MALACHI 4:2 - LEKHARABU INTHENG (BSI)

² Tâk-kha kei ani kajui nangni sik a chu, kei hukna rathahrat nanchunga kanisat kapōa kasōk sik khana kani ra-âng kapōa damna apek sik chei. Serōnga inphut sehratte masōsōt kapōa inpâk a kasōksōt sik jo chei.

MALACHI 4:2 ပူးပေါင်းရင်းမြစ်များ

SAMUEL INHNINA 23:4

sumtuk kaimakna jîngkâr kani tajōngsat ka-ang, khōsûrsō lim a kani tajōngsat phi kadi rik-rak kapō kae.”

HLAHEI 103:3

Kasetna rakip arangei mandam eng khana kanat rakip um amandam jo eng.

HLAHEI 147:3

Malung kakōi hei kha amandam pek nôk hei khana annatbi hei kha akatōmpek hei.

HLAHEI 61:5

Ka ṭongtep hei kha nathei jo, Eh Pathen, khana nang kajana kaneihei chen kha kei um napek jo eng.

HLAHEI 67:1

Pathen keini alungset roh, khana vâng apek roh; lungset a keini a-en roh,

HLAHEI 84:11

Rōngpu hi eini kahuk leh reng kalûr kha kae, lungset leh manlûrna pum a vâng apek me. Akadik katlohei sik a akaṭha neinâk pek sik kha heite maner mak.

HLAHEI 85:9

Ama kajana kaneihei huksōtna sik ama intluk ṭhak a ka-om, khana ama huksōtna kha nirama ka-om ṭhak sik a kae.

ṬONGCHÎK-HEI 4:18

Mikadik tahro hlam khachu kani ahong kasōk a, sûn pha ahong tlung mak kârseng ahong kavâr chet-chet kapō kha kae.

ISAIAH 30:26

Thla kha kani kapōa kavâr sik jo, khana kani kha angaia avâr kanek a vârsari kakhea kavârsa sik jo, ni 7 shunga vâr kha ni khat rōk a akavâr kapōa. Hihei rakip hi Rōngpu’n amihei rachâkna antak kôkbi kha akatōmpek heia amandam pek hei ning kani kha hongkachang sik.

ISAIAH 35:6

Ke inkhôi in inchôma kalâm sik, Akaṭong theimak mi kha; inpâk a ka-ông sik jo.

ISAIAH 49:6

Rōngpu’n kahnenga ahri, “Kasōk, nang sik a ke’n ṭōn kalen chet inkhat kanei. Alakahringa ka-om Israel mipuihei ansei lenna sik naheiṭhōi male sik rōk hei kha changmak tâk raleichung pumpui huksōt theina sik a ke’n jât-hei sik a vâr inkhat a nang kasyemsa sik che kae.”

ISAIAH 50:10

Nangni Rōngpu kajana kanei seng, khana asōkpa ṭong kajuihei seng, nanhlam hro kha inthim thei sik, tâk-kha Rōngpu taksen ruh, nan-Pathena in-ngai ruh.

ISAIAH 53:5

Tâk-kha eini setnahei jâra ama’n sungbi arôn jo, eini’n ṭhatmak nitlo jâra ama anvōk jo. Ama inrengtak a ankarâkna khan eini amandam jo me, ama antakabenna khan amantheng seng jo me.

ISAIAH 9:2

Khō inthim thōia ka-om mihe’n, vâr kalentak inkhat anhmu jo. Anmani ram kajing rahle thōia leika-om hei. tâk-kha tûnchu vâr in anchunga asat manvâr jo.

JEREMIAH 17:14

Rōngpu, amandam roh khan chu pui katluk a kahōi sik eng; ahuk roh khan chu pui katluk a inhrung sik eng. Ke’n kamanpâk kha nang che kae!

JEREMIAH 30:17

Ke’n ṭhatchômna kamannei nôk sik chei; nankôkna bi kaman dam sik, nankadōi he’n, ‘Zion hi hnongsōt jo kae, tûte’num donmak jo hei,’ anti’num leiti hei rasoh. Rōngpu ke’n kahri jo kae.”

JEREMIAH 33:6

Achang inum hiva khōpui leh amihei hi kaman dam sik hei khana antaksa kalamanṭhat nôk sik hei. Anhnenga lung mōngna leh inhukna katluk a kalamanhmu sik hei.

EZEKIEL 47:12

Tui lōngna apang heia sâk thei kapek sik a thingkung kahmông sik hei. Anbōhei kha invōi tik neimak hei ning, kara inra loa om hêrmak hei ning. Athla kataia kara ather inra sik hei, ajârchu Bek-inna inphut ajōng kalōng tui kha inpek jo heia kae. Thingkunghei khan sâk theikara anpek sik, khana anbōhei khan mipuihei damna sik anhmang sik hei.”

HOSEA 6:1

Mipui he’n anti, “Rōngpu hneng inle jo rih! Ama’n nitak amantôn jo me, tâk ama’n amandam nger sik me; ama’n amantôn jo me, tâk ninat bi kha akatōmpek sik me, tlomak ning mo?

HOSEA 6:3

Rōngpu kha manhretna sik tlo rih. Jîngkâr khōvâra nihnenga kahong nger sik, zerkhōlaia khōsûr in raleia tui apek kapōa.”

MALACHI 3:16

Khan chu Rōngpu kaṭit seng khat leh khat inbek hei, khana Rōngpu’n an-inbekna kha arangei heia athei pek hei. Ama hmaikunga, lekha inkhat shunga Rōngpu kaṭit leh kajana kaneihei rahming kha anmazet manhlut jo.

MATTHEW 11:5

hmitkacho’n khō ahmu, ke inkhōi ke achoi, kaphâr karôn intheng, kōr kaset athei, akathi kathōi khana sara inrenghei hneng Ṭong kaṭha inhrile.

MATTHEW 23:37

“Jerusalem, Jerusalem! Pathen in nahnenga ajōngtir sânkathemhei nathat hei, ṭongkarônhei hlung vâng nadeng hlon hei! Ârpui in atehei amathla hnōia aka-unsi kapōa, ke’num vōi heija mo namihei kabân vâng kaka-unsi sik a kaleimadu, tâk nang in amantlo mak che!

LUKE 1:50

khang inkhat a inphut khang inkhat katlunga, ama kajana kanei rakip hneng alungsetna amalâra kae.

LUKE 1:78

Ni-Pathen hi lungset kasip leh malung innem kae. Ama’n eini chunga hukmanhringna khō ajōng manvâr sik

LUKE 2:32

Jât-hlop hei hnenga nahlam malârna sik vâr inkhat, khana nami Israelhei lûrna kapek sik kha hi kae.”

JOHN 1:14

Ṭong kha mihring jōng kachanga maritna leh dikna kasip phet a nikâra ka-om. Alûrna kha kanleihmu, Apa Sapa inkhat rōk achangna aleichen lûrna kha kae.

JOHN 1:4

Ṭong kha hringna heisōkna kae. Khana hiva hringna hin mihring hneng vâr ahei rôn.

JOHN 1:8

Ama chu vâr kha changmak, vâr chungchânga akahri inthang sik a akajōng kha kae.

JOHN 12:40

“Anhmit in ahmu makna sik leh anmalung in amanhret makna sik, Pathen in anhmit amancho pek hei, anmalung akhârsi pek hei, khana ke’n anmani kamandamna sik hei kahnenga ho’nle mak hei ning, Pathen in ati.”

JOHN 8:12

Jesu’n Phariseehei hneng ṭong ahri nôk: “Kei vânhnōi vâr eng kae. Tu achang inum kei kahnung kajui khan hringna vâr kha anei sik, khana khō inthim thōia lônmak ning.”

JOHN 9:4

Kani omlai seng, eini’n anijōng katirpa ṭōnhei kha nitlo manjôn nger sik kae; tûte inkhat ṭōn tlothei makna jân pha jōng katlung sik jo.

ṬŌNTLOHEI 13:26

“Abraham sōn, Israel kasōpuihei leh Pathen inmuk sik a hiva hmun a ka-om Jât-hlop hei: hiva hukmanhringna ṭong hi eini sik mônga ajōng-intir jo kae!

ṬŌNTLOHEI 13:47

Ajârchu hivahi Rōngpu tapek ung ṭongpek kha kae: ‘Vânhnōi pumpui huksōt achangna sik, Jât-hlop hei sik vâr inkhat a kasyem jo che kae.’”

ṬŌNTLOHEI 26:18

Kei anitaksen jâra ansetnahei rangei mandam anchenna sik leh Pathen takadeisōt mihei kâra hmun anchenna sik a anmani hmit namanvâr pek sik hei khana inthima inphut vâra, Seitan ratha neina inphut Pathena nahong mahe sik hei kae.’

THESSALONIANHEI INHNINA 1:3

Sōpuihei, nangni jâra keini’n Pathen kantamanpâk ṭhak sik kae. Ajârchu nangni inkhat et in milak sik a lungsetna nantanei kha kalen chet-chet a, khana nantaksenna kha hingtuk hrep akhangtou jâra Pathen kantamanpâk sik hi akadik kae.

PETER INHNINA 1:19

Khava jâra sânkathemhei ṭong leihri manthangle kha eini sik kakhe chet a taksenna ka-om jo. Nangni hinahin nanmalung hlutna sik kaṭhadet nantatlo sik kae, ajârchu khōvârmak kârseng leh nanmalung shunga jîngkâr vârpa avâr mak kârseng khō inthim hmun a thaihmei tasat manvâr kapō kha hivahi kae.

PETER INHNINA 3:18

Tâk-kha ni-Rōngpu leh ani kahuk inhringpa Jesu Christa manhretna leh maritnating khang ṭhak ruh. Tûnum ahei tik a’m ama lûrna changṭhak rasoh! Amen.

JOHN INKHATNA 2:8

Achang ravâng, tuna kaheimazet chei ṭongpek hichu ather kae, ajârchu hiva dikna hi Christa leh nangni shunga inhmua kae. Ajârchu khō inthim kha kathlengsō jo, vâr kadik kha hong kavâr joa kae.

ṬONGPHÔNG 11:18

Jât-hlop hei anhnuk kanasō jo, ajârchu nahnuk natna sik pha kha jōng katlung jo, akathihei ṭong tanna sik pha jōng katlung jo. Nang kaṭit mihei akasin akalen ankhenga, nasōk-hei, sânkathemhei, khana nami rakip tloman pekna sik pha kha jōng katlung jo. Raleichung kasukset hei kha suksetna sik pha jo kae!”

ṬONGPHÔNG 22:16

“Jesu, Ke’n, hivahei hi bekrup shunga nangnihei hnenga akahri inthang sik a kangeva kajōngtir jo kae. Kei David innshunga asōn eng kae; akavâr jîngkâr vârpa eng kae.”

ṬONGPHÔNG 22:2

khōpui shung atlâk a akalōng kha amanhmu eng. Tuidung pang inkhat et a hringna thingkung kahmông, kum khat a ve 12, thla khat a vōi khat sam inra. Khana abō kha jât-hei damna kae.

RUTH 2:12

Naṭōntlo jâra Rōngpu’n vâng pek che rasoh. Ahrungna sik chea nahonghnai, Israelhei Rōngpu Pathena inphut pui katluk tloman nahmu chang rasoh!”