MARK 14:49 - LEKHARABU INTHENG (BSI)

⁴⁹ Ani tina nangni leh ka-omsap mea Bek-inna kamanthei chei, kei aleisur mak chei. Tâk Ṭong intheng kha akatlung nger sik kae.”

MARK 14:49 ပူးပေါင်းရင်းမြစ်များ

MATTHEW 1:22

Rōngpu’n sânkathemhei aleimanhri hei kha hui atlungna sik hihei rakip hi tûn ahong kasōk jo kae,

MATTHEW 26:54

Tâk khanga achang inchu hinga kasōk sik tia Ṭong intheng taleihri kha heikhong mo hui akatlung sik?”

MATTHEW 26:55

Khava pha Jesu’n mipuihei hneng, “Dân kajuimak inkhat kasur sik kapōa chemjâm leh sung inthōa kei kasur akahong chei mo? Ani tina bek-inna in-ong enga kalei manthei chei; aleisur mak chei.

MATTHEW 26:56

Tâk hihei seng hi sânkathem he’n ṭong inthenga antamazet kha huitlungna sik a akasōk jo kae,” ati. Khava sōa sonlehei seng in ama andahlona katlân jo hei.

MARK 10:1

Khava sōa Jesu’n khava hmun kha adahlon jo, Judea ramting kase jo, khana Jordan tuidung arakan jo. Mipuihei ahnenga hong intûp nôk jo hei, ama’n angaia atlori kapōa anmani aleimanthei hei.

MARK 11:27

Anmani Jerusalema ave nôk a hong katlung hei. Khana Jesu Bek-inn shunga alônlelai, thempu kalenhei, Dân ojahei khana upahei ahnenga kahong hei,

MARK 12:35

Jesu’n Bek-inn shunga amanthei lai hei, ṭong ader hei, “Dân oja he’n, huksōtpa Messiah kha David sōn akae sik tia heikhong mo antati tor?

MARK 14:48

Khana Jesu kaṭongsōt a anhnenga ati, “Nangni dân kajuimak kasur sik kapōa chemjâm leh sung inthōa kei kasur akahong chei mo?

MARK 14:50

Khava sōa sonlehei seng in andahlona katlânsōt jo hei.

LUKE 19:47

Jesu’n ani tina Bek-inna aleimanthei hei. Thempu kalenhei leh Dân ojahei, khana hlamkakei he’n ama anleithat hnōm jo,

LUKE 22:37

Ajârchu kamanthei chei kae, ṭong intheng tahri, ‘Ama mikasehei mahâmsetna achenpui hei,’ ti kha, kei chunga hui akatlung nger sik kae, ajârchu kei chunga ale’nzet kha hui ajōng katlung jo kae.

JOHN 10:23

Bek-inna Solomon sumpuk a Jesu kalônna leika-om,

JOHN 18:20

Jesu’n amasôn, “Ke’n ahei tik a mi rakip hneng inphôngtak a ṭong kahri; mi rakip intûpna Bek-inna leh intûpna innheia kamanthei hei. Ke’n heite marûk a hrihêr mak eng.

JOHN 7:37

Revei inchai ning alûrpen ning kani khan Jesu kangirsōt a rasa inhnaktak a ahri, “Tui kahre tu achang inum kahnenga akahong sik kae,

JOHN 8:12

Jesu’n Phariseehei hneng ṭong ahri nôk: “Kei vânhnōi vâr eng kae. Tu achang inum kei kahnung kajui khan hringna vâr kha anei sik, khana khō inthim thōia lônmak ning.”

JOHN 8:2

Abân kani hmatak a Jesu Bek-inna inle nôk a kae. Mipui ankhenga ahnenga hong intûp jo hei, khana ama in-onga anmani manthei aphut jo hei.