MARK 8:34 - LEKHARABU INTHENG (BSI)

³⁴ Khava sōa Jesu’n mipuihei leh asonlehei kha ahnenga abek hei. Amanthei hei, “Tu achang inum mi inkhat in kakahnung juirong ati’nchu, ama binga a’ndon hêrmak sik kae, athingrake akadoma ajui sik eng kae.”

MARK 8:34 ပူးပေါင်းရင်းမြစ်များ

RENGHEI INKHATNA 14:8

Ke’n David sōn heia inphut rengram hi kalosōt a nahnenga kapek che. Tâk-kha kei manṭhatna rōk akatlo, kaṭong pek kajui, kasōk David kapōa changmak jo che.

MIJAHEI 14:24

Tâk-kha kasōkpa Caleb chu lungri hlop avona kei a-ôi eng, alei-en ram shunga khan kaṭhōi manhlut sik a kae, asōn apâr he’n ram kha anchen sik,

MATTHEW 10:38

Athingrake indoma kakahnung kajuimak hei kha kei sonle sik rahōi changmak hei.

MATTHEW 16:24

Khan chu Jesu’n asonlehei hneng ahri, “Tu inkhat in kakahnung ajuihnōm inchu ama abinga a’ndon mak sik, athingrake akadom sik khana ajui sik eng kae.

MATTHEW 27:32

Anmani khanga anhei sōksōt lai Cyrenea pase inkhat arahming Simon inti anhmua, sepei he’n Jesu thingrake kha rumhrat a anmandoma kae.

MARK 10:21

Jesu’n ama lungset pum a a-en kanga, ahnenga ati, “Nang napui tlukmakna inkhat rōk ka-om. Se roh, nanei rakip vajōr roh, khana sara khōdeng katheihei pek hei roh, khana nang in marvâna karōi nanei sik; khava sōa hong ina kakahnung ajui roh.”

MARK 7:14

Khava sōa Jesu’n mipuihei kha abek nôk heia anhnenga ahri, “Nankhenga kaṭong hri hi rangei ruh, khana manhret ruh.

LUKE 13:24

Jesu’n amasôn, “Kot inchip a hlutna sik tak tlo ruh; ajârchu mi katamtak in hlutna sik tak antlo sik tâk hlut tor mak hei ning.

LUKE 14:33

Jesu’n ṭong achaia, “Khava kapōa nannei rakip nandahlon mak inchu nangni tûte inkhatbek kasonle chang tor mak tin chei.

LUKE 18:22

Jesu’n kha athei pha, ahnenga, “Nang in natlo sik inkhat alavât; nanei rakip vajōr ina, nasêr kha sara khōdeng katheihei vasempek hei roh, khan chu marvâna karōi nanei sik, khana hong ina kakahnung ajui roh,” ati.

LUKE 20:45

Mipuihei seng in aṭong hri kha anrangeilai, Jesu’n asonlehei hneng aleihri,

LUKE 9:23

Khana ama’n ankhenga hnenga ahri, “Tu mo inkhat kei kajui hnōm in abinga a’ndon mak sik kae, ani tina athingrake akadom sik, khana ajui sik eng kae.

JOHN 10:27

Kakemōng he’n karasa anmanhret, ke’n anmani kamanhret hei, khana anmani’n anijui.

JOHN 19:17

Jesu’n athingrake akadoma, kasōk a “Lurōk hmun,” inti, (Hebrew ṭonga, “Golgotha,” inti.) katlung jo.

ṬŌNTLOHEI 14:22

Takkasenhei kha anmanhnet hei khana kadik a an-om ṭhakna sik a mathokna anleinei hei. “Pathen Rengram hlutna sik a khōdeng theina hingja nide nger sik kasōk,” tia anleimanthei hei.

ROMANHEI 6:6

Khana eini setna sōk nichang nôk makna sik, nibing set ratha hratna kha manhmangna sik, ni-omchen marō kha thingrake chunga Christa leh thatsap jo hei kae, ti hi eini’n nimanhret.

ROMANHEI 8:17

Eini Pathen sa nichang jo jâra, amihei sik a ada mahâmṭhatna khana Christa sik a ada mahâmṭhatna kha’m nichensap sik jo; ajârchu tûn eini’n Christa inrengna kha nidepui inchu, alûrna kha’m nichenpui sik kae.

CORINTHIANHEI INKHATNA 15:31

Sōpuihei, “Kei ani tina thina karatō.” Hivahi nihringkhōa ni-Rōngpu Jesu Christa leh ni’nchunna shunga nanchunga ka’nlensakna khan amanphôngsōt eng kae.

CORINTHIANHEI INKHATNA 8:13

Kha achang jâra, thlaisâk khan kasōpui setna akatla sik achang inchu, kasōpui setna kamathlâk makna sik thlai kha sanôk hêrmak jo ning.

CORINTHIANHEI INKHATNA 9:19

Kei tûte sōk changmak eng, kaning kahnōm eng kae; tâk mi katamtak kalo manhlut theina sik, kabinga mi rakip sōk a insyem eng.

GALATIANHEI 2:20

akahring hi kei emak jo eng, tâk kashunga akahring Christa kha kae. Tûna hringkhōa kahring hi, ani’nlungset a ahringkhō kei sik a anileikapek, Pathen sapa taksenna jâra akahring eng kae.

GALATIANHEI 5:24

Khana Christa Jesu ta kachang mihei seng khan chu antaksa tamadu leh rangei seng kha antathatsō jo kae.

GALATIANHEI 6:14

Kei sik a chu, ni-Rōngpu Jesu Christa thingrake jâr rōk a inlensak sik eng; ajârchu ama thingrake jâra, vânhnōi hi kei sik a chu kathi jo, khana kei vânhnōi raleia kathi jo eng.

PHILIPPIANHEI 3:10

Kei tamadupen khachu Christa manhret sik khana athōisōt nôkna ratha hratna manhret sik khana a’nrengna kha thōkpuia ama kapōa thi sik hi kae,

PHILIPPIANHEI 3:7

Tâk-kha khava kei hnemna hei tia katei thei rakip kha Christa sik a hnemna kase hei kae tia kalo jo.

COLOSSIANHEI 1:24

Tûn ke’n nangni sik jâra khōdeng kathei hi inpâk eng, ajârchu kataksa khōdeng theina vâng hin ataksa kachang bekrup kahlanga Christa khōdeng theina sik alaka-om kha pui mathlukna sik ka’nthōpui kae.

COLOSSIANHEI 3:5

Nanshunga ṭōnkatlo raleichung tamadu leh tarangei hei khachu nantathat nger sik hei kae, khahei khachu: jông leh kik katlo, omchen kase, hur leh êm, ṭhatmak maduna, khana phâmrai kase, (phâmrai kase hi limsyem kamukna inkhat kae) hihei seng hi kae.

THESSALONIANHEI INHNINA 3:11

Keini’n hiva ṭong kanhrina jâr khachu, nankâra mi ṭhahrep ṭōntlo loa mihei ṭōn tlona chu akahri inveilele ratha kase ka-om ti ṭong kantheia kae.

TITUS 2:12

Hiva maritna hin bekṭong kaneimak hringkhō leh vânhnōi maduna hei masōna sik khana binga insur torna, kadik a omna leh, bekṭong kaneia hringna sik amanse me,

HEBREWHEI 13:13

Khava jâra ama inzakna kachenpui sik a ahnenga kurvâng langting vase rih.

PETER INKHATNA 4:1

Christa’n taksa a aleide manrim achang jâra, nangni’m ama mandonna kapōa nanbinga a’nsuk inngar sik chei kae; ajârchu tu achang inum taksa akade inrim khan setna tlo nôk mak jo.

PETER INKHATNA 4:13

Khava kanek a inpâk jôk ruh, ajârchu alûrna kha ajōng inlâr pha nan-inpâkna kha pui atluk theina sik Christa demanrimna kha nangni’n nantachenpui kae.

PETER INHNINA 1:14

Ni-Rōngpu Jesu Christa’n inchêntak a amanthei jo eng dungjuia, hiva a’nhmang sik kataksa hi kadahlonloi sik jo ti hi kamanhret.

JOHN INKHATNA 3:16

Lungset hi heimo kae ti nimanhretna khachu: Christa khan ahringkhō eini sik apek sōt hi kae. Khava jâra eini’m nisōpuihei sik a nihringkhō nipek sōt sik kasōk!

ṬONGPHÔNG 2:10

Khōdeng nathei sik kha heite ṭitmak roh. Rangei roh! Seitan in nang enmansinna sik nankâra mi ṭhahrep hlungkura akhum sik chei, ni 10 katlunga nanmalung inrim sik. Thina katlunga taksenthei chang roh, ke’n hringna kha torna inpâkmana kapek sik che.