MARK 7:2 - LEKHARABU INTHENG (BSI)

² Asonle ṭhahrep in bekdân dungjuia a’nthengmak kut vâng bu antasâk kha anhmu hei, khachu, mihei sedân sik a Phariseehei mantheina ngai kha juiloa anmani’n ankut leisôp mak heia kae. (

MARK 7:2 ပူးပေါင်းရင်းမြစ်များ

MATTHEW 15:2

“Nasonle he’n nipa-nipuhei mansena chônngai kha heisa mo antajui mak? Ajârchu anmani ansâk hma ankut sôpmak hei!” anti.

MARK 7:5

Khava jâra Phariseehei leh Dân ojahei khan Jesu hneng anleider, “Heisa mo nasonle he’n pi leh puhei mantheina nihei tlo ṭhak hi antajui mak, bekdân dungjuia kut innim pum a bu antasâk?”

LUKE 11:38

Jesu’n busâk hma akut asôpmak kha Pharisee khan amanhretsōt pha adet-hla joa kae.

ṬŌNTLOHEI 10:28

Ama’n anhnenga ati, “Jehudi inkhat in Jât-hlop hei avaphak sik hei a-emak leh a’nthloppui sik hei hi apathen ôi dân in phemak ti hi nanmanhret pet. Tâk-kha tu inkhat hi beklanga a’nthengmak a-emak leh akabōk kae tia kamandon makna sik a Pathen in animanhmu jo eng.

ṬŌNTLOHEI 11:8

Tâk-kha ke’n, ‘Changthei mak ning, Rōngpu! Bek ngaia a’nthengmak leh akabōk him-him hei hi kabeia thlai lahlut phungmak,’ kalei ti.

ROMANHEI 14:14

Thlaisâk hi kamukna langa abinga intheng makna om mak ti hi Rōngpu Jesu leh kan-inchunna shunga inchêntak a manhretna animannei eng; tâk mi inkhat in heikhat kha intheng mak tia ataksen inchu, khavakha ama sik a a’nthengmak hong kachanga kae.

HEBREWHEI 10:29

Kha achang inchu, Pathen Sapa kahnōise hei sik hei mo kachang sik? Khava anset manthengna kapek Pathen intepna thisen kha mankabeitek a akalo hei sik? maritna Rathla manzakna kapek hei sik? Khahei kha heituk-hrep akakhe karâkna mo anrahōi akachang sik mandon ruh!

ṬONGPHÔNG 21:27

Tâk-kha khōpui shunga khan a’nnim heite hlutthei mak ning, khan chu malei kasei leh inzakna ṭōnkatlo hlutthei mak ning. Kemōngte hringna lekharabu shunga arahming a’nzet hei rōk kha khōpui shunga akahlut sik hei kae.