MALACHI 4:1 - LEKHARABU INTHENG (BSI)

¹ Akahratpen Rōngpu’n ati, “Mi inlensak leh mikaṭhamak-hei, hmei in sapôt akâng kapōa ankângna sik kani kha kahong jo. Khava ning anmani kakângsō sik hei, antaksa khatbek um inhmu mak ning.

MALACHI 4:1 ပူးပေါင်းရင်းမြစ်များ

JOB LEKHARABU 18:16

Anrajung leh anbâk invōi heia kachâr jo hei.

HLAHEI 119:119

Mikaṭhamak heirakip kha akabōk neinâk kapōa nalo hei, khava jâra namansena kha kamadu hei.

HLAHEI 37:9

Rōngpu kataksenhei khan ram kha anchen sik; tâk mikaṭhamak-hei chu hnongsōt a ka-om sik hei.

SŌKSŌT 15:7

Kalûrtak a natorna vâng khan na’nrepuihei kha nahlon maletsō jo hei; nahnuknat khan hmeia kasûk a anmani sapôt kapōa akâng manvâm hei.

ISAIAH 40:24

Anmani kha hardông kapō hei kae, raleia rajung anṭhōlim leh keisōt hei kapō kachang hei. Rōngpu’n thli ahei mansem pha, khahei kha kachâr heia sapôt kapōa asêm manjōng hei.

ISAIAH 41:2

“Nisō tinga inphut torna kaneipa ahei kaṭhōi kha tu mo, asena hmun rakip a hmesōna inchangpa kha? Renghei leh jât-hei chunga retorna kapek kha tu mo? Anmani vaiphinhei kapōa, ama chemjâm in akalek hlon jo hei. Ama the khan anmani kha sapôt thli tasêm manjōng kapōa akathek hei.

ISAIAH 47:14

“Anmani kha sapôt bongkhat kapō kachang sik hei, khana hmei in aro manhmang sik jo hei! Anmani anbinga kapha inhuktor mak hei ning hmeimale kha anmani sik a kalum hêr sik, anmani taksa manlumna sik a anhnenga anta-o hmei kapō changmak ning.

ISAIAH 5:24

Khava jâra, tûn, kahar kachâr leh sapôt hmeia kakâng kapōa, narajung kachâr sik, napârbō invōi sik khana thli’n asêmsōt sik, ajârchu nangni’n Chunghnung Rōngpu Israelhei a’ntheng Pathen ṭong mantheina me kha lomak chei.

ISAIAH 9:18

Mihei ṭhatmak kha hmei kapōa kakânga rahling chap, thing bur hei amanhmangsō apō. Ratu hmei kakânga hmeikhu hlom chungting kaketou apōa kae.

ISAIAH 9:19

Ajârchu Chunghnung Rōngpu kha ahnuk kana jo, ama mi karâkna kha hmei kapōa ram pumpuia kakâng jo khana mihei asuk manhmang jo hei, hivahi anbibinga anchen kae.

EZEKIEL 20:38

Nangni kâra racham kase leh setna katlohei kha kalosōt sik hei. Anmani tûnna an-omna ram a inphut kaṭhōisōt sik hei, khana Israel ram a heimanle nôk mak jo hei ning. Khava pha nangni’n kei hi Rōngpu eng kae tia nanmanhret sik jo eng.”

EZEKIEL 21:32

Hmei in akâng manhmang sik chei. Nanthisen kha nanram shunga katla sik, khana tûte inkhat in amandonsōt mak jo hei ning.’” Rōngpu’n ahri jo.

EZEKIEL 24:11

Tûnchu sum-êng bephu kha rahe chunga manchōng ruh khavakha lum sona hongsen jo rasoh. Khava sōa thir-ek kabek rakip akânghlon sōa beklanga hong intheng sik jo,

EZEKIEL 34:17

“Tûnchu, kakemōng rup-hei, Chunghnung Rōngpu ke’n kahri pek chei kae, nangni inkha-khat chunga ṭong katan sik kae, akaṭha leh akaṭhamak, kemōng leh ke kaṭhensōt sik chei.

EZEKIEL 7:10

Israel sik a inhmangna kani kha kajōng jo. Intuk inthat jōng kapung jo. Inlensakna kha alêr katlung jo.

JOEL 2:1

Zion Tlânga pengkun tum ruh; khō ôn ruh, Zion Tlânga, khava Pathen hmebung inthenga khan. Judah mihei, ṭit a in nôk ruh! Rōngpu kani kha inranga kahong jo.

JOEL 2:31

Ṭit ka-om Rōngpu kani kha ahong mak hma kani inthimpak sik, khana thla kha thisen kapōa kasen sik.

AMOS 2:9

“Kha’num kamihei, nangnihei jâra Cedar thing kapōa a’nshâng, sasō thing kapōa akangar, Amorhei kha kasuk manhmangsō jo hei.

OBADIAH 1:18

Jacob leh Joseph mihei kha hmei ka-ang sik hei; Hmei in neinâk kaṭhamak akâng manvâm kapōa Esau mihei kha anthat maram sik hei. Esau sōn leh pâr inkhatbek hringmak hei ning. Rōngpu ke’n kahri jo.

NAHUM 1:10

Rahling kachâr khana sapôt kachâr kapōa, ju-inruihei nangni ro manvâm sik jo chei kae!.

ZEPHANIAH 1:14

Rōngpu kani kha hong kahnai jo, kahnai hêr jo, inrangtak a kajōng jo! Khavakha kani kakha kachang sik, ajârchu remi kahrânghei kapha’m inrimtak a kaṭap sik hei!

ZEPHANIAH 1:18

Rōngpu’n ahnuknat amalâr ning khan, ansana dangkahei kha’num anmani huk tor mak hei ning. Ahnuk natna hmei khan raleichung pumpui asuk manhmang sik. Raleichunga aka-om rakip hei sik a achaina, manhret manloa abângna amanchang sik.

ZECHARIAH 14:1

Rōngpu’n ṭongtan hmun a a’n-ongna sik pha jōng kahnai jo. Khava sōa Jerusalem chomsōt a ka-om sik, antachom hei kha nanhmai kunga insem sik hei.

MALACHI 3:15

Eini’n nihmu khachu, mi inlensak-hei kha mikahōihei kae. Mikaṭhamak-hei kha ankakhang rōk kha changmak a, anṭhatmakna vânga khan Pathen dehratna kha enmansinna annei, khana inphut sōksōtna annei.’”

MALACHI 3:18

Ave nôk a kami he’n mikadik leh mikadik mak hei chunga omchen kasōk, kei inzen leh kei inzenmak mihei kâra akasōk kha anhmu sik jo.”

MALACHI 3:2

Tâk-kha ama ahong pha tu’n mo athōk tor sik? Ama ahong inlâr pha tu mo kahringa aka-om tor sik? Ama kha thirkheng manthengna phûmhmei kapō khana pōnsôpna sâbon ka-ang sik.

MALACHI 3:3

Dangka kakheng intheng inkhat kapōa ṭong katan sik a ama kahong sik. Sana dangka kakheng ṭōnkatlo mi kapōa Rōngpu ṭong karônpa khan thempuhei kha Rōngpu hnenga akadik neinâk anheitōkna sik a asuk mantheng sik hei.

MALACHI 4:5

“Tâk-kha khava akalen leh ṭit ka-om tak Rōngpu kani kha ahong mak hma nanhnenga sânkathem Elijah kahei tir sik.

MATTHEW 3:12

Ama’n yângjâp akut a achoi, sarahmu ajâp mantheng sik, khana sâng kha sasōr shunga akhum mantûp sik, tâk sarasi hei khachu akathi theimak hmeikhur shunga ahlon manhlut sik hei.”

LUKE 19:43

Nare he’n nakimvea ankakurkhum sik che, nahlam rakip ankhâr sik a kha rekur antuk khumna sik che kani alajōng katlung sik kae.

LUKE 21:20

“Remi he’n Jerusalem antakake khum nangni’n nanhmu pha a’nhmangna sik pha kahnai jo ti manhret ruh.

LUKE 6:23

Khang’khan antlo chei pha, inpâk a lâm ruh, ajârchu inpâkman kalentak nangni sik a marvâna dapek jo chei kae. Ajârchu anpusōn he’num khava kapōhrep a sânkathemhei kha anleitlo heia kae.

THESSALONIANHEI INHNINA 1:8

Pathen kahlonsōt hei leh, ni-Rōngpu Jesu Christa Ṭong kaṭha kajuimak hei kha ama’n hmeimale vâng karâkna anei sik hei.

PETER INHNINA 3:7

Khana tuna ka-om marvân leh ralei hichu hmei vâng suk manhmang theina sik, Pathen ṭong mama khan aṭhen a ada kae. Anmani kha bekṭong kaneimak hei ṭong tanna sik kani ning suk manhmang sik a ada a aṭhen jo hei kae.