MARK 8:15 - LEKHARABU INTHENG (BSI)

¹⁵ Jesu’n amanse hei, “Phariseehei leh Herod chea inphut insing thei una inrin ruh.”

MARK 8:15 ပူးပေါင်းရင်းမြစ်များ

THUHMINGHEI INKHATNA 28:20

Reng David in asapa Solomon hneng ati, “Nabinga intaksenna nei roh khana intluk roh. Ṭōn phut jo roh khana hei-inkhat in naṭōn kha akhârna sik tlomak roh. Ke’n karazen Rōngpu’n a-ompui sik che. Ama’n adahlon mak ning, ama Bek-inna ṭōn tlo sik kha nachai mak kârseng a-ompui sik che.

ṬONGCHÎK-HEI 19:27

Kasapa, inthemchûk kha nabâng pha leh hma nalei manhret seng kha’m inranga donmak jo che ning.

LEVI-DÂN 2:11

Rōngpu hnenga hmuchi tōk sik inkhatbek a’m chephia syem yamak ning; Rōngpu hneng thlai tōkna khan che leh khōihning nahapsa mak sik kae.

MATTHEW 14:1

Khava lai Galilee vaikarônpa Herod khan, Jesu chungchâng ṭong inhri kha aleithei jo.

MATTHEW 14:3

Ajârchu Herod in John kha hiva mak hma khan aleisura thirhrui vâng akhit a aleikhum kae. Hivahi asōpuipa Philip lômnu, Herodias jâra kae.

MATTHEW 14:6

Herod inte ninga rehōia Herodias sanu kha mipui hma hong kalâm. Herod kha katlai hranghra,

MATTHEW 16:6

Jesu’n anhnenga, “Insing thei ruh; Phariseehei leh Sadduceehei chêa inphut inhrung thei ruh,” ati hei.

MARK 12:13

Ṭongderna vânga ama surtheina sik, Pharisee ṭhahrep leh Herod mi ṭhahrep Jesu hnenga anleitir hei.

MARK 8:14

Sonle he’n ankhopna sik buhlom heirôn sik kha anleimahngi jo, rakōng chunga khan buhlom inkhat rōk annei jo.

MARK 8:16

Anmani inbe heia, “Eini’n buhlom nineimak jo jâra ama’n hi ahri kae,” anti.

LUKE 12:15

Khana ama’n anmani hei seng hneng ahri manjôna, “Phâmrai setna rakip a inphut insing thei una inhrung kaṭha ruh; ajârchu heituk anei inum khahei khan mi inkhat hringkhō kadiktak kha antasyemsōt tor changmak,” ati.

TIMOTHY INKHATNA 5:21

Heirakip natlona chunga tûte inkhat hneng ôtum neiloa hiva ṭong insena hi najuina sik marvân ngeva intheng hei leh Jesu Christa khana Pathen hmaikunga ke’n ka-ôrtak a nang kahei nganse jo che kae.

TIMOTHY INKHATNA 6:13

Heirakip hnenga hringkhō kapek Pathen hmaikunga, Pontius Pilate hmaikunga ataksenna kahnettak a kahrisōt Jesu Christa hmaikunga, ke’n nang ṭong hi kapek che kae;

TIMOTHY INHNINA 2:14

Hivahi namihei hneng mandonsōtna pek hei roh, khana ṭong chungchânga inkhe-beitamna annei makna sik Pathen hmaikunga hi manse hei roh. Inkhe beitam hi aṭhatna om mak, a’nngei hei inhmangna hrep kha kae.