva intheng hei lûrna leh inṭhōia ajōng pha a’nzakpui sik hei kae.

JOHN 1:14

Ṭong kha mihring jōng kachanga maritna leh dikna kasip phet a nikâra ka-om. Alûrna kha kanleihmu, Apa Sapa inkhat rōk achangna aleichen lûrna kha kae.

JOHN 1:51

Khana ama’n anhnenga ati, “Kadiktak a kahri pek chei kae, marvân inhlânga, Pathen ngevahei khan Mihring Sapa chunga ajōng kaṭum leh akake hei nantahmu sik kae.”

JOHN 12:34

Mipui he’n anmasôn, “Nidân inchu Messiah kha ahei tik a akahring sik a ahri pek me. Kha achang inchu heikhong mo Mihring Sapa kha makheihlona aka-om nger sik kae nati tor? Khava mihring Sapa kha tu mo?”

JOHN 5:27

Khana ama’n Sapa kha ṭong tanna ratha kha apek jo, ajârchu ama kha Mihring Sapa kae.

ṬŌNTLOHEI 10:22

Anmani’n anmasôn, “Captain Cornelius tahei tir ung kae. Ama hi Pathen inmuk leh mikaṭha khana Jehudi mipui in inshângtak a kajana antanei mi inkhat kae. Naṭong hri arangeina sik nang hi a-inna abekna sik che Pathen ngeva’n aleihri pek kae.”

ṬŌNTLOHEI 5:41

Sonlehei kha Sehmang-pachong inn andahlona, Pathen in Jesu sik jâra hinghiva hmumasitak a suk manrimna kachen sik rahōi kasōk inkhat a anihnōmpek jo ung antia, le’npâk hêr hei.

ROMANHEI 1:16

Kei Christa ṭong kaṭha sik a inzak mak eng; hivahi ahma inkeipena Jehudihei, khana Jât-hlop he’m akataksen rakip hukmanhringna sik Pathen rathahrat kha kae.

GALATIANHEI 6:14

Kei sik a chu, ni-Rōngpu Jesu Christa thingrake jâr rōk a inlensak sik eng; ajârchu ama thingrake jâra, vânhnōi hi kei sik a chu kathi jo, khana kei vânhnōi raleia kathi jo eng.

DÂNRABU INHNINA 33:2

Sinai Tlânga inphut Rōngpu kha kajōng; Edom chunga kani kapōa heikasōk khana Paran Tlânga inphut amihei chunga jōng kavâr. Ngeva 10,000 hei leh jōng inṭhōi hei, achangting hmeihrui amatu.

THESSALONIANHEI INKHATNA 2:19

Heirakip ni-Rōngpu Jesu Christa ajōng pha, kanre torna chunga kan-inhōrna, kan-inpâkna, khana kan inlensakna sik a ajâr kha nangni chei kae, nangni kae, aralak-hei kanek a akatlasam changmak chei!

THESSALONIANHEI INKHATNA 3:13

Hing’hin nangni ratha amanngarpek sik chei, khana ni-Rōngpu Jesu kha amihei seng leh inṭhōia ajōng pha, ni-Pa Pathen hmaikunga nangni a’ntheng leh pui katluk kachang sik jo chei.

TIMOTHY INHNINA 1:12

khava sik jâra ke’n khōdeng kathei kae. Tâk-kha tûn katlung kei inngamna kanei, ajârchu ke’n kataksen ama kha kamanhret, khana ama’n kei amannganna eng Kani kha ajōng tlung mak kârseng ama’n kei ahuk tor eng ti hi kamanhret manchên.

TIMOTHY INHNINA 1:16

Onesiphorus innshung mihei chunga Rōngpu’n lungsetna malâr rasoh, ajârchu ama’n pha katamtak a malung hōina apek enga kae. Kei khuma ka-om hi ama inzak mak,

TIMOTHY INHNINA 1:8

Ni-Rōngpu sâkhi sik a inzak mak roh; khana Christa sik a kurkhum a ka-om kei sik um inzak mak roh. Khava kanek a, ratha ngarna Pathen in apek che dungjuia, Ṭong kaṭha sik a inrengna nachen kha inlo jôk roh.

HEBREWHEI 11:16

Khava kanek a akaṭhachet ram, marvântinga ram kha antarangei jôk kae. Khava jâra Pathen in anmani Pathen a’nti sik kha inzak mak, ajârchu ama’n khōpui inkhat anmani sik amantluk pek jo hei.

HEBREWHEI 11:26

Egypt karōi rakip nei sik kanek a Messiah sik jâra sungde sik khan man anei jôk ti hi ahong mandonsōt, ajârchu ahmit khan hnunga tloman achen sik kha a-en ṭhak a kae.

HEBREWHEI 13:13

Khava jâra ama inzakna kachenpui sik a ahnenga kurvâng langting vase rih.

JAMES 4:4

Eh taksenthei kachangmak mihei! Vânhnōi ṭhōn changna hi Pathen kadōi kae ti manhret mak chei mo? Tu achang inum vânhnōi ṭhōn chang sik indu khan Pathen kadōia a’nsyem hei kae.

JOHN INKHATNA 2:23

Ajârchu Sapa kahnōm mak mi khan Pa kha’m ahnōm mak kae, Sapa inhlâng mi khan Pa kha’m arahlâng kae.

JOHN INKHATNA 2:28

Kadik, kasahei, ama leh inchun a omṭhak ruh, kha achang inchu, ama ahon’lâr ajōng ning Kani khan pui katluk inngamna kha ninei sik khana ahmai kunga inphut inzak a inthup sik kha rangei mak ning.

ṬONGPHÔNG 14:10

Pathen hnuk natna ju, hnuknat inhnaktak a asun mansip kōkleia ju kha, anbinga an-in sik! Khava katlo rakip kemōngte leh angeva intheng hei hmaikunga hmei leh kât kângna shunga khōdeng katheia ka-om sik hei.