MALACHI 3:5 - LEKHARABU INTHENG (BSI)

⁵ Chunghnung Rōngpu’n ati, “Ṭong katan sik a nankâra hongkangir sik eng, hmitphedôi kachoihei, mikajônghei, sâkhi kadikmak kapek hei, anṭōn katlohei rathaman kapek mak hei, khana renghmeihei, khana nu leh pa kasehei, khana ram hlop heia inphut hnemna kajōng hei, khana kei kajana anikapek mak hei seng chunga ṭong katan sik.

MALACHI 3:5 ပူးပေါင်းရင်းမြစ်များ

A’NPHUTNA 20:11

Abraham in amasôn, “Hivahin Pathen kaṭit tûte om mak hei ninga kha kanuhmei ompuina sik a kei anithat sik eng tia kaleimandon.

A’NPHUTNA 42:18

Ni 3 tluk ning Joseph in an-hnenga, “Kei Pathen kaṭit mi eng kae, ahlam inkhat a nangni hringkhō kaṭhensōt pek sik chei.

NEHEMIAH 5:15

Kei mak hma vaikarôn aleikachang rakip in mipuihei sik a rônkahrik leikachang hei, ju leh thlai sik a dangka 40 sasâm ni khat a anleider hei. Tâk-kha ke’n ahlopdet a ṭōn kaleitlo, ajârchu Pathen kakaja a kae.

JOB LEKHARABU 31:12

Khavakha, kanei rakip akakângsō kathi khura hmei, akakâng inramsō kapō kha kachang sik.

JOB LEKHARABU 7:2

sōk he’n daihlim antarangei kapō kha kae; ṭōnkatlo he’n anṭōn tloman antahngâk kapō kha kae.

HLAHEI 36:1

Mikaṭhamak-hei lungri shunga setna kha kaṭong; anmani’n Pathen kha anhōt, khana kajamak hei.

HLAHEI 81:8

Kamansena chei hi, kamihei, rangei ruh; Israel, kaṭong narangei sik hi heituk a kamadu che mo!

HLAHEI 96:13

raleichung vai karôn sik a Rōngpu kha ajōng pha. Ama’n raleichunga amihei kha kadik leh kaṭhatak a vai arôn sik jo hei.

HLAHEI 98:9

ajârchu ama kha raleichung vai karôn sik a kajōng! Ama’n ralei mi rakip chunga akadik leh akaṭha vâng vai arôn sik.

SŌKSŌT 1:17

Tâk-kha khava thempi hei khan Pathen anṭit jâra rengpa ṭong kha leijui mak hei, pase naihei kha’m anlei manhring hei.

SŌKSŌT 18:21

Kha leh inṭhōia nang in hlamkakei akarôntor sik mi ṭhahrep mipuihei hlamkakei sik a kadei heiroh: mi 1, 000 sik, 100 sik, 50; 10 hei sik a. Anmani kha Pathen kaṭit, taksenthei, khana sêrmarûk kasâk mak mi akachang sik hei kae.

SŌKSŌT 20:7

“Nangni’n Karahming kha ṭhat-mak mantlukna langa hmangmak ruh, ajârchu kei Rōngpu nan-Pathen eng kae, tu achang inum karahming akadik mak a kahmang kha karâkna kapek sik kae.

SŌKSŌT 22:20

“Tu achang inum Rōngpu kei hnenga tei loa pathen lak hnenga ava’nthôi mi kha thina pek ruh.

ṬONGCHÎK-HEI 16:6

Ṭong jui roh taksenthei chang roh, khana Pathen in nasetna arangei mandam sik, Rōngpu ṭong kha jui roh, nachunga ṭhatmak heite sōk mak ning.

ṬONGCHÎK-HEI 8:13

Rōngpu kajana nei hi akaṭhamak materna kha kae; êngkase leh mi inlensak, akaṭhamak omchen leh ṭong kadikmak kamater.

ISAIAH 57:3

Nangni mikaset-hei, nanṭong tanna sik a hong ruh! Nangni dôi kachoi, mikajông leh notinu kanek a akaṭha changmak chei.

JEREMIAH 23:10

Ram shung hi Rōngpu hnenga taksenthei kachangmak mi kasip jo hei; anmani akaṭhamak hringkhōa ka-om hei khana anratha neina kha ṭhatmak a anhmang jo. Rōngpu’n ahâksêr jâra ram khan ṭajai asui, ramhâng hei kha kachârsō hei.

JEREMIAH 27:10

Anmani’n anhōn chei khana nanrama inphut ram kahlatak a anman ṭhōisōt sik jo cheia kae. Ke’n nangni kahnong sōt sik chei, khana nangni karampet sik jo chei.

JEREMIAH 27:9

Nansân kathemhei achangmak leh hnungṭong kanhrisōt tor kati hei, rahmanga achangmak leh akathi rathla bekna achangmak leh hmitphedôi kantlotor kati hei ṭong kha rangei mak ruh. Anmani ankheng in Babylon rengpa hneng hlutmak ruh anti cheia kae.

JEREMIAH 29:23

Hivahi anmani mahâmsetna kha kae, ajârchu anmani’n ṭit ka-om tak setnahei kha antlo, kajông hei khana Rōngpu rahminga maleisei anhria kae. Hivahei hi Rōngpu lungdo changmak; anmani ṭōntlohei kha ama’n amanhret, khana ama’n anmani dōina sâkhi kachang. Rōngpu’n ahri jo.”

JEREMIAH 42:5

Khava pha anmani’n anhri, “Rōngpu ni-Pathen in keini sik apek che ṭongpek seng kha keini’n kanjuimak inchu, keini kadōia Rōngpu kha taksen ka-om leh akadik sâkhi chang rasoh.

JEREMIAH 5:2

Rōngpu kha kankamuk nanti’num, nantati kha tlomak chei.

JEREMIAH 5:29

“Tâk Rōngpu ke’n, hiva rakip jâra anmani karâkna kapek sik hei; hiva jât chunga phu kahlō sik kae.

LEVI-DÂN 19:13

“Tûte inkhat chunga hnemna jonga anei kasut mak ruh. Ratha nantanêk tu inkhat hlō kha jân khatbek um khâm mak ruh.

LEVI-DÂN 20:10

Mi inkhat in a Israel changpui inkhat nuhmei ajôngpui inchu, ama leh nuhmeinu kha that sik hei kae.

LEVI-DÂN 20:27

“Tu pase nuhmei achang inum akathi rathlahei hneng ṭong kajong mi kha hlung vâng denghlon sik kae; hiva katlo mi kha athina rahno arôn sik kae.”

LEVI-DÂN 20:6

“Tu inkhat in kathi rathla inphut ṭong kalo hei hnenga mansena kangeituia avakase mi kha, ama kha kadōi sik, kami inkhat a teimak jo ning.

MICAH 1:2

Nangni jât rakip, hivahi rangei ruh; raleichunga aka-om rakip hivahi rangei ruh! Chunghnung Rōngpu’n nangni a-ensui sik chei. Rangei ruh! Ama’n marvâna abek-inna inphut ṭong ahri.

HABAKKUK 1:12

Rōngpu, anphutbia inphut nang chu Pathen che kae. Nang a’ntheng leh kumsôt a ka-Pathen che kae. Rōngpu ka-Pathen kakahrungpa, nang in Babylonhei kha nakadei hei khana keini karâktorna sik a ratha napek hei.

ZECHARIAH 11:12

Ke’n anhnenga kahri, “Nangni’n nanpek hnōm eng inchu, karatha man apek ruh. Nanpek hnōm mak eng tâk leh eipeda ruh.” Anmani’n karatha man dangka 30 lim anipek eng.

MALACHI 1:6

Chunghnung Rōngpu’n thempuhei hneng ati, “Sapa’n apa kajana apek, khana sōk in akapu kajana apek. Kei nanpa eng kae, heijâra mo kajana nantapek mak eng? Kei nankapu eng kae, heisa mo nantakaja mak eng! Nangni’n adonmak chei, kha’num nander eng, ‘Heikhonga mo kantadon mak che?’ nanti.

MALACHI 2:14

Heijâra mo arahlâng mak nangni’n nander. Ajârchu nangni naipang nanchanglai lômnu nanneina khan nan-intepna kha nanmakhōia kae. Amanu kha nang taksa ṭhen khat kae, ama hnenga taksenthei chang sik a Pathen ângshunga intepna naleinei jo’num ahnenga na’ntepna kha navōkkhōi jo.

MALACHI 2:17

Nanṭong hria Rōngpu kha nanmanchim jo. Tâk-kha nangni’n, “Heikhong inmo keini’n ama kanta manchim?” nanti. Hinga nanhrina khana kae, “Akahratpen Rōngpu’n ṭōnse katlo he’m kaṭhahei tia amandon hei; kadiktak a ama’n amadu hei,” nanti. Khana nangni’n nandera, “Akadik katlo sik Pathen kha khon mo aka-om?” nantia kae.

LUKE 23:40

Tâk-kha inkhatpa khan araseia ati, “Nang Pathen ṭitmak che mo? Nang in ama leh in-angtlinga ṭong tanna kha nachen jo kae.

ROMANHEI 3:8

Chu achang inchu, “Akaṭha hongsōkna sik, setna tlo rih,” heisa mo niti mak? Hiva ṭongkhet hi kahri anti enga, mi ṭhahrep in inzak anleipek eng! Anmani rahōi sōkna dungjuia masetna kha a’npe sik hei kae.

DÂNRABU INHNINA 15:13

Nanmasō hei pha, kut karōk a manse mak hei ruh.

DÂNRABU INHNINA 18:10

Nanmaichâm chunga hmeishunga nansahei kha inthoina tōkna neimak ruh; nanmihei kha ṭong sânna, kutje enna, dôi ṭong manchamna,

DÂNRABU INHNINA 24:17

“Khōhme leh nu leh pa kasehei dikna ratha neina kha manhmang pek mak hei ruh; hmeithainu inkhat pōnsi kha sêrpûk jâra bandhop a lopek mak ruh.

DÂNRABU INHNINA 27:19

“‘Khōhme, nu leh pa kase khana renghmeihei hneng rumhrat katlohei chunga Pathen hâksêrna tlung rasoh.’ “Khana mipui he’n ‘Amen!’ tia anmasôn sik.

DÂNRABU INHNINA 5:11

“‘Ṭhatmak mantlukna a kei rahming phâkmak ruh, ajârchu kei Rōngpu nan-Pathen in karahming môksek a akaphâk hei kha karâkna kapek sik hei.

THESSALONIANHEI INKHATNA 4:6

Hiva chunga hin, tûte’n asōpui Christian inkhat chunga akadik mak omchen atlo mak sik khana hnemna ajong mak sik kae. Hiva chungchânga ṭōnse katlo mihei kha, Pathen in karâkna apek sik hei ti hi hma inkeia inhnaktak a kanleihri jo.

HEBREWHEI 13:4

Luhông hi mi rakip in kaja hei rasoh, khana apuise leh anuhmei kha khat leh khat taksenthei chang hei rasoh. Mikajông leh omchen kadikmak khachu Pathen in anṭong atan sik kae.

JAMES 5:12

Kasōpuihei, heirakip chunga, nangni ṭong nan-intep pha inhâksêr mak ruh; marvân kapan a, ralei kapan a, heikhat kapan a inhâksêr mak ruh. Nanhnōmna kha “Ôk”, nandana kha “Dâng”, ti hnâm ruh, kha achang inchu nangni Pathen ṭong tanna thōia om mak tin chei.

JAMES 5:4

Nanhleia ratha nantamanrōi hei khachu aman pek mak chei. Anrasa nei kha rangei pek hei ruh. Nansâng kakhôm hei malung hōimak a an-ông rasa khan akahratpen Rōngpu, Pathen omna langa hong katlung jo.

ṬONGPHÔNG 21:8

Tâk-kha ṭit kasehei, mikahōnhei, mikathat-hei, omchen kase hei, dôi kachoihei, limsyem inmuk hei, khana malei kaseihei seng omna sik a hmun kha hmei leh kât kângna dîr kha kae, khavakha vōi 2 tlukna thina kha kae.”

ṬONGPHÔNG 22:15

Achang ravâng khōpui vângting khan chu, mikahōn inthla, mikaṭhamak, dôi kachoi, mikajông, mikathat, limsyem inmuk, ṭōntlo leh ṭonghria malei kasei ka-om hei.