MARK 11:13 - LEKHARABU INTHENG (BSI)

¹³ Kahlatak a inphut theichangkung a’nbō hlep-hlup inkhat aleihmu, akara heikhat ka-om sik mo tia aka-en vakase. Tâk ahmun atlung pha, abō rōk avahmu jo, ajârchu theichanghei inra pha leichang mak a kae.

MARK 11:13 ပူးပေါင်းရင်းမြစ်များ

ISAIAH 5:2

Ama’n ralei kha akaker a, hlung alosōt hei; ama’n vomhrui kaṭhapen kha aling. Ama’n ahrungna sik berte ado, rachina sik khur kōk inkhat acho. Ama’n vomhrui thei kha ahmin sik ahngâk tâk-kha athei rakip kha kathûr jo.

ISAIAH 5:7

Israel hi Chunghnung Rōngpu vomhrui rahōn kha kae; Judah phunghei kha vomhrui aling hei kha kae. Ṭōn kaṭha antatlo sik a anchunga a’nhōr kae, tâk-kha khava nek a mi anthat a kae. Ṭōn kadik antatlo sik a anchunga a’nhōr kae, tâk-kha antamanrim hei kha’n, ṭong kadik tanna sik a ka-ông jo hei.

MATTHEW 21:19

Khana hlampanga khan ama’n theichangkung inkhat ahmua akunga khan vakase, tâk achunga abō teilo heite leihmu mak. Khava jâra theichangkung hneng, “Avea nang kara nei hêrmak jo tin che!” ati. Khava laitak khan theichangkung kha kachâr jo.

MARK 11:12

Ajîng kania, anmani Bethany a inphut anhong inle pha, Jesu avon leikaṭâm jo.

MARK 11:14

Jesu’n theichangkung hneng khan ati, “Nakara tûte’n sâk nôk hêrmak jo hei rasoh!” Asonle he’n aṭong hri kha antheia kae.

LUKE 10:31

Khanga leikasōk jo, thempu inkhat khava hlam a khan kajōng; ama’n mipa kha ahmu pha hlampeting kase jo.

RUTH 2:3

Khana Ruth kha hleipuk a vakasea sakakhôm hei kahnunga antamathlâk sapâr hei ahrut heia kae. Amanu kha Boaz intipa hleipuk a avakase kachang jo.

SAMUEL INKHATNA 6:9

Asena kha enruh; Beth Shemes khōpuiting ase’nchu hiva nichunga ṭit ka-om inrengna hi Israelhei Pathen tahei tir kae. Kha achangmak inchu, nat kha ama tahei tir changmak ti hi ni’nhret sik; vângset a akana me kae.”