MARK 16:15 - LEKHARABU INTHENG (BSI)

¹⁵ Jesu’n anhnenga ahri, “Vânhnōi raleia se ruh khana mihring rakip hneng ṭong kaṭha hi vahri ruh.

MARK 16:15 ပူးပေါင်းရင်းမြစ်များ

HLAHEI 22:27

Jât rakip in Rōngpu kha anmandonsōt sik. Raleichung hmun rakip a inphut ahnengting hong inhe sik hei; jât leh phung rakip in ama ankamuk sik.

HLAHEI 96:3

Alûrna kha phung leh jât-hei kâra hrimanthang ruh, aratha neina ṭōnhei kha mi rakip hneng phôngsōt ruh.

HLAHEI 98:3

Israel mihei chunga alumlona leh alungset inthlengmak vâng khan ale’ntepna kha atlosōt pek hei. Hmun rakip a mihe’n ni-Pathen torna kha anhmu jo.

ISAIAH 45:22

“Tûn kahnenga he’nle una inhuksōt ruh, raleichung pumpuia mi rakip hei! Hinahin Pathen inkhat rōk kha kei eng kae.

ISAIAH 49:6

Rōngpu’n kahnenga ahri, “Kasōk, nang sik a ke’n ṭōn kalen chet inkhat kanei. Alakahringa ka-om Israel mipuihei ansei lenna sik naheiṭhōi male sik rōk hei kha changmak tâk raleichung pumpui huksōt theina sik a ke’n jât-hei sik a vâr inkhat a nang kasyemsa sik che kae.”

ISAIAH 52:10

Rōngpu’n arathahrat intheng kha ahmang sik; amihei ahuksōt sik hei, khana vânhnōi pumpui in antahmu sik kae.

MATTHEW 28:19

Nangni mi rakip hnenga, hmun rakip a se ruh, kasonle vasyem hei ruh: Apa, Asa, Rathla Intheng rahminga tui manhlut hei ruh,

MARK 13:10

Tâk a’nchaina kha ajōng tlung mak hma ṭong kaṭha hi mi rakip hneng a’nhri nger sik kae.

JOHN 15:16

Nangni’n kei nantakadei eng changmak; nangni nanvase leh kara katamtak kasôttak a a’nra sik a, ke’n nangnijôk kakadei cheia kamanṭang chei kae. Khava jâra hei-achang inum kapa hneng karahminga nantader kha Pa khan apek sik chei.

JOHN 20:21

Khava sōa Jesu’n anhnenga ahri nôk a, “Mōngna’n ompui chei rasoh, Pa’n kei atir eng kapōa, ke’n nangni katir chei kae,” ati hei.

ṬŌNTLOHEI 1:2

Ama ṭhōitoua a-om mak hma asonle kachang sik a akadei mihei kha Rathla Intheng rathahrat vâng mansena aleinei heia kae.

ṬŌNTLOHEI 1:8

Tâk-kha Rathla Intheng kha nanchunga ajōng pha leh, ratha hratna kasip a nannei sik, khana nangni Jerusalem, Judea leh Samaria ram pumpuia khan chu raleichung achaina katlunga kasâkhi akachang sik chei kae,” ati.

ROMANHEI 10:18

Tâk-kha ke’n kader: ṭong hi antathei mak mo kae? Anmani’n antheikhet jo ajârchu Ṭong intheng in ahri: “Anṭonghri karesō raleichung pumpuia kase sō jo; anṭong rahme raleichung inchaina katlung sō jo.”

ROMANHEI 16:26

Hei-achang inum khava akadik kha sânkathemhei lekha mazet a inphut inlârsō jo; mi rakip in antaksena aṭong anjuina sik, akahring ṭhak Pathen ṭongpek dungjuia jât rakip manthei jo hei kae.

EPHESIANHEI 2:17

Khava jâra nangni, Pathena inphut kahlatak a ka-om nangni, Jât-hlop chei leh ahnenga inhnaia aka-om, Jehudihei hneng, Christa kha kajōnga inchamna ṭong kaṭha kha ankhenga hneng ajōng hria kae.

COLOSSIANHEI 1:23

Adek a, nangni’n akahnet leh akadik ngir hmun chunga taksenna kha nantaneiṭhak sik kae, khana nantathei ṭong kaṭha a inphut nan-inhōrna chunga khan a’nhlingjen mak sik chei kae. Hiva ṭong kaṭha sik jâra hin Paul kei sōk inkhat akachang eng kae, hiva ṭong kaṭha vânhnōi ralei mi rakip hneng akahrile sik a.

COLOSSIANHEI 1:6

Nangni kâra hma inkeipen kania Pathen maritna nantaleithei a’nchênkhet nantamanhret kapōa, ṭong kaṭha hin vânhnōi pumpuia mahâmṭhatna ajōng rôn ṭhak a inthangsō joa kae.

JOHN INKHATNA 4:14

Khana Pa khan asapa kha vânhnōi kahuk inhring sik a ajōngtir kha eini’n nihmu jo khana milak-hei nihri pek heia kae.

ṬONGPHÔNG 14:6

Khava sōa ngeva hlop inkhat bōirōk inshânga ajōng kha ke’n kahmu, ama khan kumsôt hringna ṭong raleichung mihring jât rakip, phung rakip leh ṭong rakip hneng ahrilea kae.