MARK 1:41 - LEKHARABU INTHENG (BSI)

⁴¹ Jesu’n alungsetna kasip a, akut azera asit, “Ke’num kamadu, intheng roh,” tia amasôn.

MARK 1:41 ပူးပေါင်းရင်းမြစ်များ

A’NPHUTNA 1:3

Khava pha Pathen in ṭong apek a, “Vâr om rasoh,” atia, vâr hong kasōk jo.

HLAHEI 33:9

Ama ahei ṭongsōt pha, vânhnōi hi a’nsyem kae; ama ṭongpek a heirakip ahon’lâr hei kae.

MATTHEW 9:36

Mipuihei kha a-en hei pha, alungset hêr jo hei, ajârchu ankakhem kase kemōng rup kapōa, lungdong leh inthōpui kasea ka-om heia kae.

MARK 1:40

Vunnat inhnak karôn mi inkhat Jesu hneng kahong, inkuna, inthōpuina sik aleider. “Nang in namadu’n chu namantheng tor eng,” ati.

MARK 1:42

Khava phatak a nat khan ama kha amasō jo, khana ama intheng jo.

MARK 4:39

Jesu kangira thlipui hneng ṭong aleipek, “Dai hnger roh!” khan chu tui in-nông hneng ati, “Innok mak roh!” Khana thli kha kahai jo khana kadai hnger jo.

MARK 5:41

Ama’n akut amatua, “Talitha, koum,” hiva tina chu, “Naipangnu, ke’n thō roh kati che kae,” ati.

MARK 6:34

Jesu’n rakōnga inphut akesōt pha, mipuihei kha ahmu heia, anmani sik a amalung kha lungsetna’n kasip jo, ajârchu ankakhem kase kemōng ka-ang jo hei. Khava jâra ṭong katamtak amanthei manphut jo hei.

HEBREWHEI 1:3

Ama’n Pathen lûrna kha aser manvâr, ama hi Pathen hringje leh a’n-anghrep kha kae, aṭong ratha neina vâng khan vânhnōi hi hinga aman om. Mihringhei set rangei mandamna ṭōn atorsō leh Ratha Kaneipen Pathen kut changting marvâna in-onga ka-om jo.

HEBREWHEI 2:17

Hiva tina chu mihei setna kha rangei mandamna sik, apathen ṭōn tlona chunga khan anmani sik taksenthei leh maritna kasip Thempu Kalen achang theina sik, ahlam rakip a asōpuihei kapōa ama’m akachang sik leikasōk jo.

HEBREWHEI 4:15

Ni-Thempu Kalen hi eini tlâksamna chunga lungset inhret mak changmak. Tâk-kha, eini kapōa ahlam rakip a mathlemna aratō jo, tâk setna heite katlomak Thempu Kalen kha eini’n ninei.