MARK 6:15 - LEKHARABU INTHENG (BSI)

¹⁵ Achang ravâng alak he’n, “Ama Elijah kae,” anti. Alak nôk he’n, “Ama hi hmalaia sânkathem kapōa, sânkathem inkhat kae,” anti.

MARK 6:15 ပူးပေါင်းရင်းမြစ်များ

MALACHI 4:5

“Tâk-kha khava akalen leh ṭit ka-om tak Rōngpu kani kha ahong mak hma nanhnenga sânkathem Elijah kahei tir sik.

MATTHEW 16:14

Anmani’n, “Ṭhahrep in Tui Inhlutpa John anti che,” tia anmasôn. “Alak in Elijah khana alak he’n Jeremiah a-emak leh sânkathem alak anti che.”

MATTHEW 21:11

Mipuihei khan, “Ama hi Galilee ram a Nazareth khōa inphut sânkathem Jesu kha kae,” anti.

MARK 6:16

Herod in hi athei pha, ama’n ati, “Ama hi Tui Inhlutpa John kae! Ke’n alu kaleitan jo, tâk hongkahring nôk jo.”

MARK 8:28

Anmani’n anmasôn, “Mi ṭhahrep in Tui Inhlutpa John che anti; alak harkhat in Elijah che anti; alak harkhat in Sânkathemhei kâra inkhat che kae anti.”

LUKE 1:17

Sânkathem Elijah kapōa ratha kaneitak leh kangar tak a Rōngpu hma akase sik kae. Ama’n pahei leh sahei aṭhōi manchun nôk sik hei; ṭong inngeimak mihei khan, dikna hlam anmandonna sik aṭhōi male sik hei; khana Rōngpu mihei kha Rōngpu sik a ama’n amantluk sik hei kae.”

LUKE 7:16

Mi rakip ankhenga ṭitna kasip sō jo hei, khana anmani’n Pathen anmanpâk a, “Sânkathem kalentak inkhat nihnenga jōng inlâr jo, amihei kahuk sik a Pathen akajōng jo kae,” anti.

LUKE 7:39

Jesu kabek Pharisee khan ahmu pha, abinga amalunga ati, “Hiva mipa hi sânkathem takkhet achang inchu ataksa kasit omchen kadikmak nu hi, tu achang aleimanhret sik kae.”

LUKE 9:19

Anmani’n anmasôn, “Ṭhahrep in Tui Inhlutpa John kae anti che. Ahlop he’n Elijah kae anti che, alak in hmalaia sânkathemhei kâra inkhat ahong kahring nôk kae anti che,”

LUKE 9:8

Khana alak he’n, “Elijah ajōng inle nôk kae,” anti; alak her khat nôk in, “Hmalaia sânkathem akathihei inkhat ajōng inle nôk kae,” anti.

JOHN 1:21

“Khan chu nang tu che mo? Elijah che mo?” tia ander. John in amasôn hei, “Kei changmak eng.” Anmani’n ander nôk, “Sânkathem kha che mo?” Ama’n, “Changmak eng,” tia amasôn hei.

JOHN 1:25

kha achang inchu John hneng, “Nang kadeisōt Messiah kha’m nachangmak a, Elijah kha’m nachangmak a, Sânkathem kha’m nachangmak inchu, heisa mo tui manhlutna ṭōn natlo?” tia ander.

JOHN 6:14

Mihei khan aṭōn inlak tlo kha anhmua anhri, “Kadiktak a ama hi raleichunga akajōng sik Sânkathem kha kae!”

JOHN 7:40

Mipui kâra mi ṭhahrep in hiva ṭonghei hi anthei pha, “Hiva mipa hi inchêntak a Sânkathem kae!” anti.

JOHN 9:17

Khava jâra Phariseehei khan ama hneng avea ander nôk, “Nang in nahmit amanvâr pek jo eng nati, kaṭha jo, ama chungchâng heimo nati?” Ama’n amasôn hei, “Ama Sânkathem inkhat kae.”