MARK 8:2 - LEKHARABU INTHENG (BSI)

² “Hiva mihei sik a kamalung kachâm, ajârchu anmani kei leh ni 3 hong ka-omsap jo ung, khana tûnhin sâk sik heite neimak jo hei.

MARK 8:2 ပူးပေါင်းရင်းမြစ်များ

RENGHEI INKHATNA 19:6

Akimvea a-en manvea, aluthlōn ting buhlom inkhat leh tuibete inkhat leika-om. Asâk a a-ina kaje nôk jo.

HLAHEI 103:13

Apa’n asa alungset kapōhrep a, ama kaṭit hei kha Rōngpu’n alungset hei.

HLAHEI 145:15

Akahring rakip in inhōrpuitak a an-en che, khana sâk sik annei mak pha leh napek hei.

HLAHEI 145:8

Rōngpu hi lungset leh marit kae, Ahnuk nabeimak khana alungset injôn kha kasiptak a kae.

MICAH 7:19

Keini chunga vōi khat nalungset nôk sik ung kae. Kansetna hei kha nake vâng nachōn rachia tui-ôngpui thōia nahlon sōt sik hei!

MATTHEW 14:14

Jesu khan rakōnga inphut heikasōksōt a, mipui katamtak hei kha ahmu hei pha, anchunga alungsetna hongkasip jo, khana akanahei aleimandam jo hei.

MATTHEW 20:34

Jesu’n alungset heia anhmit kha asitpek jo hei; khava phatak a anhmit kavâr jo, khana ama anjui joa kae.

MATTHEW 9:36

Mipuihei kha a-en hei pha, alungset hêr jo hei, ajârchu ankakhem kase kemōng rup kapōa, lungdong leh inthōpui kasea ka-om heia kae.

MARK 1:41

Jesu’n alungsetna kasip a, akut azera asit, “Ke’num kamadu, intheng roh,” tia amasôn.

MARK 5:19

Tâk Jesu’n leihnōm pek mak. Khava kanek a, ahnenga aleihri pek, “Na-inna, na-innshunghei hneng inle roh, khana Rōngpu’n heituk-hrep mo nachunga atlopek che khana heituk-hrep lungset arôn che mo vamanthei hei roh.”

MARK 6:32

Khava jâra anmani hmun daina kajonga anbing rōk a rakōng inkhat anchōnga kasōk inphut jo hei.

MARK 6:34

Jesu’n rakōnga inphut akesōt pha, mipuihei kha ahmu heia, anmani sik a amalung kha lungsetna’n kasip jo, ajârchu ankakhem kase kemōng ka-ang jo hei. Khava jâra ṭong katamtak amanthei manphut jo hei.

MARK 8:3

Ke’n anmani bu mansâk loa an-ina katir he’nchu ansena hlamhri invōi sik jo hei, ajârchu anmani ṭhahrep ram kahlatak a inphut akahong hei kae.”

MARK 9:22

“Pha katamtak rathla kaṭhamak khan hmeishunga leh tui shunga ahlon manhlut a thatna sik a atlo jo kae. Nang in nator inchu alungset inna a’nthōpui roh!’ ati.

LUKE 15:20

Khava jâra apa hnenga a’nle sik a kathōi jo. “Ama inna inphut kahlajap a ahonglai apa’n aleihmu jo; alungset hêr joa ajōna asapa kha avamajôp a kae.

LUKE 7:13

Rōngpu’n amanu kha ahmu pha amalung shunga lungsetna kasip a, amanu hneng, “Ṭap mak roh,” ati.

HEBREWHEI 2:17

Hiva tina chu mihei setna kha rangei mandamna sik, apathen ṭōn tlona chunga khan anmani sik taksenthei leh maritna kasip Thempu Kalen achang theina sik, ahlam rakip a asōpuihei kapōa ama’m akachang sik leikasōk jo.

HEBREWHEI 4:15

Ni-Thempu Kalen hi eini tlâksamna chunga lungset inhret mak changmak. Tâk-kha, eini kapōa ahlam rakip a mathlemna aratō jo, tâk setna heite katlomak Thempu Kalen kha eini’n ninei.

HEBREWHEI 5:2

Ama ahlam katamtak a tlâksamna anei jâra heite inhret mak hei tloṭhena kha malung kadaia athōk tor a kae.