MARK 8:33 - LEKHARABU INTHENG (BSI)

³³ Tâk Jesu’n akimvea inhea asonlehei kha a-en heia Peter kha aleirasei, “Kahnenga inphut sesōt roh, Seitan! Namandonna kha Pathena inphut changmak, tâk mihring chôndâna kae.”

MARK 8:33 ပူးပေါင်းရင်းမြစ်များ

MATTHEW 4:10

Khava sōa Jesu’n amasôn, “Seitan, Sesōt roh! Ṭong intheng in hinga ati, ‘Nang in Rōngpu na-Pathen rōk kha nakamuk a narazen sik kae!’”

JOHN INKHATNA 2:15

Raleichung leh raleichung ta kachang neinâk rakip madu mak ruh. Nangni’n raleichung hi nanmadu’nchu, Pa kha lungset mak chei.

PHILIPPIANHEI 3:19

Anmani hmeikhura a’nchai sik hei kae, ajârchu anmani Pathen chu antaksa tamadu kha kae. An-inzakna sik chunga khan inlensakna jôk annei, khana raleia neinâk-hei chunga rōk anmandon.

ṬONGPHÔNG 3:19

Ke’n kamalungset seng kamanse heia, karâkna kapek hei. Khava jâra malung kahluttak a nasetna inphut namalung thleng roh.

HLAHEI 141:5

Mikaṭha he’n lungset jâra anikarâk thei khana anirasei thei eng, tâk mikaṭhamak-hei kajana pek eng khachu hnōm hêrmak ning, ajârchu anṭhatmak tlona kadōia kader ṭhak a kae.

PETER INKHATNA 4:1

Christa’n taksa a aleide manrim achang jâra, nangni’m ama mandonna kapōa nanbinga a’nsuk inngar sik chei kae; ajârchu tu achang inum taksa akade inrim khan setna tlo nôk mak jo.

TIMOTHY INKHATNA 5:20

Milak he’n anṭit theina sik a setna katlo mihei seng kha, mipui kâra rasei hei roh.

CORINTHIANHEI INKHATNA 5:5

khava mipa rathla kha Rōngpu Kani ning hukmanhring achang theina sik, ataksa khachu a’nhmang sik a Seitan hneng pek sōt ruh.

LUKE 22:61

Rōngpu kha inheia Peter ahei ena khana Peter in Rōngpu ṭonghri, “Tuning âr akhōng mak hma, vōi 3 manhret mak eng nati sik eng,” ati kha amandonsōt joa kae.

MARK 3:34

Ama’n akimvea a’n-ong hei kha a-en manve bit heia, “Enruh! Kanu leh kanaipahei kha hin ka-om hei!

MARK 3:5

Jesu’n a-en manve bit heia ahnuk leikana, tâk anmani sik a lungkhamna aleinei, ajârchu anmani anmalung kasak khana dikmak hei. Khava sōa mipa hnenga, “Nakut manzit roh,” ati. Ama’n amanzit a akut kha kadam jo.

MATTHEW 15:23

Tâk Jesu’n amanu kha heite masôn mak. Asonlehei kahong heia ngekna annei, “Amanu hi tirsōt jo roh! Nikahnung ajui mea rahnak a kapeng jo.” anhongti.

SAMUEL INHNINA 19:22

Tâk David in Abishai leh anaipa Joab hneng ati, “Nanmandonna kha tu’n mo ader chei? Inrimna mo nantapek sik eng? Tûnchu kei Israelhei reng inkhat jo eng kae, khana tuning Israel mi inthat theimak ning.”

LEVI-DÂN 19:17

“Tu inkhat chunga ersak mak ruh, ama jâra set nantlo makna sik nanintōk makna hei kha hri mandâi jôk ruh.

LUKE 9:55

Jesu inheia arasei hei khana ati, “Nangni heikhong Rathla tâ chei mo inhret mak chei; ajârchu Mihring Sapa kha hringkhō inhmang sik akajōng changmak, tâk ankahuk sik a kae.”

LUKE 4:8

Jesu’n amasôn, “Rōngpu na-Pathen rōk kha nang in kamuk roh khana ama rōk kha razen roh, tia ṭong intheng in ahri.”

JOB LEKHARABU 2:10

Job in amasôn, “Nang in akae makjen nahri! Pathen in akaṭha hei kha apek me pha, inpâk a nirahlâng. Ama’n inrengna ahei tir pha, heisik a mo a’nphin sik me?” Job in inrengna heijalai aleide inum Pathen dōina ṭong heite leihri mak.

MATTHEW 16:23

Jesu hong inhea Peter hneng ati, “Seitan, keia inphut sesōt roh! Nang ka’npaina kachang che, ajârchu namandonna kha Pathena inphut changmak, mihringa inphut kae.”