MARK 10:14 - LEKHARABU INTHENG (BSI)

¹⁴ Jesu’n kha amanhret pha, ahnuk kana a, asonlehei hneng ati, “Naipanghei kha kahnenga heimanhong hei ruh, khâm mak hei ruh, ajârchu Pathen Rengram kha anmani kapō hei ta kae.

MARK 10:14 ပူးပေါင်းရင်းမြစ်များ

A’NPHUTNA 17:7

“Ke’n nahnenga ka’ntepna hi nang leh natu-nasahei hnunga khang katlunga ahei tik chen a intepna inkhat a kajui sik. Kei hi nang leh natu-nasahei Pathen kachang sik eng.

HLAHEI 78:4

Khahei kha kansahei hnenga hripek loa damak ning; Rōngpu ratha hratna leh aṭōntlo kalenhei, khana ṭōn-inlak aleitlo hei chunga, abâna khangtherhei hneng kanhri pek sik hei.

ISAIAH 65:23

Anṭōn tlona hme ansō sik, khana ansa he’n insuksetna chenmak hei ning. Ke’n anmani leh ansōn anpârhei kha pha rakip a mahâmṭhat kapek sik jo hei.

MIJAHEI 14:31

Nangni’n nansahei mi tasur sik hrep a nanhri, tâk anmani chu nanta madu mak ram shunga kaṭhōi manhlut sik hei, khavakha an-inn kachang sik.

MATTHEW 18:10

“Hiva naipang kasinhei inkhat hmumasi makna sik insing thei ruh. Kahri pek chei kae anngeva he’n marvâna Kapa hmaikunga ka-om ṭhak hei.

MATTHEW 18:4

Marvân Rengram a akalenpen kha abinga a’nsinsak, hiva naipang kapōa aka-omchen mi kha kae.

MATTHEW 19:14

Jesu’n anhnenga, “Naipanghei kha kahnenga heimanhong hei ruh, khâm mak hei ruh, ajârchu marvân Rengram kha anmani kapō hei ta kae,” ati.

MATTHEW 5:10

“Pathen tarangei kha antlo jâra suk manrimna ka-om hei kha anmahâm kaṭha; marvân Rengram kha antâ kae!

MATTHEW 5:3

“Rathla a antlâksamna inhret hei anmahâm kaṭha; marvân rengram kha antâ kae!

MARK 3:5

Jesu’n a-en manve bit heia ahnuk leikana, tâk anmani sik a lungkhamna aleinei, ajârchu anmani anmalung kasak khana dikmak hei. Khava sōa mipa hnenga, “Nakut manzit roh,” ati. Ama’n amanzit a akut kha kadam jo.

MARK 8:33

Tâk Jesu’n akimvea inhea asonlehei kha a-en heia Peter kha aleirasei, “Kahnenga inphut sesōt roh, Seitan! Namandonna kha Pathena inphut changmak, tâk mihring chôndâna kae.”

JOHN 3:3

Jesu’n amasôn, “Kadiktak a kahri pek che kae; tu achang inum avea a’nte thermak inchu Pathen Rengram kha hmutor mak ning.”

JOHN 3:5

Jesu’n amasôn, “Kadiktak a kahri pek che kae, tui leh Rathla a a’ntemak tûte inkhatbek Pathen Rengram hlut tor mak ning.

ṬŌNTLOHEI 2:39

Ajârchu hivahi Rōngpu ni-Pathen in ama sik a abeksōt nangni leh nansahei khana hmun kahlatak a alaka-om hei hnenga Pathen ṭong intepna kha kae.”

ṬŌNTLOHEI 3:25

Sânkathem heia inphut Pathen ṭong le’ntepna kha nangni sik a kae, khana nankachoi nanpi leh nanpu sōnhei leh Pathen kâra inhnōmtōna shunga khan chen nantanei jo kae. Abraham hnenga aleihri kapōa, ‘Nasōn-napâr heia inphut raleichung mi rakip mahâmṭhat kabuk sik.’

ROMANHEI 11:16

Hmakakei buhlom har kha Pathen hneng a’npe achang inchu, ahlom pumpui kha’m ama ta kae; khana thing rajunghei kha Pathen hneng tōksōt achang inchu, abâk-hei kha’m ama ta jo hei kae.

ROMANHEI 11:28

Anmani’n ṭong kaṭha kha anlei-hnōm mak jâra, Jehudihei kha nangni Jât-hlop hei jâra, Pathen inrepui kachang jo hei. Achang ravâng anmani Pathen takadeisōt hei anchang dungjuia, anpu sōnhei jâra aṭhōnhei kha kae.

CORINTHIANHEI INKHATNA 14:20

Sōpuihei, mandonna ting naipang angmak ruh; akaṭhamak chunga chu naipang ang ruh, tâk nanmalung mandonna khan chu pui katluk chang ruh.

CORINTHIANHEI INKHATNA 7:14

Ajârchu akataksenmak puise kha anuhmei leh an-omsap jâra Pathen hnōm pekna achen, khana akataksenmak nuhmei kha apuise leh an-omsap jâra Pathen hnōm pekna achen a kae. Kha alei changmak inchu ansahei kha Pathen ka-ôimak hei sa ka-ang sik hei; tâk hinga akachang ansahei khachu Pathen talothei kachang hei.

EPHESIANHEI 4:26

Nanhnuk anat inchu, nanhnuknat khan setna ting ṭhōi mak chei rasoh, khana hnuknat pum a kani mathlak mak ruh.

DÂNRABU INHNINA 4:37

Ajârchu ama’n nanpu-nanpahei kha alungset hei, ama’n akadeisōt chei, ama ratha hratna khan Egypt a inphut ama khet in ajōng ṭhōisōt chei.

TIMOTHY INHNINA 1:5

Malung inthengtak a nataksenna kha kamandonsōt, napi Lois leh nanu Eunice hei taksen je hei kha’m kamandonsōt. Nang inum khava taksenna kha nanei ti inchênna kahlamrina kae.

TIMOTHY INHNINA 3:15

khana nasinlaia inphut a, singna nakapektor Jesu Christa taksen jâra hukmanhringna ting ani kaṭhōi Ṭong intheng namanhret jo kha mandonsōt roh.

JOSHUA 8:35

Moses Dân ṭongpek rakip Joshua’n a’ntûp seng, nuhmei leh naipang, khana ankâra ka-om jât-hlop hei hneng atei jo.

PETER INKHATNA 2:2

Ahei tik a arathla netui intheng ka-in hnōma tui kahre ṭhak, khavakha nan-inle nankhangna sik khana hukmanhring nanchenna sik, naipang a’ntether kha pō ruh.

ṬONGPHÔNG 14:5

Anmani kha anmalei seina inhret hêrmak; ṭhenakase hei kae.

SAMUEL INKHATNA 1:11

Hannah’n ka-ôrtak a intepna inkhat aneia, “Ô Chunghnung Rōngpu, nasōknu inrengna hi jōng enroh, ajōng mandon roh! Amahngi mak roh! Sapa inkhat napek eng inchu, ahringkhō katlung bit a ke’n ama kha nahnenga katōk sik tia intep eng, khana asam ep hêrmak ning.”

SAMUEL INKHATNA 1:22

Tâk hiva pha a hin Hannah chu semak jo. Apuise hneng ahri, “Naipang hi alendet pha leh ke’n ama Rōngpu inna ahringkhōa aka-omthang sik a kaṭhōi sik jo.”